教你如何不用申請信用卡都可以上網買東西
其實大家可能唔知，信用卡唔一定要申請的，便利店其實可以買一張信用卡回來的，同買一張八達通差不多，買你想要的金額，然後打電話開通就可以使用，你入200蚊，就可以買200蚊內的野，用唔晒，可以留下一次用，唔夠錢，可以去增值(有最少增值金額，一般為HKD500，所以可能用一次買一張更好)
我們先假設大家要買任天堂eShop的遊戲，大家可以先上網(MasterCard官網)睇睇匯價，例如你要買5000Yen，海外簽卡有1.9%手續費(實際手續費請查詢發卡機構)，即係你要增值357蚊，如果穩陣少少，可以增值360或370蚊(因為匯率會有波動)，咁你就可以購買5000Yen的遊戲的了
同樣地，大家亦可到Amazon 日本或美國之類的網站，購買點數卡，無論係任天堂，Playstation，XBOX都可以，不過要留意番係咪Email比Code你，而不是寄給你的 (如果要求有日本或美國地址，自己找一個當地地址填入去就可以，至於你如何可以得到當地地址，我就唔多講啦)
同樣地，大家亦可以到Amazon之類的網站購買實碟或其他產品，如果購物時發覺單筆消費有上限時，例如只能每次買最多1000蚊，可改為先增值Amazon戶口，然後再用結餘埋單
