今個星期既新聞有好多入門家庭影院玩家都會非常喜歡, 英國音響品牌Mission LX系列一直都有不小粉絲使用, 而上星期第二代 LX MK2 終於現身, 今次提升左既位置非常之多, 分別在喇叭單元、分頻器和箱體都進行了一系列改進，更加擴展至 9 款型號。仲加入3D反射喇叭，岩哂想玩Atmos既朋友呀。而英國傳奇音響品牌 LEAK 今年竟然重出江湖呀。來自1934年最為英國家庭喜愛的 LEAK 音響，推出全新合併擴音機 STEREO 130。新機概念源自佢地既經典型號 Stereo 30，岩哂一眾對外觀有要求而且喜愛古典風的朋友呀。之後仲有Netflix同 Apple都分別有支援睇戲的新玩法, 究竟係咩呢?? 不如就由 Paris 同大家報導一下啦!
Netflix 在法國地區試行全新「直播」頻道功能【市場資訊】
Netflix 最近在法國正進行新功能直播測試。新項名為「Netflix Direct」，服務類似傳統收費電視頻道，大家可按電視節目播出時間收看心儀節目。新功能自 11 月起已於法國幾個特定城市試行，預計 12 月陸續推廣至法國其他城市。至於未來是否會把新功能推廣至其他國家就尚待 Netflix 呢次試行之後既反應勒。有外媒指 Netflix 目前在法國約有 900 萬訂閱者，由於部分年長的訂閱者尚有觀看傳統電視直播頻道習慣，所以直播頻道推薦大熱節目仍有其存在價值。率先在法國推出 24 小時直播的「Netflix Direct」頻道，將會提供時間表顯示功能，會提供各播放時段的影片及劇集名稱。預計新功能將會吸引法國當地較為年長一背 Netflix 訂閲者青睞。唔知如果香港要發生呢件事，Netflix會搵邊個台合作呢!???
https://post76.hk/news/2020/11/netflix-broadcasting/
入門家庭影院玩家有福了
MISSION LX MKII 第二代推出 【影音資訊】
好多入門用家其實都好想平平地可以玩到一套同系列的5.1什至係5.1.4的家庭影院，MISSION 的 LX 系列，於 2016 年推出時，我地小瑟大王當年都有入手，仲大讚性價比超高，音色亦都非常唔錯呀。而第一代推出時，仲贏得英國權威音響媒體 《What Hi-Fi?》5 星級好評，在世界各地都有不少音響愛好者喜歡喎。時至今日，經過四年的研發，MISSION 終於推出升級版的 LX MKII系列勒。新系列引入了旗鑑 ZX 系列和 QX 系列的創新技術，以第一代 LX 喇叭屢獲殊榮的設計為基礎，對喇叭單元、分頻器和箱體進行了一系列改進，更加擴展至 9 款型號。今次仲加入去3D反射喇叭，岩哂玩Atmos既朋友呀。LX MKII 系列都一樣係非常易推，好輕鬆就可以匹配不同類型的擴音機，一樣係用倒置單元「IDG 反向驅動幾何」既擺法，仲引進旗鑑 ZX 和 QX 系列的梳齒狀形濾波圈設計，同埋新版 DiaDrive 喇叭單元，增強了中頻和高頻的清晰度，並改善了微細動態的分析力，小瑟大王佢地聽過，仲話會真係有升級既感覺。詳情不如就由小瑟同大家分享返啦，新片好快就可以睇架勒。記得留意呀！
1934年音響傳奇重現
英國LEAK STEREO 130 解碼合併式擴音機 + USB-DAC 配埋 CDT 盤【影音資訊】
英國傳奇音響品牌 LEAK 今年竟然重出江湖呀。來自1934年最為英國家庭喜愛的 LEAK 音響，推出全新合併擴音機 STEREO 130。新機概念源自佢地既經典型號 Stereo 30，岩哂一眾對外觀有要求而且喜愛古典風的朋友呀。Stereo 130除左有傳統既輸入端之外，更加引入左數碼 USB-DAC功能，有埋 DIRECT 直接輸出功能，提供最純淨的訊號路徑，內置 MM唱頭放大，支援aptX及AAC編碼既無線藍牙功能，有埋耳擴線路。真係講得出既功能都有呀。功能強大之餘，內部零件都非常講究，採用優質音響級零件，環型變壓器及2組大型電容配合 Art-Deco 外觀設計，喚起不少資深發燒友的美好回憶。一同發佈仲有純 CD轉盤 CDT，兩部擺埋一起真係非常有生活品味呀。兩款產品現已於代理 Showroom 展示及比大家試聽，11月初亦正式發售。唔知呢部 LEAK 既西裝又會唔會喚起你既回憶呢???
Apple tvOS 14.2升級
Apple TV 4K + HomePod 簡單家庭影院方案【家庭影院資訊】
蘋果剛為 Apple TV 4K 及 HomePod 推出 tvOS 14.2 更新，更新之後，大家就可利用一隻 HomePod 輸出 Apple TV 4K上的 Dolby Atmos音效喎，更能夠將 HomePod 及 Apple TV 4K 配對成爲默認的家庭影院組合。而每個 Apple TV 4K裝置最多可配對兩個HomePod，呢個會係蘋果方面建議的最佳聆聽組合來呢。而更新左之後的 HomePod 仲可對應傳統杜比 5.1 或 7.1 聲道，並支援 Dolby Atmos。雖然 HomePod 沒任何天空聲道單元，但就因為配備多組喇叭單元同收音咪既關係，可以自行做到「空間感知」修正，官方話只要擺好左位置之後，再重新配對一次，就可以得到最好既效果，情況就有小小類似我地ＡＶ擴音機做一次Auto Cal咁呀。聽占落都好似幾勁喎。不過新功能亦不適用於普通版 Apple TV HD。而且亦都唔支援第三方播放功能，即係話除左 Apple TV 4K 出來的音效之外，任何其他既播放器或電視都唔可以支援到呢個新功能呀。換句話說，如果想享受呢個功能就一定要買哂成套返去先可以勒。
https://post76.hk/news/2020/11/apple-tvos-142-apple-tv-4k-homepod/
PS5 暫不支援VRR、ALLM、8K 及 1440p 輸出!!? 【電玩資訊】
又係PS5既新聞呀，隨著兩部次世代遊戲主機 PlayStation 5 及 X-Box Series X推出，坊間媒體亦開始逐步對外公開兩部主機的實測報告。從坊間使用報告可知，兩部主機在對應 HDMI 2.1 上存有一定兼容性問題，仍需要利用軟體升級先可以解決，報告指當前PlayStation 5 聲稱能對應 VRR、ALLM、4K/120Hz 甚至是作 8K 規格，但當前軟體版本只能支援最基本 4K/60p 輸出，未能正式作 4K/120Hz 或 8K/60p 訊號輸出。即使早前盛傳會在新主機出現 1440p 解像度亦都未能夠在介面上顯示，換言之早前打算利用 1440p 解像 21 比 9 屏幕打機的朋友在入手新機後仍需要稍等一會，待官方推出更新之後先可以享受到新功能勒…..換句話講，其實係咪即係唔洗咁急買機呢！？
https://post76.hk/news/2020/11/sony-playstation-5-vrr-8k/
