平時小瑟做耳機評測時, 好多網友都會叫我借左呢隻耳機返來試下效果, 不過因為時間關係, 小瑟手上仲有好多之後應承左的評測未做, 所以今次小瑟就問代理借來快快同大家快試一個星期, 在各個位置上同大家來個星期實測感覺, 希望比大家可以知道呢隻 Bose QC Earbuds 真無線耳機比到咩效果先啦!!
Bose QC耳機的充電盒可提供最多18小時的使用。所以體積都比較大呢.
MOOV及TIDAL串流音質部份 :
小瑟今次用上Samsung S21U呢部Android手機來測試, 而串流音樂平台就用左 MOOV同TIDAL, 呢隻Bose QC雖然行緊 BT5.1版本, 不過係傳輸的規格上就只有 AAC同SBC二款格式, 基本上連 AptX都未有支援. 但係咪就即係等於唔掂呢?? 咁又唔一定的, 有時好唔好聲同規格係未必成正比的. 小瑟今次試左MOOV上的 24Bit/48kHz FLAC的【 姜濤《Master Class》】試聽, 老實講, Mirror 或 Error 的MV就真係好正, 係 21:9 或4K拍攝, 但音樂就唔算特別好聲, 不過聽串流既野, 歌先係重點, 講返首歌的表現, 低音充足, 人聲都算突出, 聽POP野的確係唔會有咩問題呢. 之後再來就係聽 Tidal Master 的【 鄭中基《My Only One》】, 開場的背景和音出來不錯, 可以說都有50%左右的空間感呈現出到, 算做過關, 而且在結他的演繹是舒服自然的.
降噪功能非常不俗，但App控制有待改善！
呢隻BOSE QC在功能上其實的確係非常勁齊全的, 而且佢都附帶《Bose Music》App 來控制其功能, 不過在功能的應用上就未必做得係十分之好, 好似降噪功能上, 唔知點解, 有時App設定到10之後, 過左好一會都未有反應. 但過一陣又會得返, 唔知係咪同個別手機有關呢. 另外有一樣野小瑟都想廠方希望可以改善一下就係《Bose Music》App 如果可以不一定先 eMail 登記先可以使用會比較好呢, 因為有時真係唔想登記太多不同 Account. 好, 話回其降噪功能, 佢既降噪功能都算幾強, 需要有10級的調節, 去到最大10級都真係可以過濾大部份街上的嘈音的.
Conclusion：「 各方面功能都非常平均的真無線耳機！」
今次借呢隻耳機返來聽左一個星期, 在眾多真無線耳機來說, 其實呢對 Bose QC 耳機都算係中上級之選, 而大部份分數都係比耳機的音質, 通話, 連線穩定性, Youtube對咀能力都係非常不錯的效果. 小瑟在旺角地鐵站上 Body Shop死位測試, 都係窒左小小一次, 其他地方未有發生過問題, 非常不錯呀. 不過在耳機的觸控面板功能上, 小瑟就需要多一點時間去學習, 因為 Bose QC Earbuds 的控作方式算係一個幾新穎的方法. 因為一般咁細隻耳機都唔會有『由上拉下』的控作, 但 Bose QC 的音亮就係以呢個方法去調控的, 算係小有. 而且觸控功能未可自定, 對於習慣左自定功能的小瑟來講, 難免需要多點時間去習慣呢. 另外這個價位的真無線耳機一般都會加入AptX連線功能去增強其音色的傳輸頻寬, 如果可以支援就會更見完美呢.. 總結來講呢隻 Bose QC Earbuds 如果你係 Bose Fans, 或之前已經用過佢地耳機, 而且又喜歡 Bose 的風格的朋友, 小瑟都建議大家可以去試下同你手機配對試一試是否合你口味呢!
Bose QuietComfort Earbuds焦點規格
無線連接：藍牙 5.1（SBC 和 AAC）
防水功能：IPX4
連續播放時間：6 小時、配合充電盒使用可達 18 小時
收音咪：4 組
重量：高 3.9 厘米 x 闊 2.6 厘米 x 深 2.7 厘米（各耳機 8.5 克）
售價：HKD$2,299
