昨天小瑟同大家行左一次軟件區, 今日大家都會去走一轉吧!!!! 有咩好野??? 睇下小瑟介紹先再自己去搵下好野吧。今年視聽展的總體旺場指數都明顯較過去兩年好。軟件區在上午十時正式後大約十分鐘左右, 已開始擠滿人及出現要排長龍俾錢的現象, 識聽之人果然繼續會力撐實體碟。值得留意是位處軟件區另一端的 Sony Music (A04) 的今年以 「集體回憶40年」為題, 在攤位內推 40 款復刻系列, 更有小禮品及會場優惠, 行晒 J、K、L 三區之後, 記得到位處 A 區的 Sony Music 走走啦。而 Sukie S 石詠莉 、Lisa Lee 李麗珊 、梁珈瑜 (如夢) 好幾位靚聲后都會在今日下午不同時段舉行簽名會, 大家記得留意返大會既活動時間表啦。
# 4K討論帖 : https://post76.hk/thread-279511-1-1.html
# 唱片討論帖 : https://post76.hk/thread-279510-1-1.html
影碟迷必到打卡位 : 得利 (L09) + 洲立 (L06) + 展變 (L04)
4K 藍光碟方面，得利 (L09) 同 洲立 (L06) 都繼續在會場提供不少限定優惠, 如在得利攤位購買兩套 DC 系列 4K UHD 藍光碟，即送「自殺特攻隊半胸像」套裝。只要大家同時購買 3 套 4K 藍光, 而其中一套為《末日困獸戰》4K 的話,《末日困獸戰》亦可以即時由普通膠盒版升級至鐵盒版, 機會不是時時有。至於洲立有部分 4K 及 3D 片目以會場價 $220 及 $80 發售, 價錢幾乎是二手價, 唔入實後悔。至於展變 (L04) 今年都會繼續有多套靚聲靚畫演唱會藍光發售，路過時記得入返套《Carole King》做 Demo 就一定最好不過啦。
本地外國靚聲音樂集結 : 瑞成 (K04) + 信昌 (L01)
軟件區最當眼攤位之一瑞成 (K04) 及 信昌 (L01) 睇下有咩必入手專輯。就瑞成攤位所見, 最最最緊要支持的必定要剛於本週推出的「陳潔麗 《15》演唱會 Live CD +DVD 」。順帶一提的是Lily 將會在本週日 (8 月12日)下午 5 點於講廳 2 舉行簽唱會，已購得門票的樂迷記緊準時入場啦。至於另一邊厢的信昌今年就主打世界級女聲,最新推介的專輯《The Wonderful Sound Of Female Vocals》分別有 33 轉黑膠及 SACD，兩個版本同樣是以雙碟製作，巨星陣容包括 Joan Baez 、Diana Krall、Jennifer Warnes、Nancy Baze 、Ella Fitzgerald… 等等。至於該攤位更有復刻版《John Coltrane Coltrane》及模擬開捲唱帶發售，今次不用忍手了。
新世代靚聲后大晒冷 : 環星音樂 (K07)
會上另一焦點就會落在 環星音樂 (K07) 的多位新世代靚聲新血身上。其中一定要支持的必定要數 HIFI 小天后 – 歌莉雅 Gloria 的最新專輯《Touching – Gloria》及 WSM Audiophile 超新星 黃紫藍 Kitty Wong 的個人首張 HIFI 大碟「He」。至於今年 Joe Junior 專輯《Timeless Memories》都是展攤焦點, 一定唔可以留手。
掃貨逼爆熱點 : 環球 (J07)
來到會上每年最人山人海的 環球 (J07) , 今年有「會場首發」的《盧冠廷 《Movie To Music》 2CD + DVD 特別版》。這唱片為盧冠廷早前發表的 《Movie To Music》的特別版，追加一張收錄 6 首的 Demo 單曲 CD 及 一張 DVD，收錄 3 首歌曲 MTV。至於盧冠廷將於 8月10日3 點鐘現身演講廳 2，想攞簽名的話就記得早點去排定隊。至於同一個展攤另一大焦點就落在關淑怡「 ex all time favourites」及陳慧嫻的 「玻璃窗的愛」 兩張彩膠唱片上。數量方面,「 ex all time favourites」只壓製 500 張而「玻璃窗的愛」則為 1,000 張, 入手一定要快。而鍾愛古典樂都不妨留意下攤位內的《J.S. BACH 333 – The New Complete Edition 》其實是全港首度亮相, 會場更以獨家預訂優惠價發售, 錯過了就一定走寶啦。如果仲未夠喉, 展攤上仲有總數近十多款的雙層 SACD 專輯，包括有 Beyond、蔡琴、甄妮、陳慧嫻、陳奕迅、張國榮、鍾鎮濤、盧冠廷及關淑怡等的作品供大家一次過掃貨，入場後第一時間就要掃左佢地先。
藝術音樂殿堂 : 上揚愛樂 / 大境文化 (J06)
上揚愛樂 / 大境文化 (J06) 今年推介的專輯《Latin Voices 拉丁不了情》、Diana Panton 《Solstice/Equinox 爵色四季》、《Leonid Kogan: Violin Concertos 》、《吹禪 : 尺八》等。而明達音樂有限公司 (J01) 推介的矚目大作包括集合多首女聲作品《Master 2018 Superior》SACD，無論係錄音質素以至歌曲的可聽性。另外，喜歡聽絃樂嘅樂迷。另外可留意的是挪威國寶級小提琴家 Arve Tellefsen 紀念 80 大壽紀念專輯 「Arve Tellefsen: Limelight 琴影人生 」(180gm LP) 。此碟從過往專輯中輯選出 18 首精彩演繹，交由德國著名 Pauler Acoustics 製作，聲效及演繹同樣有保證，至於喜愛聽爵士樂就唔可以錯過《Venus Best of Best》，仲有其他選擇要等樂迷慢慢去揀。
靚聲發燒一覽 : 絲綢之路 (J09) + 發記 (J05) + Sony Music (A04)
絲綢之路 (J09) 力推的作品包括《貴豐—聲的魔力》45 轉雙黑膠唱片, CD 專輯《Stockfisch Reference 24K Gold CD》及《猶太大提琴 SACD》。而雨果製作有限公司 (J03) 則亦《將軍令》、《潮州大鑼鼓》、《長征交響曲》等等為本年度力推大作。而欣欣 (J13) 就以靚版唱片、黑膠及首版 CD 為主大。至於發記 (J05) 同 Sony Music (A04) 今年繼續有不少本土及歐美靚聲音樂供應, 離開軟件區前一定要到此一遊。
