回想當年開立 Post76 呢個網址, 其實都係因為自己手痕, 岩岩 Internet 興起, 自己又學人玩下起 Server, 攪下新聞組, 聊事谷, 想攪一個屬於自己網站, 第一個想法係與其成日有人問同一樣的問題, 不如整個網頁出來, 比人睇返D成日問既問題. 仲記得, 當年係由一個BLOG開始, 之後就一個新聞組咁, 個 Server 就咁放係屋企就可以, 仲記得當年都係行 Win NT, 一條家用寬頻就攪掂…….😅
冇諗過事隔18年, 依家 Post76 已經係自己既事業, 每日既工作就係同大家分享影音產品, 新聞, 分享自己玩左咩, 又分享大家係科林上玩左咩, 其實目標都係希望可以另到大家可以玩得開心D, 玩得容易D. 好好彩, 經過咁多年, 係香港都算聚到一班志同道合的影音友, 我地呢度有玩家庭影院的, 有玩兩聲道的, 有玩耳機, 打機, 玩具figure, 電腦, 手機, 影相, 睇戲, 聽歌的. 大家仲係76玩的, 都已經係知道我們是以互相尊重, 理性分享為大家前題的. 所以我們都非常感恩還有不少版友對我們的支持. 在此我們 Post76全體仝人真的非常感謝大家!!!!🙏 的確呢10年既變化好大, 因為Facebook, IG, Whatsapp, Wechat 各式各樣的社交平台興起, 其實都另我地 Post76科林人流分流左去不同平台, 不過我好相信, 今時今日仲會每天在科林同大家吹水, 睇PO, 留言, 加分, 分享的, 都係我地 Post76 的忠實支持者, 而且亦都係對影音玩樂呢個主題成為了自己的一份興趣, 而亦都因為有大家的支持, 所以我地先有力量去做到今時今日. 😜🥰😘
今年2019-2020年係我地做咁多年最艱難的一年. 以往我地每年都會有20-30個實體的體驗會舉行, 而在2018年我地更加第一次舉辦我地自家既『DES香港影音玩樂展』. 但今年大家都明白, 我地只係年頭舉行過三個會員活動之後, 就一直都冇機會可以做到落地活動, 這都對我們打擊都可說非常之大. 可幸地我地仲有大家的支持, 另我們可以捱到今時今日, 亦都非常之多謝大家, 更多謝上天看顧.
這個2020年, 相信唔止我們 Post76, 還是我們香港人非常動盪不安的一年, 大家都需要努力, 互相勉勵, 大家都珍惜身邊人. 今年18週年的活動本來都安排了一點的, 但因為近日疫情嚴峻. 我們都暫停了相關的見面活動, 改為網上進行好了. 因為我們都祝大家『身體健康, 生活愉快!!』🤓
2020年12月02日 Post76 18週年生日快樂….小瑟字!
#特別鳴謝每年為76無私付出的『😎版主們』及為我們無私幫手制作週年Artwork的六號檯台柱六爺(ykluk)!!!😘
