今年第一次 6 月就有影音展睇, 都算係一個幾新的嘗試, 昨日小瑟 10 點鐘就已經到達會場, 希望可以快快手手咁將會場中的正野一次過比大家報導, 大會主題為「買得起的視聽享受」, 希望可以將入門至中階級消費品來招徠, 究竟係咪真係如主題一樣, 真係「買得起的視聽享受」呢?? 等小瑟同大家去掃掃場, 睇下係咪真係有唔平靚正的心水貨先.
«快速瀏覽HKAVE 香港影音博覽究竟有咩睇, 去片啦»
https://youtu.be/0ieT9S9qRgU
二樓耳機及軟件銷售區
今次影音展係位於尖東富豪九龍酒店舉行, 共分二層, 分別係二樓同三樓位置, 大多數的耳機同軟件都聚集係二樓位置, 雖然鋪頭唔算太多, 不過都已經有哂黑膠產品、影音器材、數碼音響、發燒線材，以至無線／串流／電腦音響、耳機／耳擴等個人流動音響產品比大家睇睇, 可能有人會話其實同我旺角行差唔多, 不過可以集中於一個地方一次過睇哂又有泠氣嘆, 算係咁啦!!!
∇ 一入會場大門, 就會見到 LG 放了三部OLED電視出黎, 最醒的仲會放埋一個靚靚 Model 同大家講解電視松的功能, 真係叻到呢!!!!
∇ 二樓中, 呢間房就有三間不同的唱片公司聚集係度, 三間分別係 Silk Road Music Co.Ltd. 、New Century Workshop、Naxos Int’l (Far East) Ltd. 而當中最多人選購我就係 Sennheiser 委託德國「老虎魚」的一張黑膠及傻豹 SACD 及黑膠, 小瑟仲好抵唔住頸買左隻傻豹 SACD, 盛惠 HKD$150 蚊啦!!!!^^”
∇ 二樓出面鋪仲有幾間唱片公司的, Master Music 及 Sunrise Music, 佢都都分別有不同的優惠係現場做比大家的呢!!!
軟件之外的影音房
講完軟件同耳機展位, 當然就要同大家入去各大影音房睇下啦, 二樓位置都有 9 間不同品牌進駐的影音房間, 入面就有不同的組合比大家去慢慢試聽, 有 D 房仲十分之多人, 多人到小瑟想入去都有 D 難度呢!!!
方浪音樂新科技 Illusonic IAP2「數碼房間處理」系統 (老友記時間 ♦連結♦)
二樓房尾, 就係小瑟老友記方浪音響 Kent 哥駐場地方勒, 之前都有講過今年方浪會有新產品就係 Illusonic IAP2 呢個「數碼房間處理」, 利用佢的精準收音咪及數碼處理, 可以將大家的器材與聆聽空間作出修正, 讓大家的器材可以係你屋企都可以全面發揮, 真係 2 Channel 都要科技化, 以前成日講 AV 就有得玩音場教正, 依家就連 2 Channel 都有, 而佢巴閉的地方就係除左 2 Channel 之外, 就連大家的家庭影院多聲道都可以作音色修正, 正如小瑟係 IG 都有講, 咪以為 2 Channel 就一定只可信, 不要問, 依家就連 2 Channel 都可科技化, 有哂數據來玩, 咁先配合現時玩 HiFi 的要求呢!!!!
∇ 由 Kent 親自同大家介紹是日展覽重點, 發燒友們又點會唔聚精會神呀???
∇ 玩音響, 電呢一環又點少得呀?? Plixir 電源處都係方浪今年的全新產品.
∇ 就係呢部 Illusonic IAP2「數碼房間處理」可以另你的器材在房間發揮最大潛能, 想知究竟佢係點運作??? CLICK 入我地「老友記專訪時間之方浪音響」就可以了解更多呢!!!
⇒ 伸延閱讀 : HKAVE 香港影音博覽 – 老友記時間 之 方浪音響
AV Hospital 院長於二樓角落位置
院長係我地 76- FriendClub 既鄰居, 我地當然要入去睇下有咩好野啦, 院長展區位置就係三樓最入既房間位內, 入面都好多不同配件同影音玩具買, 要數精選野當然要數 Pioneer 2 Channel 一套西裝, 最觸目既當然係 A-70DA 啦, 呢部可以話係一部 ALL IN ONE 的合併機, 內置耳擴, 支援達 DSD256 的 USB 解碼, 就連 MM/MC 黑膠唱頭放大器都包埋, 你想玩咩都得啦. 另外仲有尋日先到貨的 ROGERS 300B 膽機係會場出現, 聽院長講, 部機昨日先突然到貨, 佢自己都估唔到, 4枝 300B膽管, 7 月開售正價 HKD$16,800, 依家會場優先領只售 HKD$14,800, 黎到點可以唔入去睇下呀???
∇ 小瑟對呢套釘腳都非常有興趣, 事關真係好想換左依家 KEF XQ10 對原裝腳麻~XDDDD
∇ Pioneer 二聲道西裝兄弟, 現場環境都好難得到佢真正實力, 不過純以聽音色來講, 都好似幾唔錯, 在現場睇套西裝真係幾型仔的!!!
∇ Pioneer A-70D 真身.
∇ 就係呢部昨天先岩岩到的 ROGERS CADET 300B 膽機, 由 HKD$16800 減至 HKD$14,800.
獲 What Hi Fi 2015 大獎的 Cambridge Audio CXN 音樂串流播放機 (老友記時間 ♦連結♦)
要數 Cambridge Audio 最勁的當然就要數上年取得 What Hi Fi 2015 CXN 音樂串流播放器啦, 而場中除左 CXN STREAM PLAYER 之外, 小瑟仲見到佢地場中擺放左佢地主打的 AV 系統, 有 CXR200 同中置喇叭, 而大家可以見到 Cambridge Audio 的喇叭高音都會有 D 唔同, 究竟有咩唔同呢??? 睇埋落去再同大家講下啦!!!
∇ 影音架上, 由上至下是 Aero 5 中置喇叭、CXN 藍光機、CXN 網絡播放器及CXR200 AV 擴音機, 一套西裝非常醒目, 雖然有人話 CXR200 AV AMP 去到呢代仲未支援 ATMOS 系統, 但香港地又真係好多人其實都未有機會可以上到天花喇叭, 如果希望找一部睇戲又得, 聽歌又掂而且有獨特的英式音樂感的AV AMP, 都咪話一定唔鐘意呢部 CXR200 呀.
∇ 講返隻喇叭高音單元先, 新一代的 Cambridge Audio 喇叭通通換上第四代 BMR 單元, 音質上, 傳統的高低音單元的分頻點大約位於 3KHz 附近, 轉用 BMR 單元之後, 分頻點則可大幅提升到 250Hz 左右, 如果連高音都可以去到250Hz, 咁函接點就可以去得更好, 就以現場呢對 Aeromax 6 為例, 頻率響應可提升至 40Hz 至 22kHz, 高中二路的連貫性就可以更一致啦.
∇ Cambridge CP2 動鐵和動圈唱頭前置放大器, 無論是你用邊一類唱盤, CP2 都岩用, 而且CP2適用於終極發燒機型中所採用的動圈式唱機, 動磁式具有更加高的精確度同細膩的細節. 所以就算你唱頭都已經有放大功能都好, 它都非常值得你繞過唱盤內置的放大器, 來提升音質既表現架. (諗緊不如問代理借返來比大家拿回家試玩一下好唔好呢?? XD)
⇒ 伸延閱讀 : HKAVE 香港影音博覽 – 老友記時間 之 劍橋音樂 Cambridge Audio
二樓展區的其他影音房間
除左以上介紹的展區之外, 二樓仲有好多高奴音響都會以最強陣容示人, 好似有 音響科技城, 新和偉音響, 名望音響, Sound Concepts, 聲曜國際 Guru Acoustics, 威達公司都係場中展出大量玩物的, 小瑟同大家影左 D 相, 希望可以比大家了解一下大既有咩可以睇, 等大家一去到會場就第一時間去睇下啦!!!!
∇ Guru 影音房一正門就有對座地喇叭 Adam Audio MP1 座陣, MP1 採用專利的 X-ART 氣動高音單元, 可令高音人聲更通透, 仲要係有源喇叭力氣完全唔洗擔心呢, 雖然價值 HK$188,000, 好似同個博覽會主題唔係好同喎, 不過黎得音響展, 當然就想聽下好野架啦, 所以現場朋友都唔怠慢, 坐定定聽好野啦!!!
∇ 威達公司的 Falcon L3/5A係最新拿回來的產品, 據 Patrick哥講, 呢隻 Falcon就係當年 ProAc L3/5A 的單元工程師的手筆, 所以佢出黎既聲音同質素, 絕對可以同當年的 L3/5A 相提並論, 而依家 eBay 上有紀錄最高的L3/5A BID價係高達10萬蚊英磅, 都真係聽落都覺得誇張呢!!!!
三樓展區又有咩睇呢? 「Hi Fi 音響美樂匯」
黎到三樓的展區, 呢度都有好幾個大的音響代理進駐的, 就如雅詠音響, 標緻音響, 新漢建業, AV Consultant, 派斯音響, Crystal Sound Audio, 瀛賽拉國際, 當然仲有每日都有精彩節目的 「Hi Fi 音響美樂匯」時段啦, 呢個時段係將《Hi Fi 音響》整套參考器材移師到影音博覽場地開聲, 再加上《Hi Fi 音響》音響版總編輯何森精選音響產品加以配合, 節目中何森亦會夥拍《Hi Fi 音響》音樂版主編劉志剛, 以及資深主筆們全程為發燒友提供音樂導賞。
OPPO 103D SE 之後當然唔小得 105D SE 啦 (老友記時間 ♦連結♦)
早排我地76都有攪過 BDP-103D SE 的試玩會, 當時大家都有問到 BDP-105D 會唔會有 SE版本呀?> 答案唔洗小瑟講大家都知啦, 呢部 OPPO 藍光宇宙盤推出 BDP-105D Special Edition 版本同樣地, 改善左電源供應部份, 優化模擬放大及全機進行抗震處理, 將 105D 的二聲道部份再加以提升, 以藍光宇宙盤來計, 應該都冇人可以埋到佢身勒掛!!!!
∇ 係會場購買 OPPO 產品, 仲送超級多的禮品, 真係淨係用口講到講到喉嚨痛呀~~~
⇒ 伸延閱讀 : HKAVE 香港影音博覽 – 老友記時間 之 聲耀全音
種類繁多的 HiFi 玩具展區雅詠音響(老友記時間 ♦連結♦)
去到三樓呢個非常之大的展區雅詠音響, 佢地都展示左好多不同的產品, 包括有 Soulnote SD300 座枱解碼連耳擴, USB 仲可以支援 DSD128, 支援無線接收, 平衡輸出可直駁有源揚聲器, Ansuz Acoustic Cable X-Series, 丹麥 High End 線材首次推入門級型號等等, 都係HiFi發燒友必入的展區之一呀!!!
∇ 3A呢間房內, 放出了 Raidho Acoustics D-3.1 呢對人咁高既喇叭, 以MC MONO推動, 小瑟之前係佢地中環 ShowRoom聽過, 果次得二個人係房仲要坐係皇帝位聽鄧麗君香港伊利沙伯體育館演唱會, 真係好難忘, 雖然鄧麗君只係係度講野, 但就真係好似有個人企係小瑟面前, 真係企係面前果隻, 小瑟想像到一套真 Hi End的系統, 係點樣另到你舒服到訓著…..@@”∇
∇ 呢對 ATM Admonitor Premiere 又係一聽難忘, 話說有次有機會上雅詠搵 Bird哥仔傾計, 上得去當然唔會放過機會聽下有咩好野啦, 咁岩佢就放左對 ATM 係度, 二話不說就是旦選左幾首爆棚野來聽, 有一段又係好深刻, 因為一對咁細既書架喇叭, 估唔到佢量感可以咁大, 定位同空間感可以出到大喇叭出來的氣勢, 尤其鼓聲由左至右拍打出來時的效果, 真係非常之咁正…….當然佢又係同 MC MONO做後級推佢啦, 不過雖然話用MC推, 但出到咁大既音壓都唔走樣呢對ATM 都算勁!!!
⇒ 伸延閱讀 : HKAVE 香港影音博覽 – 老友記時間 之 雅詠音響
三樓展區的其他影音房間
AV Consultant 今次就成為場中唯一示範AV的參展商, 房中設定左 7.2.4 架構 Dolby Atmos 家庭影院系統, 用上 11 個主聲道, 4 個天花聲道及兩個超低音, 如果想試 AV 的朋友呢間房唔洗小瑟多講勒掛!!!
第一次的影音博覽會個人感覺
今次係第一次一年內會有二個影音展, 的確呢個影音展比八月的規模同參展商都小好多, 不過冇第一次, 又點可以有第二次呢??? 而昨天星期五第一日的情況來講, 都估唔到竟然人頭湧湧, 令整個博覽會都非常之旺丁, 而小瑟雖然一早10:00已經到場, 不過因為時間關係, 都影相同拍片, 時間都非常緊密, 所以有部份唔係太熟的參展商都只可以入去影二張相同大家分享分享, 如果大家入左D房係覺得有正野的, 不妨係科林討論帖內同小瑟多多分享. 講返入場禮品, 但凡進場的朋友都可以得到發燒工具測試 CD《音響羅盤》乙張, 香港影音博覽場刊兼音響購買指南《尋寶 360º》, 而入場費就只需要HKD$60蚊, 呢個星期六日, 大家唔洗講都知道有咩節目去行下啦!!!!
Post76討論區相關討論
係我地 Post76討論區內, 就有關的討論都有好幾個, 以下就係相關討論希望比大家睇下究竟係影音玩家的角度又點睇今次的影音展呢???
人在現場
https://www.post76.com/x2/forum.php?mod=viewthread&tid=240836&fromuid=4
HKAVE2016 簡單巡禮
https://www.post76.com/x2/forum.php?mod=viewthread&tid=240859&fromuid=4
2016香港影音博覽 ? ? ?
https://www.post76.com/x2/forum.php?mod=viewthread&tid=237648&fromuid=4
今日影音搏覽有無人會去？
https://www.post76.com/x2/forum.php?mod=viewthread&tid=240819&fromuid=4
