呢部 Sony Xperia 1 II 坊間相信要睇 Review 的朋友都一定睇哂網上有如排山倒海的影相同拍片報告啦，而我地 Post76係一眾有要求的影音友的頻道, 我地梗係對於睇戲, 煲劇同聽歌有一定的要求啦, 今次小瑟就同大家分享呢部 Xperia 1 II 如何用盡佢來享受影音的樂趣勒.
21:9 CinemaWide™ 6.5 吋 4K HDR OLED 屏幕
首先要講影音方面, 就一定要先講佢既屏幕勒. 先講佢既 21:9 CinemaWide™ 6.5 吋 4K HDR OLED 屏幕, 大家都知 21:9 呢個比例係 Sony 大瞻起用的, 起初推出時, 大家都可能會話好鬼長, 好似Remote(搖控)咁, 但其實用左 21:9 既比例屏幕, 手感同觀影感都有非常舒服的感覺, 而且亦都因為用左 21:9 部機唔需要好大部都可以有大畫面的效果, 真係非常不錯的. 而 21:9 CinemaWide 6.5 吋 4K HDR OLED (3840×1644) 屏幕享受電影的原味畫質，並體驗劇院等級比例。新的運動模糊降低技技術減少幀數之間延遲，呈現更清楚的圖像品質。搭配 Dolby Atmos音效，達致親歷其境的視聽體驗。而且今次 Xperia 1 II 在畫面上加入『降低動態模糊技術』用以減少幀數之間延遲，透過軟體技術模擬出類似 90Hz 的高刷新率，這樣就可避免大量耗電消耗。呢個功能用來睇電影、打遊戲，就會比較有用, 若只是日常刷網頁，實際的升級幅度較小。
荷理活級 Sony 專業級顯示屏
X1™ for mobile 圖像處理引擎將 BRAVIA HDR 增強技術帶到全新的 Xperia 1 II 之中, 可以將所有在手機內播放的影片都得到處理. 即使是串流內容亦可得到更高光暗對比度、更多色彩和更清晰影像。Xperia 1 II 的 4K HDR OLED屏幕對比度可達 1,000,000:1 之高, 有效顯示更深的黑色及更自然的白色。Xperia 1 II 的 OLED屏幕亦支援專業級重播標準，包括 3D DCI-P3 100%、BT.2020色彩空間和 D65 白平衡, 配合以上硬件配置, Sony就將佢地最耍家的電影制作經驗，加入 Xperia 1 II 手機之中，屏幕影像模式加入一個由荷理活電影器材 CineAlta 提供技術支援的 Creator mode, 都可在手機之中可以應用. 其技術源自電影制作的 Master Monitor 色彩重塑技術, 將電影中的色彩準確度帶到手機之中, 另呢部手機在睇 Youtube, Netflix串流影視平台時都可以得到最原汁原味的效果。
Sony Pictures Entertainment 加持 Dolby Atmos 影院3D音效
以前手機版的 Dolby Atmos 未有咁成熟時, 我地都會覺得手機出來的效果難3D感覺. 但時至今日, Dolby Atmos 在流動市場上的技術明顯有不錯的提升, 尤其今代 Xperia 1 II 在觀看電影時就能感受到環繞上方和左右周圍的立體音效, 如片中我們為大家測試的 Dolby Atmos測試影片當中, 小朋友由左上飛到右下, 其3D感的確可以帶小瑟由左上去到右下, 有點親臨其境的感覺. 而且大家現在無論使用有線耳機、無線耳機或手機的前置立體聲喇叭，都可以體驗到 Dolby Atmos的效果. 而 Xperia 1 II 更加入 Sony Pictures Entertainment 來為手機的 Dolby Atmos 作加持, 未知呢個會唔會係今次比較有感受的3D感原因之一呢!!!
聲音加持技術最齊 (3.5mm + 360 Reality Audio + DSEE Ultimate + 無線高清音訊LDAC)
Xperia 1 II 好出奇地加入返3.5mm耳機輸出, 實在對一眾有線耳機友係一大喜訊, 根據廠方資料, 共3.5mm耳機輸出經過特別改良, 有效將耳機輸出的雜音減低20db, 另耳機的清晰度增加, 可有效令耳機的定位同結像提升. 而且廠方更加將新開發的 Sony 360 Reality Audio加入在手機之中, 具有獨特的硬件解碼功能, 故此無論是有線耳機, 無線連接, 聆聽自己的音樂，或是串流音樂，甚至是使用 360 Reality Audio，均可享有 360度的全新立體聲分離效果和自然的空間感。小瑟在手機上試聽 Tidal 的 360 Reality Audio時, 就完全可以感受到其好玩之處。
DSEE Ultimate 由 AI 幫你升級串流音樂至接近高清音效
DSEE這個技術一直都對有失真壓縮的串流音樂如 KKBox, Joox, Spotify 等可享更好的聽感. 而今次 Sony 率先將最強技術 DSEE Ultimate 應用在 Xperia 1 II 之中, 更見其”偏心” 之程度. DSEE Ultimate會運用 AI 人工智能即時改善音訊的 hz 之外, 還會為 bit 作出升頻處理。這樣一來，音樂的高音域和低音域均可得到幫助，使每首歌接近高解析度Hi-Res的音質。而且此功能可與有線或無線耳機、本機檔案，甚至串流服務配合使用。
Conclusion：「Sony極度偏心 將所有最新最強技術都加入 Xperia 1 II之中!!!」
呢部 Xperai 1 II 小瑟已經用左兩個月左右的時間了, 佢除左有最新的 Snapdragon 865, 支援 5G 網絡, 4.000mAh 電池和快速充電功能, IP65/68 防水功能與雙邊 Corning Gorilla Glass 6，而且軟件上, 今次的穩定性比上一代都有明顯的提升, 而且個手勢操作係幾正, 幾直觀式的，值得一讚。而大家一直在 Youtube 上睇到的多數都係影相同拍片的功能, 呢二樣野大家都知道 Sony 用上最強的技術, 如 DSEE Ultimate就更加估唔到都加入, 可見 Sony 都將最好的都留給呢部親生仔. 自手機開賣之後, 好多朋友都會問小瑟 Sony 好唔好用, 的確身邊唔多朋友用緊 Sony 的電話的, 但在小瑟用過呢兩個月時間, Xperia 1 II在黑科技上(尤其影音技術上) , 的確是有極多的獨家技術可讓用家享受. 但唔知點解, 依然有好多人會覺得 Sony 電話比較貴, 所以唔敢入手. 如果你都有同感, 但又比網上的 Review 毒到死下死下, 不訪進入討論區同小瑟傾下. 小瑟常用都有二部機的, Android 同 iOS 都有使用, 但常用機始終都係 Sony 呢部 Xperia 1 II……😁
😍Youtube尾片Give Away小遊戲 :
我地今次問 Sony 方面取得幾件精美小禮品, 希望可以回饋一下有睇我地影片的版友. 現在只要本片有足夠300個Like, 我地就會係回覆留言支持的觀眾中, 選四位出來, 第一位的就可以我到Sony Walkman型行李牌乙個, 其餘的都可以得到 Sony Walkman NW-WM1Z紀念拍紙簿乙個。(公布日期為2020年8月14日)
