上年11月時, 小瑟就有機會可以完成到一個約左半年的約會, 呢個就要多謝好友 James 的幫助, 小瑟先有機會可以同到國際影音專家 Peter Aylett 一談未來影音的科技, 咁究竟呢個 Peter Aylett 係邊位呢??? 如果大家都有聽過咩叫 CEDIA 的話, 就知道每年在美國都會舉辦呢個 CEDIA 的大型展覽, 主要係以智能家居與視聽電子展覽會為主, 是世界規模最大最專業的智能家居及視聽系統展會之一, 而未來家居影音科技有什麼最新發展呢, 都會係 CEDIA 的中率先發布. 而今次我地今次邀請的 Peter 就係 CEDIA 技術委員會主席(CEDIA’s Technology Council Chairmen)所以佢的來頭係十分強勁, 所以小瑟有機會可以見到, 就搵左佢同大家分享一下今年 2018年家居影音科技的最新發展, 因為 Peter 係全英文對答, 所以我地制作部將整個訪問分成七集, 今次就同大家分享第一集, 『狹小空間低音管理』先啦! future av tech bass management
第一集『狹小空間低音管理』重點
首回「未來影音爭霸戰」Peter Aylett 會先同大家講解下點樣做「低音管理」。他強調，當房間空間愈細，掌控低音的難度亦愈高。因此「優質低音」其實要令重低音喇叭能夠與其他喇叭在頻段作無縫接軌，以呈現圓滿自然的音場作依歸。當聆聽者只得一位，大家一般只要利用 EQ 調整功能已可做出不俗效果。然而，如同一套喇叭系統需要同時招呼全家上下所有成員一同聆聽需要，每個座位所感受到的低音質量都有很大差異。例如有些位置會特別多低音、有些則會完全感受不到低音，低音既不均亦欠自然。對於要解決低音量不均問題，最直接的方法為系統追加一隻額外的低音，再配合上適當的擺位及調教，以相互抵銷房間內的共振問題。
