前言
早排閒逛 CD 鋪時，無意中發現呢一只《ballads on cinema 電影小情歌》，作為電影愛好者兼價錢唔貴，3CD 碟既賣價比起慣常單 CD 貴少少咁啦！二話不說，就買一只番黎聽下先！
簡介
3CD 係今年四月份推出，從 CD 碟外套上對電影名稱既翻譯，大概就是源自台灣既出品，對於習慣只記英文片名既我，係適應上並不太困難，收錄既係電影裡面曾出現過歌，未必一定係主打既歌曲，收錄 46 部電影合共 54 首歌曲，有新亦有舊，封套列出既係由 2000 年到 2015 年上映既電影；但只要細心留意歌單的話，就會發現 CD3 Pop 入面收錄了 1986 年上映既《壯志淩雲》經典名曲: Take My Breath Away，由 Berlin 主唱，當年亦被林憶蓮改編為「激情」。
∇ 個人珍藏，
左邊既係林憶蓮既卡式帶「激情」，右邊既係《壯志淩雲》黑膠既「Take My Breath Away」
聽感
雖然自稱電影迷，在這張專輯入面列出既電影，其實也只看了少於一半，加上收錄既歌曲不一定是最主打既，初聽時的確有點陌生，但久唔久又會聽到一 D 熟悉既旋律，就好似 CD2 Chanson 第 8 首，陳百強既改編歌「粉紅色的一生」，原曲名為法文：La Môme，英文：La Vie En Rose，曾於《特攻巴黎》電影中出現。CD3 名為 Pop，會搵到更多既改編歌曲，例如: 02. A Taste of Honey 就係杜麗莎姐姐既「眉頭不再猛皺」；11. Will You Love Me Tommorow, 曾改編過既歌手都唔少，亞洲歌手以童安格既「明天你是否依然愛我」最為有名。
∇ 為左配合大碟既「懷舊」味道，刻意掘出多年無用過既 Panasonic SL-SX5000, 配上 AKG K550 又出奇地夾聲。
優點
正如先前提及，儘管唱片收錄歌曲未必係你所熟悉歌手既歌，但經典歌曲絕不會少，當成一只「雜錦碟」黎聽都可以；3CD 分類為 Jazz、Chanson 及 Pop，可以配合你不同心情下去聆聽，心思可加。不善於英文既我，附贈埋歌詞就絕對有需要。
缺點
唱片收錄了來自 50~90 年代不同既歌曲，與一般既「雜錦碟」有同一個「通病」，音色並不一致，而且參差得頗嚴重。
Conclussion: 單 CD 價錢，可以有三 CD 既懷舊，OK 啦!
又要平又要靚 (聲) 就未必做到，但肯定可以做得到又平又正 (歌)，十分適合愛懷舊既我或你!
