本來以為上次軒仔出嘅發燒點會係佢最後一張的發燒唱片，而且近日係電台亦聽到佢既新歌，心諗今次發燒碟應該都係新歌勒掛^^”。誰不知推出的竟然係《Dahlia Ⅱ》，今次用上黄偉文為女歌手們而作的經典作品，原來今次大碟以『循環』為概念，軒仔說：「循環的意思是將經典作品重新編曲，重新演繹，讓那些作品以新的動力和姿態，在今天和未來的時代裡，得以再生重新被認識，繼續傳承下去。」
原來Dahlia已經註冊為發燒翻唱系列商標
Dahlia這個名詞，又名大理花，原來對軒仔來說是有一番情意結的。話說自2013年前初次推出《Pink Dahlia》之後，軒仔就決定把「Dahlia」註冊為自己的商標，並堅持選用高品質的Hi-Fi形式發行此系列，有意讓「Dahlia」成為自己高品質翻唱系列的代名詞。問到點解對翻唱有一種情有獨鍾，軒仔續說:「其實經典歌曲，是作為時代記憶的一個重要載體，需要被銘記、被收藏，若不收藏，就會消失！」。選歌方面，這一次曲目從過百首黃偉文寫給女歌手的佳作中選出。張敬軒說：「沒有黃偉文，根本不會有《Pink Dahlia》這個概念！因此，《Dahlia II》一定全是黃偉文的作品。」佢仲話黃偉文的文字能醫歌，更能醫人，自己就曾在他的歌詞裡得到治癒，所以都想以此專輯，送給每一個曾被Wyman的歌詞治癒過的人。
難得的同步錄音製作+德國Arvato壓碟
這次音樂製作請來經驗豐富的監製Joseph Ip帶領和指揮，編曲部分總共有七位音樂人參與，對不同作品進行改編，量身定制下全碟十首歌風格各有千秋，例如略帶電子樂味道的《好心分手》、探戈感重的《漩渦》等。至於全碟音質方面，由德哥擔任高級音響顧問，監督整個製作過程的音響品質，希望令一眾燒友都可以聽得投入。亦因為採取同步錄音的方式，軒仔和樂手們更在錄音室裡進行即興集體創作和交流，在香港的唱片制作內屬少有之列。而今次軒仔的大碟亦交由非常出名的德國壓碟廠Arvato負責, 製作非常認真。
Conclusion：『模擬母帶錄出厚暖感!!』
估唔到原來軒仔依然對高品質的靚聲唱片仲有一份熱誠, 仲要將「Dahlia」註冊為商標, 希望可以將靚聲碟呢個由商品轉為名詞, 今次大碟製作絕對嚴謹, 自己就非常喜歡Ch.01《絕》, Ch.04《黃色大門》, Ch.06《好心分手》, 軒仔的演繹絕對可以為這些新歌加添新元素, 第一次聽《黃色大門》仲以係佢自己的新歌, 幾有驚喜。音色上, 今次都係以”暖”聲為主, 可能因為用模擬母帶作收錄, 數碼味明顯減小, 換來的是厚暖的模擬感. 小瑟個人覺得如果下次可以將軒仔或歌手的人聲拉出一點點, 音樂的仔細度加多一點點, 相信會可以比較適合小瑟的數碼重播組合呢。但入手呢隻整除了聽歌之外, 最重要當然係支持本地製作呢, 唔知軒仔或其他歌手黎緊的新唱片會唔會都有呢個製作咁認真的唱片呢!??
張敬軒全新專輯《Dahlia Ⅱ》曲目:
01. 絕
02. 囍帖街
03. 親密關係
04. 黃色大門
05. 一人分飾兩角
06. 好心分手
07. 漩渦
08. 下次小心
09. 可惜我是水瓶座
10. 活得比你好
