前言
係 NowOne 推出既時候，好鬼強調可以「一體化」，通吃市面上既數碼同串流廣播，當然就唔會有競爭對手個D啦！但就有非直接對手，早排大熱既 Netflix，既有自家製作既電視劇，亦有好多真·4K節目，更加支援埋HDR添。但假如你唔係買D大牌子既4K電視機，未必內置埋 Netflix app，要睇都一定要靠其他器材幫手至得。
Netflix 正式在 NowOne 啟用
Netflix 大概係九月初正式可在 NowOne 啟用，起初只能夠睇到高清1080P，好快就有更新睇埋 UHD（但要自行做一點設定，大有可能是不支援市面上所有4K電視）。本身自己用緊既 SONY Curved TV， 睇到 4K Netflix，用唔用到都唔鬼理佢啦！
∇ 係 NowOne 未正式推出之前，已經聽過有用戶收到邀請，可以免費睇 Netflix 三個月，真假難確！直至兩個幾星期前，收到短訊，透過簡單登記就可以免費睇。
∇ 唔肯定自己有無收過短訊的話，可以係 NowOne 入面既「訊息服務」查得番，同樣有登記連結，用QR就連得到。
∇ 但登入網址之後就滿腦疑問，以同一張賬單繳付now TV及Netflix服務費用，輕鬆簡單！：
Q&A
呢句說話睇落好有「伏味」，差唔多到期限前才敢去登記，或許大家同我一樣有咁多疑問，寫了以下既Q&A同大家分享下：
Q1. 假如本身 Netflix 已試用屆滿，可以用到呢個優惠嗎？
A1. 可以，因為呢個優惠係以 CREDIT 方式存入有關戶口。
Q2. 假如我本身係與友人分享多屏的 Netflix 戶口，可以用到呢個優惠嗎？
A2. 可以，CREDIT 可以當成為 GIFT 存入朋友戶口。
Q3. 送贈為 Netflix 標準計劃（月費：78元），可以轉用其他計劃嗎？如：四屏兼享 UHD？
A3. 可以，正如以上所講，三個月月費合共HKD234，是以 CREDIT 方式存入，並無任何使用限制。
Q4. 免費的 Netfix 戶口有無特別限制？
A4. 可以，與一般 Netflix 戶口無分別，多屏使用取決於所選計劃，同樣可以係外國使用，只是睇到既影片會受到當地限制而已。
Q5. 真的一定要透過 PCCW 繳付 Netflix 月費嗎？
A5. 不一定，視乎 Netfix 戶口狀況而定，使用當中的戶口，在進行登記時，不會提問繳費方式；開新戶口又或者是重啟已停用的戶口時，可選可不選以 PCCW 繳付費用。（如果有用開 THE CLUB 的話，Netvigator 用戶就可以儲埋分，10元就有1分）
免責聲明
以上純粹是個人係登記優惠時所遇到既狀況，如有出入，歡迎指證，以方便日後有需要既朋友查詢。
