上個月 Sony 突然推出其最新第三代真無線耳機 WF-1000XM3, 對比起上次 WF-1000X 今次 Sony 直接跳左M2就出M3, 的確係幾估佢唔到. 而呢隻耳機一出, 市場上好多考慮緊入手其他品牌的用家, 都即時停一停, 諗一諗, 睇下究竟今次 Sony 又會出成點. 小瑟就入手左一隻, 係香港去左好多不同的地方測試一下佢既穩定性, 同埋對音質的感覺. 如果大家未入手, 觀望緊的話, 可以睇埋我呢條香港各區測試效果, 再慢慢考慮下. 而今次香港篇之外, 仲會有日本篇, 希望大家多多支持啦!!!😎
😎Sony WF-1000XM3香港測試篇
😎Sony WF-1000XM3日本記者會+測試篇
Wf-1000XM3 技術重點 QN1e自家研發高清降噪處理器
Sony 新一代全無線降噪耳機 WF-1000XM3，採用自家研發的 QN1e 高清降噪處理器, 以及雙重噪音感應器技術，將降噪功能進一步提升，更加採用雙重噪音感應器技術配合全新 QN1e 高清降噪處理器，有效地收集及消除噪音，讓大家可以更投入聆聽音樂。而透過雙重噪音感應器技術，在耳機表面上分別配有一個前饋收音咪和一個回饋收音咪，可以收集身邊更多的環境聲音。當收集到環境聲音後，QN1e 高清降噪處理器隨即開始運作，巧妙地製造反向聲波以抵消環境噪音。這技術唔止消除頻率中的噪音，而且耗電較少。耳機可有效地阻隔飛機艙噪音以及繁忙街道的喧鬧, 是WF-1000XM3的重點功能之一。而 QN1e高清降噪處理器更透過24Bit音頻信號處理及內置DAC解碼連耳機放大器, 配合 Sony 自家 DSEE HX™技術可將經壓縮的數碼音樂檔案包括MP3格式提升音質, 帶來較接近Hi-Res(高解析度)的質素。呢個功能在收聽串流平台的音樂如 Spotify 尤其明顯
Low latency低延遲技術
WF-1000XM3 雖然耳機細小而輕巧，卻已內置新研發的藍牙晶片，實現左右耳機同步藍牙傳輸，令左右耳機同時接收音頻內容，有別於由左耳機傳遞訊號至右耳的傳統傳輸模式。耳機配備全新優化天線結構，將無線連接的穩定性大幅提升，享受音樂暢通無阻。此外，新晶片的低延遲技術將屏幕上看到的內容與耳機聽到的聲音同步配合，可以更投入欣賞電視節目及電影。WF-1000XM3耳機特別為提高配戴的舒適度和穩定性而設計。符合「人體工程學的三個支柱」結構，由三個支撐點將耳機貼服地固定在耳朵內。耳塞具有高摩擦橡膠表面以確保佩戴的穩定性，備有混合耳塞四款尺寸及三重舒適耳塞三款尺寸，讓你選擇完美合適的耳塞。
配合快速充電功能
QN1e高清降噪處理器好處還有耗電量低，加埋便攜盒可充當為充電器，讓你以降噪環境下可聽到長達24小時，對於去旅行或長途機的人仕來講尤其岩用。而且耳機更具有快速充電功能，可10分鐘充電就為你提供達90分鐘電池續航力。非常不俗。
機殼觸控板可控制不同功能
WF-1000XM3 為方便使用者，有一個快速注意模式可讓用戶與外界保持聯繫而毋須除下耳機。例如在飛機艙內，你只要把手指放在左邊機殼的觸控板上，耳機瞬即降低音量並讓環境聲音進入，以便收聽廣播或挑選餐飲。呢個功能其實非常有用，再透過耳機上的自訂輕觸感應器，更可以設定播放、暫停、跳播歌曲或啟用語音助手。此外，當你從耳朵中取出其中一邊耳機時，全新佩戴檢測功能會自動暫停音樂，並在戴回耳機時繼續播放，這些都可以在 Sony 的手機 Apps 上作出設定。
S
ony WF-1000XM3工程師團隊講解有關耳機的事…
當日正式的記者會之後, 其實 Sony 方面都安排左一眾 WF-1000XM3 工程師們同大家來一個問答時段，我地問左佢地好多大家都好關心既問題，如：點解 Sony WF-1000XM3 唔支援 aptX、LDAC 等更高端的格式呢？？如開發 WF-1000XM3 佢地用左那些手提電話作為藍牙測試機等都有提及到，以下就係的工程人員，包括軟件規劃、電子工程、聲學、產品規劃範疇的代表，問題如下 :
Q : Sony WF-1000XM3 為何不支援 aptX 或 Sony 自家的 LDAC 高清藍形格式呢??
A : 雖然 Sony 現時有不小耳機產品都支援 aptX 或 LDAC 等解碼，但我們希望 WF-1000XM3 目標聚焦於產品的連接穩定性, 以及低耗電量, 讓用家可以有穩定的連線, 更長的聆聽時間, 所以 WF-1000XM3只支援 SBC 及 AAC 解碼，而且耳機支援 DSEE 數碼音質提升技術(DSEE HX™), 在音色的質素上絕對有保證, 所以平衡這二方面的情況下就會有這個安排。
Q : WF-1000XM3 點解會選擇動圈單元而非動鐵單元呢??
A : 因為是次耳機聲音質素目標是 General Listening Sound，希望可以用作不同種類的歌曲聆聽都可以有高質的聲音, 加上要照顧機身的體積，因此就決定採用動圈而非動鐵單元。
Q : 為何 WF-1000XM3 會專注於強化主動降噪功能而開發QN1e晶片??
A : 我們希望透過 WF-1000XM3 可以向業界提供最頂級的降噪表現，用家對頭戴式耳筒帶有主動降噪功能非常滿意之外，其實在全無線入耳式耳機亦希望可以擁有此功能。特別是在亞洲區高濕度環境下，用家對於無線入耳式耳機的需要更加大, 所以如果可以加入主動降噪功能是必須的。而我們經過長時間的市場研究，決定自行研發 QN1e 這個處理晶片在未來的耳機都可以擁有最優質的噪技術。
Q : 開發 WF-1000XM3 期間，團隊是採用那幾款的智能手機作為測試對象呢??
A : 在測試耳機連接性時，我們備有一條測試手機的清單，當中一定會包括自家的 Sony Mobile 手機, 以及市場上最多人使用的手機, 包括 Apple iPhone、iPad , 什至其他競爭對手品牌也在名單之列，因為我們希望是造一件人人都可以享有穩定連線及高音質的耳機, 所以不同品牌的手機都一定會是測試的對象呢。
日本之旅後話：『佢係一隻靚聲的無線耳機，但我建議你返你部手機先決定！』
今次記者會好攪笑地以『先發後至』形式出現, 在香港已經推出耳機之後再安排出席記者會的確小見, 而香港耳機用家係呢個時段內的試用意見都係以好評居多. 證明今次 Sony 的確對WF-1000XM3投下非常之大的努力, 希望可以擺脫第一代的不是. 而小瑟反而覺得今次除了耳機連線穩定度表現理想之外, 反而好想講下其實佢地新研發的 QN1e高清降噪處理器除左可以阻隔街頭噪音之外, 其實仲可以方便大家唔洗除下耳機, 都可以聽到街上的聲音, 就好似將隻耳機變成一枝收音咪咁, 對於日常使用其實真係非常方便, 而佢個降噪處理仲可以讓耳機的音質有提升, 因為一般情況下, 係街上既什音有時會另到大家聽唔到音樂中一些微弱的樂器, 而在 WF-1000XM3就反而可以聽到, 呢個絕對歸功於呢粒 QN1e 的功能, 亦都因為咁讓小瑟對『主動降噪』有一個全新的定義. 如果你問小瑟值唔值得入手…..我們先問你係咩手機, 同埋最好真係自己去搵一對返來在你的手機試下, 因為科技野都係晶片先行, 每部手機都會有不同的藍牙晶片, 在接收上, 音色上都會有所不同, 我試到冇問題唔代表其他機都一樣. 但如果你係世界上佔大多數的手機品牌如 Apple, Samsung等等, 小瑟試過就不會有太大問題, 唯獨始終唔明白點解佢個差電盒係咁大件呢!!XDDD
