睇返原來小瑟囉部機返屋企玩已經係 6 月尾既事, 依家先有時間的起心肝同大家出個開箱圖, 廢話小講, 依家出野!!!!
∇ 開箱第一眼. 一片印有WELCOME字樣的綿板.
∇ 打開綿板, WOW, 非常之咁多既配件, 小瑟感覺直頭好似細個玩緊模型車咁, 好多傢生喎!!!
∇ BUMPER都有二款, 其實點解要咁多野呢?? 本來小瑟都唔知, 不過當試過插D大頭既線比個BUMPER頂住之後, 就知道原來二個 SIZE 既BUMPER 係有需要的呢!!
∇ 之後就睇XPA-700既真身啦~
∇ 基本上所以配件都係哂度, 連橡皮筋都有二個不同SIZE, 日本仔野真係非常非常之咁仔細的呢.
∇ 前面的 USB 主要係比iOS 的系統使用的呢.
∇ 左邊非常之多控制盤, 包括取樣率, LCK RNG ADJ, 升頻, D.FILTER, 老實講, 一囉上手比小瑟既感覺呢部機就好似Pioneer 既 AV AMP咁, 因為D設定同係差唔多呢.^^”
∇ 右邊就有得選擇你用什麼輸入既裝置啦, 有USB DAC(PC/MAC), OPT, iPod(iOS), LINE IN, 而輸出都有得選擇架喎.
∇ 機頂位置就有GAIN, LINE OUT, 平衡耳機輸出, USB-DAC插位, 而USB-DAC就可以做埋充電之用, XPA-700竟然多左一個開關制係比用家去選擇究竟用USB-DAC時會唔會可以充電, 事關充電時都會對音質有影響架麻, 呢個設定都真係貼心到呢!!!!@@”
耳聽實測感覺
好勒, 睇完XPA-700寫真之後, 當然就會試聽一下啦, 小瑟手上就有部 iPod Classic 同 Philips Fidelio X2, 就先用呢個組合測試一下先, 首先小瑟試既係【BEYOND樂與怒】內的《我是憤怒》, 一開聲, IPC一直比小瑟感覺濛聲既情況一掃而空呀, 而配合 X2 出黎效果仲有一點點 Hi-Res 感覺, 小瑟手上呢個版本係當年 BEYOND 出既第一版, 當年日本錄音時已經有高音過標既感覺, 但配上XPA-700 出黎高音都係好出既, 不過就少左標到吉耳另人唔舒服既感覺, 高音搶得來係圓滑既, 之不過低頻方面就唔係小瑟鐘意的沉實有力的一下下咁打出, 試聽《我是憤怒》上整體效果一個字, SHARP來形容就最好不過呢. 之後再聽埋《海闊天空》小瑟專登SET左D.FILTER做”SLOW”, 另到尾音拉長小小, 低頻睇下可唔可以維持耐小小, 不過效果係有, 不過真係唔係好明顯, 而家駒把聲係 XPA-700中出黎既效果就有著一份之前感受唔到既哀怨力, 好滾動呀!!!!##”
聽埋King of POP
最後小瑟就用埋 Sony A10 Lineout 到 XPA-700, 聽返 Michael Jackson 陳年作品, 《Black or White》, 雖然係多年作品, 但小瑟到依家都仲係覺得咁多年來, 要數流行曲聽聲POP碟, 呢隻必入三甲, 尤其係《Black or White》, 經過XPA-700的加持, 一開始的拍門聲, 埋身得來有距離惑, 門外條肥佬把聲真係好似係小瑟右邊門外咁, 音場營造做得真係非常之好, 而去到呢首歌D低頻就真係返哂來, 係小瑟極鍾意既埋身有彈性一野野咁UN出黎, 就係聽呢首歌, 小瑟心中暗叫……呢次真係”奶野”勒…………真係可以用呢排好興既”念念不忘”同”耿耿於懷”來形容, 因為知道部機唔係我既, 係要還機的……頂!!!~_~
小結
其實小瑟都真係玩過唔小DAC耳擴, 不過好小有一部耳擴比到一個咁鮮明的性格出來, XPA-700 聲音性格同佢既AV AMP性格一樣, 快, 狼, 準來形容真係岩哂, 而佢比AV AMP再進一步的就係, 音樂感出來有一點華麗感, 而背景非常之咁干淨, 寧靜, 如果你都好似小瑟咁, 喜歡追求 Hi-Res 感就應該會好岩聽, 另外 XPA-700 其實設計係源於同廠的 U-05既設計, 話佢係一部縮細版既U-05 都不為過呀. 聲音方面隨身耳擴來講, 聲底扎實及性格鮮明的一類, 而 XPA700 的缺點我相信都真係電量問題勒, 小瑟試過IPC+XPA-700+SONY XBA-H3出街聽, 全程WAV/FLAC, 4個鐘左右就冇電熄機了, 呢個如果對於唔想日日長途車及唔想成日要差電既朋友來講就唔係咁好勒, 不過小瑟呢點又可以接受, 因為佢可以當埋USB-DAC之用, 咁返到公司又可以插埋PC聽, 當埋差電咁所以對我問題不大呢. 最後部機原來出街價都只係 HKD$3980, 當聽到呢個價之後…………除左暗暗中左之外, 其實小瑟呢次真係明中左了, 不過小瑟手上仲有部…………(好似好敗家咁!!~_~)
