前言
漫威大作《奇異博士》，部份亞洲地區搶先美國上映 (唔計美國加州既 Premiere)，當中以台灣為最早(25/10)，香港就遲多一日(26/10)，心急既朋友仔未睇的話，大概都已經買定飛等入場吧！入場睇係肯定，所以睇左好多資料，先決定到去邊間戲院睇呢套神作！
動畫
個人雖然未睇過《奇異博士》既漫畫同動畫，原因係對個原設無太大好感！漫威英雄動畫電影 (非電視) 無對手華納咁多，早係2007年已經推出《奇異博士》動畫；香港當時譯名：《怪醫博士》，是想韜《怪醫秦博士》的光嗎？由此可見，博士係 universe 入面佔左個重要位置！
∇ 動畫版既《奇異博士》(自我轉譯成這個名字比較好)，入場前睇左先，會唔會易於投入呢？
預想
睇完預告片，有D熟悉既感覺湧左上黎，究竟係咩呢？
寫呢篇既時候，從搜集資料過程中，令我聯想得到兩套電影，咁橋係出自同一對台導演：基斯杜化路蘭。
∇ 《潛行凶間》VS《奇異博士》：扭曲空間場面
∇ 《蝙蝠俠：俠影之謎》VS《奇異博士》：英雄成長過程
小結：莫非《奇異博士》就係《潛行凶間》加上《蝙蝠俠：俠影之謎》既混合體！？
資料
∇ 跟據IMDB資料顯示，用上了支援 IMAX器材，亦有1.90:1 IMAX場境 (IMAX版本獨家帶來超過60分鐘全畫幅片段)，原生有「全景聲」，可惜無如《美國隊長3：英雄內戰》般既 IMAX 12 track 。
∇ 既然有扭曲空間場面，聲效相對成為次要因素，IMAX 3D 大概就是必然之選，要夠大的話還是選了機場 IMAX，咁坐咩位比較好？可以參考一下已經買左飛既朋友仔取向，而個人建議係H19, H20，聲效可能會爭少少，但可以睇得哂個巨幕。
贈品
早已經買左 IMAX戲票，係上映既同時收到通知，憑票尾乙張可換領海報 (限900張) 及首200名可額外獲得幻變滑鼠墊，咁橋又有「打卡」遊戲，又有糖食又有汽水飲！
