今個星期電影同藍光碟既新聞比較爆, 產品方面又係 HDMI 2.1 出事既新聞, 今次竟然到電視都有事??
電腦音響品牌 Creative 踩過界推出全新 2.1 聲道 Soundbar !?【影音資訊】
為開拓蝸居影院市場，著名電腦音響品牌 Creative 最近宣布在日本推出全新 Soundbar 系統 Creative Stage V2，開賣價為 11,800 日圓，換算約 872 港元。主打新手入門同高性價比路線。Creative Stage V2 採用 2.1 聲道設計，組合包括 Soundbar 主體及獨立超低音喇叭。規格上，主體 Soundbar 設兩組 2.25 寸中高音單元，而超低音喇叭就有 5.25 寸單元，能提供達 160W 的聲音輸出呀，睇規格好似幾好喎。而且呢條 Soundbar 仲有廠方自家開發的 Sound Blaster 音效處理技術，能利用演算法强化人聲及環繞聲效果。一千蚊都唔洗就可以入手既 2.1 Soundbar 會係點既一回事呢?? 如果香港有得玩我地第一時間同大家來個測試呀!
https://post76.hk/news/2020/11/creative-stage-v2-soundbar/
Dolby 視聽夢碎 !? 傳 PlayStation 5 將不支援 Dolby Vision 及 Atmos 規格【電玩資訊】
有外國媒體指 PS5 及 Xbox Series X 將不支援 4K 藍光碟輸出 Dolby Vision 播放，不過 Xbox Series X 就好小小，因為收睇 Netflix 都仲可以輸出到 Dolby Vision 同 Dolby Atmos，而且將來仲會在遊戲內以 Dolby Vision / HDR10+ 對應，咁都好小小。但PS5方面，就一直未有回應是否對應 Dolby Atmos 音效，更從未清晰指出是否支援 Dolby Vision ，令不少玩家表示憂慮。報導仲話 PS5 對 Dolby Vision 及 Dolby Atmos 的支援就一直未有表態 ，與同廠電視部門力推雙 Dolby 視聽體驗的方針有背道而馳的情況。唔通係因為 PS5 有意利用自創 3D 音效 Tempest Audio 以求挑戰 Dolby Atmos 地位，如果真係咁，呢個策略未免有點螳臂當車呢。
https://post76.hk/news/2020/11/playstation-5-not-support-dolby-vision-atmos/
聖誕見街! 傳《天能TENET》有望成爲 基斯杜化路蘭 首套搭載 Atmos音效4K影碟【影碟資訊】
繼澳洲版早前公佈將於 12 月中推出《天能》4K 藍光影碟，德國地區最近亦正式公開預售，預定發行日期暫定為 2021 年 3 月，外界預測今次發行的 4K藍光碟規格會與 2017 發行的路蘭合集類似，畫面會以 IMAX 版母帶畫幅為基礎，再配以 4K HDR 高動態影像編碼呈現。音效方面方面預計《天能》會有機會打破慣例，同時收錄 Dolby Atmos 及 DTS-HDMA 5.1兩款聲軌。事關《天能》在杜比影院上映時都有提供 Dolby Atmos 音效，所以在4K影碟版以相同音效格式收錄都不足為奇呀。目前已知《天能》將會以三碟形式推出，當中包括 4K 及全高清影碟，再附加一張獨立花絮碟。如果係戲院睇完唔夠喉既你一定會入手架啦！
https://post76.hk/news/2020/11/christopher-nolan-tenet-dolby-atmos/
《真實謊言》突然在 Netflix 上架【影碟資訊】
早年盛傳會推出高清影碟版的《真實謊言》雖然有版友見到出左街，但後來被網民揭發原來係侵權版本，令一衆支持正版的粉絲非常失望呀。不過近日Netflix竟然就在毫無預警下突然上架。除提供 1080p 的基本全高清畫質外，更可以獲得 5.1 Dolby Digital Plus 的音效，以舊片來講都真係可以止下咳架。講返小小威水史先。《真實謊言》係前20世紀霍士電影公司於1994年出品的動作電影。由《鐵達尼號》導演占士金馬倫自編自導，洲長阿諾舒華辛力加主演。本片改編自法國電影《La Totale!》，曾獲得第67屆奧斯卡最佳視覺效果獎提名，更加係 1994 年度美國十大賣座影片三甲呀。除《真實謊言》之外，另外一套經典電影《深淵》亦是占大導另一部只發行過DVD格式的電影，外界推斷占大導可能有意在《亞凡達》續集推出之時，先推出藍光版甚至 4K 版本造勢呀。作爲粉絲既我，可能只能夠說句拭目以待啦…
又係 HDMI2.1 惹的禍!? 外媒指Sony x9000H 及 LG CX OLED 正常顯示 4K/120Hz【影音資訊】
有外國影音媒體指 Sony X9000H 4K電視及 LG CX OLED 電視都有可能無法正確輸出 4K/120p 訊號，連帶針對遊戲模式的 VRR及ALLM都同樣有機會出問題。外媒指 LG既 OLED CX 電視在接駁 4K/120p 時候會出現畫面異常，畫面除了會出現閃動之外，畫面亦會變暗，預計是因為提升畫面更新率既4時候，所觸發的 Gamma 異常。較令人憂慮是有外媒指今次問題是硬件問題，一般軟件升級係無法解決喎。不過流出測試結果的媒體未有清晰交代是利用什麽硬件器材作測試,所以其實係未充分了解究竟資訊的真確性。近日二部新機開始有用家入手，唔知大家又有冇偶到呢Ｄ問題呢？？我地都借緊相關既器材返入，希望可以盡快同大家認真測試一下。
