由上年等到依家, 由年頭等到今天, 好多師兄都係科林討論過非常之多次, 等既就係呢個支持 Sony 4K 電視, 支援 HDMI輸入的 Dolby Vision 更新, 而早幾日 (6月5日) 美國 OPPO 方面正式推出支援 Sony 4K 電視 的 Dolby Vision 的 Firmware “UDP20X-60-0601B” 讓大家可以一嘗在呢部最發燒的4K藍光播放器內, 欣賞自己心愛的 4K 影碟. 昨晚小瑟就更新試左, 不如係度同大家分享一下呢!
1) 首先大家先從 OPPO 的官方網頁, 下載最新版本的韌體 “UDP20X-60-0601B” , 再直接儲存在USB手指上。
韌體網頁 : https://www.oppodigital.com/blu-ray-udp-203/UDP203-firmware-60-0601B.aspx
下載韌體 : http://download.oppodigital.com/UDP0203/UDP20X-60-0601B/UDP20X.bin
2) 再確定你的固件版本是 “UDP20X-56-0224” (留意 : 如果你的OPPO機器是JB版本, 請勿更新, 因為更新後會取消你原有的JB版本, 請多多留意)
3) 將USB手指插入你的OPPO面板上, 小瑟用的是 OPPO UDP-205。
4) 你的電視畫面上就會出現呢個提示。大家只要跟著提示一步步為你的OPPO升級就可以了, 過程非常簡單。升級過程異常的快, 小瑟記得整個過程都不足一分鐘就已經完成, 完成之後我地不如一齊入去MENU睇下有D咩更新左咩先. 首先我地見到固件版本已經轉左去 UDP20X-60-0601B勒, 個B字小瑟相信就係BATE(測試版本)咁解!!!
測試 Dolby Vision 4K UHD藍光碟
之後小瑟就拿拿林囉出二隻有 Dolby Vision 的 4K碟作測試, 一隻你【I.T – 小丑回魂】, 另一隻係【Fast & Furious 8 – 狂野時速 8】小瑟貪呢二隻碟睇慣睇熟, 比較易睇得出分別呢.
這個測試版本有小小蟲仔
小瑟反覆睇過好幾隻帶有 Dolby Vision 的4K UHD藍光碟, 發現 Sony A1 是完全對應 DV 訊號, 而且在畫質上的確係明顯的分別, 最明顯的莫過於亮度再有提升, 另黑位的細節可以更多清晰, 但在不同的影碟中, 在 OPPO 的INFO 內顯示, HDMI 的輸出都有一定程度的古怪, 就好測試【Fast & Furious 8 – 狂野時速 8】, HDMI 輸出內, HDR格式會顯示為 SDR , 但色度空間就可完整顯示出 Dolby Vision 的正確要求為 BT.2020, YCbCr 為 4:2:2, 色域為 12bit, 而再找多幾隻不同的 4K 碟來做測試時, 【老變五】直頭顯示為 BT709, 但 A1 內亦都顯示輸入訊號為 Dolby Vision. 小瑟雖未有向 OPPO 代理了解, 但以個人感覺來講, 應該係 OPPO 呢個版本都仲係測試階段, 在不同的影碟下仲需要再多一點的優化或去對應不同的 DV 版本。但呢一刻, 小瑟有得玩已經好興奮了!!!!^^”
畫面雖提升 但字幕太殘眼了!
升級左上 Dolby Vision 之後, 畫質的提升係幾明顯的, 睇落去的畫面對比明暗度都比起只有HDR來的再下一城, 尤其係黑位的細節上的升級都幾明顯的, 不過有一個問題都幾難解決, 就係我地香港人始終都需要睇電影是需要字幕的, 而因為 DV 的光度強勁左好多, 而 OPPO 在字幕上又未有功能可以將字幕的顏色轉另外其他顏色, 所以有一些場口如果係比較暗的話, 當字幕一出, 字幕的雪白就會比較殘眼, 什至有小小刺眼的感覺, 如果可以有個功能減低字幕的光度, 那就真係蒼生之福呢!!!!
小瑟 : 『雖未完善, 但身為 Sony x OPPO 的玩家絕對需要升級!』
今次呢個OPPO更新, 可以話係一圓 Sony 電視粉絲玩盡 HDR 的美夢, 雖然呢個測試版本當中仲有一點點的 Bugs 需要處理, 但在應用上, 大家可以將手上的附有 Dolby Vision的影碟來一個番煲之夜, 相信大家呢排都可以又有機會比自己的家庭影院再之活躍起來呢. 小瑟非常多謝 OPPO 的努力, 讓我們的心愛寶貝可以有好好發揮的機會, 而當中以小瑟所知, Dolby 方面都努力去一同解決這個問題. 期望 OPPO 可以盡快推出新的正式版, 去解決返資訊顯示不當的情況, 讓大家可以由心理以及生理都可以來一個大滿足呢!!!
