Zolarwind太陽風, 可能好多朋友都係Youtube或電台聽過佢地既歌曲, 佢地既第一首主打歌《乾坤卦》一出即時非常受歡迎, 而就係咁小瑟就對佢地多左留意, 細味之下先知原來係由 J.Aire 監制藝琛(小瑟叫佢 琛爺XD)提議組合而成, 於2014年成立, 成員有靚女 Quinn (Vocal), 湯美 (Guitar), 波子 (Drums) , 藝琛 (Keyboard) 四人, 佢地四位其實早已經係本地樂壇之中, 經驗豐富的獨立音樂人, 多年來已經替不少歌手作幕後演奏及歌曲製作，演唱會、唱片灌錄、作曲、編曲、監製、後期製作等等。而小瑟呢日就有幸可以同到佢地傾下計, 了解一下佢地既音樂抱負, 傾落先知, 原來佢地四個都幾好笑, 尤其係波子, 真係唔聲唔聲, 一出聲笑鬼死人果隻, 唔好講咁多, 不如睇下小瑟同佢地四個傾左D咩先!!!
即時送上今集【76 玩樂樂壇 : 新星專訪 – Zolarwind太陽風 】
https://youtu.be/fJg-1I7Mq_0
ZolarWind 太陽風 -《乾坤卦》Official Music Video
ZolarWind 太陽風 – 《七百萬個小宇宙》Official Music Video
後記
聽過佢地既歌之後, 再同佢地訪問完之後覺得佢地對音樂有團火之餘, 小瑟個人真係非常欣賞琛爺一句”做唱片, 靚聲其實係基本需要來架”, 好多音樂人都會有個誤會就係靚聲就一定係過百萬 Hi-Fi, 非常貴價的線材, 但其實做一張唱片, 除左錄音等前期工作會影響聲音, 好似話用真樂器收錄少用電腦 MIDI 聲, 用點樣做混音都係一隻碟最終出黎聲音好唔好既一門重要關卡. 而佢地一行四人呢個組合除左音樂之外, 小瑟覺得佢地有一份好好玩的友誼係入面, 成日都聽人講, 夾Band其實咩都係假, 最緊要夾左人先, 如果人都夾唔到又點夾 Band 做歌呢?? 小瑟相信 Zolarwind 會係一隊夾得非常之好的香港流行樂團, 期待睇佢地既強勁現場JAM歌呢.
