2021 Apple TV 4K 升級 A12 仿生晶片！舊 Apple TV 一様有得玩iPhone顏色校正【Apple資訊】
Apple 的 Spring Loaded 2021 在岩岩的星期二凌晨 2 時完結，不知道各位讀者及粉絲有什麼想法呢？今次 Apple 推出全新的 Apple TV 4K ，最大更新是採用 A12 Bionic 晶片，能夠播放 4K 60fps Dolby Vision 畫質的影片。負責控制的 Siri Remote 擁有五向導覽的觸控板，用家能上下左右滑動操作，外形簡單直觀。今次更新仲支援 AirPlay 4K HDR播放，支援 High Frame Rate ，所以使用 iPhone 12 Pro 拍攝的影片，可完美播放。另外更重要的是，今次 Apple TV 配備自家的 Color Balance Adjustment，即係色彩平衡處理功能。用家需要把運行 iOS 14.5 且具有 Face ID 功能的 iPhone 屏幕對準電視屏幕，色彩評估就會自動進行，提升觀看享受。而且舊有的 Apple TV 用家，只需要更新成 tvOS 14.5版本，都可以享有呢個全新功能呀。詳情小瑟同Hugo會係更新後同大家即時出實試影片，大家記我留意我地 Youtube Channel呀！
Sony Xperia 1 III ！ 全球首部 4K/120Hz 屏幕兼備雙遠攝焦距手機登場！【手機資訊】
Sony 全新一代 Xperia 手機旗艦作 Xperia 1 Mark III 岩岩發佈左，擁有不少世界首創功能，如 6.5 吋 21：9 CinemaWide 4K HDR OLED 顯示屏幕，能輸出 120Hz 更新率，令大家玩遊戲及在瀏覽網頁時更暢順。另一特點是它 3 組主鏡中的遠攝鏡頭，加入了 105mm 焦距，且配有 Dual-PD 影像感測器，令大家可作快速切換焦段及對焦，好似好強咁喎。而且更加入 Real-time Tracking 實時追蹤功能，大家只要在拍攝前先鎖定拍攝對象，即使拍攝對象快速移動都能在瞬間被清晰拍下。而發佈會上更加映：Sony Xperia 5 Mark III 及 Sony Xperia 10 Mark III。希望小瑟可以快D上手實試一下係咪真係咁勁先！
漫威首部華裔超級英雄作品《尚氣與十環傳奇》官方預告正式釋出
Marvel最新超級英雄電影《尚氣與十環幫傳奇》喺早幾日公佈左首個前導預告。尚氣係Marvel電影宇宙入面首部華裔超級英雄電影作品，陣容方面包括梁朝偉飾演嘅「文武」、加拿大華裔演員劉思慕飾演嘅「尚氣」，同埋史上首位華裔金球獎影后 Awkwafina 等等。喺預告到見到電影充滿東方元素，並有大量向 60-90 年代亞洲武打電影致敬嘅場口。電影講述男主角尚氣為左阻止惡勢力擴展而重回舊地，從中揭開男主角嘅身世同埋反派「十環幫」嘅起源。其實「十環幫」原先設定係Iron Man嘅宿敵，喺《鐵甲奇俠》同《鐵甲奇俠3》入面以彩蛋方式鋪陳過。唔知今次作品會唔會呼應番呢，就等電影9月上映果陣自行發掘啦！
https://post76.hk/thread-328448-1-1.html
實體展覽重啓！ IFA2021 計劃於 9 月恢復正常形式展覽【業界資訊】
因為疫情發展同防疫規定關係，過去一年嘅國際展覽都改以網上進行。而最近全球疫情逐步放緩，所以「IFA柏林國際廣播展」有意喺今年 9 月如常舉辦 IFA 2021。預計會以「公共健康」同埋「公共安全」作為大會主題，並會新增兩項全新活動包括 Tech Up for Women 以及 Berlin Photo Week。而過往嘅傳統大型項目例如 IFA Next等等都會如常舉辦嘅。但部分嘅電子企業就表現消極啦，例如Sony、Nokia、Ericsson 等等嘅廠商都表示唔會參加今年 IFA 展覽，預計大家仲需要一段長時間先會對實體展覽恢復信心呀。
LG 成 Apple Car 主要生產商 概念車真身最快 2024 年亮相 【科技資訊】
《韓國時報》指LG會同加拿大汽車供應商Magna合作製造Apple Car，並預計會喺2024年推出。LG同Apple其實已經合作多年，因LG Display係Apple零件供應鏈嘅恆常合作夥伴之一，雙方早已熟知對方嘅合作特性。而生產線位於美國嘅 Magna亦係促成今次合作嘅關鍵。消息指 LG 同Magna嘅合資公司 LG Magna e-Powertrain , 將會同 Apple 簽署合作協定，負責製作首批量產型 Apple Car。外間預計今次生產規模會比一般汽車生產業細，推斷 Apple 唔打算同其他電動車品牌正面競爭。唔知一衆果粉對今次 Apple Car 有咩期望？都歡迎留言話比我地知嫁喎！
