我地台慶月時, 有好多遊戲推出, 要數最觸目的當然要數呢個【Come On 許志安演唱會2015澳門站+後台探訪機會】的遊戲啦, 今次安仔就在澳門的新濠影滙綜藝館舉行【許志安 – Come On 演唱會 2015 澳門站】, 小瑟當日就過去做採訪及聯同二位得獎的版友們去欣賞呢個咁正的演唱會, 小瑟當然唔會只係睇 SHOW 咁簡單啦, 依家就同大家分享番當晚的實況, 不如大家先來睇下個演唱會究竟有幾正先啦!
∇ 今次澳門演唱會因為場地關係, 沒有將香港版的”超大安仔”放係台上呢.
∇ 安仔終於出場, 一黎先唱左幾首首本名曲, 包括 “我的天我的歌”, 而且一開場仲有 Joey Tang 同 Kelvin仔一同大JAM “不許你註定一人”, 開場冇耐氣氛已經ROCK爆呢.
∇ 之後當然就係安仔最耍家既勁歌熱舞, FIT爆的安仔呢身透視裝仲唔係殺哂全場??
∇ 呢個位就連香港版演唱會都冇既, 就係安仔落台同觀眾握手環節, 睇安仔直頭上埋樓梯上較上位置同觀眾握手, 現場觀眾們真係非常之震奮呀!!
∇ 安仔演唱會又點會冇驚喜呢?? 是晚特別嘉賓, 大家都估唔到竟然係衛蘭呀, 原來安仔一直都非常欣賞衛蘭的歌藝. 而佢地當晚就唱左大家都耳熟能詳”情人甲”.
∇ 安仔當晚呢身閃金打扮就真係型仔到爆呀.
∇ 當大家以為表演嘉賓已經出左場之際, 估唔到原來仲有多一位神秘嘉賓, 呢位竟然係”亞公”蘇永康, 一上來就同大家演唱 “那誰”, 全場氣氛即時上到頂點呀~~!!!
∇ 亞公同安仔真係非常老友, 在場中攪氣氛真係好正, 而且適逢演唱會時段正正就係安仔在大陸歌唱節目中被崔健狠批許志安時段, 呢個位亞公就直頭叫安仔同全場FANS影張大合照先啦!!!!
會後合照時段
演唱會去到呢度當然就係二位得獎者最緊張的0時刻啦, 小瑟就同佢地一同到後台期待安仔既一刻勒, 大既5分鐘左右, 安仔就正式到達, 見到佢仲係著住岩岩克場最尾件衫, 笑容滿面地同各位主辦單位, 工作人員們, 粉絲們逐一合照, 真係佩服其專業精神. 而我們二位版友亦都好開心呢晚可以係演唱會完 Show 後同安仔可以咁近距離接觸, 開心死人啦!!!
我對《Come On 許志安演唱會 2015 澳門站》的感覺
首先非常多謝 太陽娛樂 為我們的版友提供一個咁難得的機會, 而當晚演唱會安仔亦係出盡全力, 混身解數地為樂迷獻唱, 今次小瑟仲有機會可以同安仔來個近距離見面, 自己都真係好似發緊夢咁. 講返今次滇唱會, RUNDOWN上同香港演唱會係有D分別,就好似一開始就已經有JOEY TANG出場呢個安排, 都另小瑟一開始諗會唔會時間短過香港呢??? 答案原來係反而更加長左, 因為特別嘉賓方面由二個變為二個, 而安仔唱既歌亦都同香港 SHOW 不相伯仲, 首本名曲一樣送上, 完SHOW後其實都已經成 11:00幾, 如果係安仔既FANS相信都非常盡興. 期望近日安仔又有首新歌叫”表情”, 仲出埋劇場版, 又係一首超正既歌, 大家未聽過??? 快D去CLICK來聽下啦!!!!
