Jaybird係美國專門設計運動耳機的先驅品牌，但香港人可能未必個個認識，但如果同你講佢係Logitech旗下品牌，咁你應該點都聽過了吧，今次小編要介紹的係最新推出的Jaybird Freedom藍牙無線耳機。講到運動用耳機，大家最留意的應該係帶上耳仔穩唔穩陣同舒唔舒服，所以咩都唔好講住，不如睇片先，由花式跳繩隊員親自帶上Jaybird Freedom跳到咁都唔飛出來，應該信心大了吧！
∇ 除了帶得舒服同穩陣外，電力亦好緊要，本身Jaybird Freedom可用上4小時，而叉電本身亦可以當一個後備電咁用，只要套上叉座，就可變成4+4=8小時，而就算套上叉座亦不會覺得重，實在係好貼心的設計。
專用 MySound App 自訂耳機聲音參數
另一方面，大家亦可下載專用MySound App，用來修改耳機聲音參數，喜歡重低音又得，喜歡人聲特出點亦得，修改後參數係直接儲存係耳機上，就算你換其它裝置都唔需要再Set過，如果唔太識Set的話，亦可下載別人使用中的設定檔直接套用，上得多討論區的人都遇過，經常會有人問點Set機先好，又或四出問人點樣Set，宜家可直接同網友交換自己的設定，真係方便好多。
∇ Jaybird Freedom 共有六隻色。
∇ 其中四隻色公開發售。
∇ 另外有兩隻色只在Apple Store發售。
Conclusion : 【小巧穩陣唔易甩 愛運動一族強烈推薦】
Jaybird Freedom可Over Ear或Under Ear使用，我自己兩樣都試過，還是比較喜歡Under Ear，就算不用上隨附的耳撐都好穩陣，可能同耳機本身就好細小有關吧，帶上耳仔後，根本就唔會有移動空間，跟機有我最愛的Comply ear tips，仲要係sports version，聲音真心不錯，對得住個價錢(建議零售價$1699)，加上金屬外殼非常討好，難得唔會影響傳送，十分穩定，按鈕可直接調較大細聲，上下一首歌 (實試LG G5的 跟機 或 第三方Music Player均可)，接聽電話等，完全不需要拿手機出來。
