前言：
華納睇怕眼紅左漫威好一段時間，正義聯盟務必要成立，但因 Nolan 所創造的新派蝙蝠俠不能與新一代鋼鐵英雄接軌，從新塑造蝙蝠俠的話，就得要由最初說起，於是 Wayne 爸爸，再一次死係槍手之下……，個人始終喜歡 Burton版，Wayne 爸爸係死係 Joker 槍下。
故事：
故事承接《超人：鋼鐵英雄》尾段而展開，破壞之大離奇地牽連到「葛咸城」，亦成為了蝙蝠俠同超人開戰既理由，查實都幾牽強下架，睇故唔好駁故啦！入場前重溫下「前作」，睇都會投入D既。
彩蛋：
∇ 番到屋企又特登睇番《超人：鋼鐵英雄》，原來係尾段激戰當中，出現了一架類似混油車，寫上了「LexCorp」的名字，原來就是當日留下的「彩蛋」。
至於今集字幕一起，星影匯就亮了一點點燈，再過了不久再亮多一點，原來係咩都無既；漫威成日用呢套，又唔代表華納一定要跟既！
特技：
飛黎飛去既動作處理得不錯，無蜘蛛俠個D咁膠公仔FEEL，但係個大佬可唔可以設計得形D既呢，同《魔戒》入面個D二打六差唔多樣……
畫面及聲效：
由本片片尾證實電影的確以「全景聲」作混音，係星影匯睇都好震撼下，尤其是低頻比起以往來得更有力！
跟據IMDB資料，部份畫面為IMAX器材所拍攝，亦有用上專屬聲軌 (IMAX 6-Track)，好此道者就只能選擇IMAX影院了吧！
場次：
想找一場既有全景聲兼大院的話，但又唔要3D係比較困難；加上片長關係都要加收一點！
華納 vs 漫威（共通點）：
∇ 蝙蝠俠 vs 鋼鐵俠，兩位都是集團入面充當「智囊」，加上兩人都是熱愛「設計」！
∇ 神奇女俠 vs 美國隊長，兩位都有一個好強勁既盾，來自遠古時代，兼係「美國主義者」！
∇ 超人 vs 雷神，兩人都有「神」一般既身份！
∇ The Flash vs 夜魔俠，兩人都係以「快」見稱！
∇ Aquaman vs 變形俠醫，純直覺就是同類！
推薦指數：7/10
（聲明：以上純粹個人意見，有錯請指正！本文除了戲票以外，圖片採用均為網上圖片）
