就快又到夏天, Sony為好動時尚的音樂愛好者推出三款全新運動型無線耳機, 分別係全無線降噪耳機 WF-SP700N、運動型無線降噪耳機 WI-SP600N和運動型無線耳機WI-SP500, 三款耳機定價都非常親民, 除了數碼降噪技術阻隔之外, 仲布防水濺設計，岩哂熱愛運動的你. 運動真無線降噪耳機-sony-wf-sp700n-測試
首款運動型真無線降噪耳機 Sony WF-SP700N
sp700n 首創結合運動時最需要的兩項功能, 數碼降噪技術, 用以阻隔周圍的雜音. 我們測試時即使在健身室這樣嘈雜的環境下, 都可以讓大家專心於運動方面, 而只需開啟環境音效控制功能, 便可以同時留意外界的聲音, 讓你就算鍛鍊時都唔會變得完全不知道身邊發生的事情. 而 SP700N亦具備 Sony深受用家歡迎的 EXTRA BASS™聲效功能, 結合降噪功能, 就可以讓大家一邊聽歌, 一邊做運動都可以專注與享受於一身呢!!
防水濺設計及佩戴穩固的便攜設計
WF-SP700N 具備 IPX4 級防水濺防汗功能，可於雨中或出汗時佩戴都毋須擔心耳機損壞. 而耳機採用弧形支架設計, 我們當日測試過你無論進行如何大力跳躍都可以保持耳機穩固, 非常實用。而 WF-SP700N 就配有四種顏色可供選擇, 包括粉紅色、黃色、黑色和白色，直頭學龍咁威內的對白咁講 “好襯衫丫麻”。
SP700N之外仲有兩個細佬 – WI-SP600N 和無線耳機WI-SP500
如果怕真無線耳機會好易整唔見, 好多朋友都會選購有線版本的無線耳機, Sony 同場另外都推出了無線降噪耳機 WI-SP600N 和運動型無線耳機 WI-SP500 任君選擇. WI-SP600N 具有與大哥真無線耳機 WF-SP700N 相同的數碼降噪和音質技術，及相同級別的防水濺功能。WF-SP600N就續續航力約6小時。其小巧的耳機外形採用人體工學設計的弧形支架配以掛頸帶連接，確保佩戴穩固亦不失靈活性。
驚喜加映 – Sony EXTRA BASS系列無線藍牙喇叭
發佈會開始時, 小瑟一直以為會場中用的是正常的PA擴音喇叭示範跳舞環節, 但原來 Sony 將他們全新的 EXTRA BASS 無線喇叭, 以12隻連接在一起, 讓場中的音樂效果有如去左 Live House一樣, 完全估佢唔到. 今次 Sony EXTRA BASS 系列藍牙喇叭有 SRS-XB41、SRS-XB31和SRS-XB21，三隻集 EXTRA BASS 音效、LIVE SOUND模式及新增「Party Booster」功能於一身，機身堅固並且輕便易攜，具有防水及防塵功能，你一隻，你老友一隻，大家約埋一起BBQ時都咪話唔過引！
EXTRA BASS功能戶外堅好用
全新 EXTRA BASS™無線藍牙喇叭的設計特別著重發揮「重低音聲效」和「敲擊節奏」，特別適用於演繹電子流行音樂、地下音樂和Hip-Hop呢類咁重低音的音樂效果。LIVE SOUND 現場音效模式當啟動之後, 其四方八面的音樂包圍感對於喜歡音場廣闊爆機友必定岩用, 而且EXTRA BASS系列喇叭最多仲可以連接 100隻咁多, 開演唱會都掂呀!!
Conclusion :「真無線需再詳細測試 但藍牙喇叭驚喜非常!!」
小瑟當日在發佈會中都有上手實測一下 SP700N 及 SP600N, 而早前 Sony 推出第一隻真無線降噪耳機 WF-1000X 時, 好多用家都有意見在於其接收能力方面, 但今次活動始終只可在單一地方進行, 雖然小瑟測試的 SP700N及 SP600N 在連接 iPhone 6S 的情況下, 完全沒有任何斷線的情況出現, 但要試無線耳機, 一定要作長時間的試用, 去好多不同的地方可會試出真章, 所以今次就未有機會真正一試了. 但如只以音色及方便程序來說. SP700N 在低音方面會比較注重, 而高音及中音就可以用合格來形容啦, 始終 SP700N 及 SP600N 的定價及定位來說, 是以功能先行, 所以如果大家平時聽下串流音樂如MOOV, JOOX, KKBOX的話, 享受流行曲帶來的樂趣絕對沒有任何問題, 而且其聲壓小瑟亦試過係有明顯改進. 以價論機, 係對得住身價一類. 反而最驚喜的一定要數其 EXTRA BASS 藍牙喇叭, 因為今次有小小盲測的感覺, 由唔知會場音效以至知道原來全場音樂都只係由身邊喇叭負責, 果份驚喜真係對呢隻喇叭有一點另眼相看. 而且價錢亦不算貴, 最貴的 SRS-XB41都只係 HKD$1,590, 坊間好多不知名的品牌都時有發生, 今次以 Sony 這個大品牌而又出得這個易入口的價錢, 相信市場上好多同價位的藍牙喇叭都需要小心一點呢!!!
售價：$1,690（WF-SP700N），$1,290（WI-SP600N），$649（WI-SP500），$1,590（SRS-XB41），$1,190（SRS-XB31），$850（SRS-XB21）
查詢：Sony (2833 5129)
