李麗珊Lisa Lee，李麗珊又係邊個？唔係滑浪風帆呀！只係咁啱同名同姓，李麗珊Lisa Lee 除了是一個歌手，仲係一個節目主持，近排仲多咗個身份，就係做咗媽媽啦！但係呢個媽媽唔簡單，仍然堅持一年一專輯！繼2017年推出「Rewind | Be Kind」，2018年「Once Again 可一．可再」，2019年「Grow With Me」，2020年「Popcorn Memories」呢張專輯正正今日想介紹俾大家！
主題曲響起一幕幕畫面浮現眼前
電影與音樂往往都係息息相關，當中一些插曲配樂。都可能會勾起你對嗰套電影嘅回憶，就好似《喜劇之王》入邊有一首巜戀一世的愛》，唔知道你又諗起啲咩？你會諗起尹天仇同柳飄飄講「我養你！」？
一首主題曲自然會喚醒你對電影嘅記憶，可能未必記得晒全部劇情，但都會記得當中故事，人物。
相反有一些電影可能未必睇過，但當中嘅主題曲可能已經聽過，作為一個九十後，未睇過「少女日記」都未算奇怪。但係「偶遇」就真係百聽不厭！那份少女情懷，對於愛情那份純真，從歌詞中流露出嚟，主題曲對一套電影絕對係一個不可或缺嘅一部份！
這個冬天不太冷
今次李麗珊送俾各位聖誕禮物，第四張個人大碟「Popcorn Memories」收錄了不少電影主題曲，當中包括《新紮師妹》《喜劇之王》等等非常經典嘅電影作品，再由香港著名作曲家、結他手Barry Chung為咁多首經典主題曲重新注入靈魂，同時為Lisa度身訂做一個更好嘅編曲，等大家可以係Lisa角度去重新細味咁多經典作品，仲有仲有唔好錯過李麗珊第二首填詞作品《尋覓那人》！都係為近期香港開電視大熱日劇「夏空」演繹插曲。到底尋覓啲乜嘢？係愛人？親人？未放低嘅人?唔…呢個答案交返俾你啦。
「Popcorn Memories」CD曲目:
1. 勇 （電影《新紮師妹》）
2. 戀一世的愛 (電影《喜劇之王》）
3. 風花雪 （電影 《天涯海角》）
4. 黑夜不再來 （電影《十二夜》）
5. 兩個寂寞人 （電影《新半斤八両》）
6. 有你便有我( 電影《極速傳說》）
7. 六樓后座 （電影《六樓后座》）
8. 偶遇 （電影《少女日記》）
9. 阿信的故事 （電影《阿信》）
10. 忘了忘不了（電影《忘不了》）
11. 差一點我們會飛 （電影《哪一天我們會飛》）
12. 尋覓那人 (香港開電視 人氣日劇《夏空 》香港版插曲)
