【活動報導】ASUS Xonar Essence One MK2 摩機版齊齊試

CAS 的流行, 未來都應該將會佔據 Hi-Fi 界的半個江山, 而 Asus 就佔盡天時地利關係, 早在幾年前已經決定進佔 DAC 這個界別, 推出了性價比極高的 ASUS Xonar Essence One, 仲記得當日其用料及效果之好, 成為網上各大論壇的一時佳話, 而去到今年, ASUS Xonar Essence One MK2亦已經出爐, 我們亦希望今次可以將 Essence One MK2 的高擴充性完全發揮, 所以我地就預早二星期, 將一部全新的 Essence One MK2 找來有摩改經驗超過20年的伍師父為MK2作全面性的摩改, 希望可以睇睇呢部 Essence One MK2 經摩改之後可以得出有幾大的提升呢.

我地不如先來睇下當日活動全記錄, 聽下伍師父對摩改Essence One MK2的心得先呢.
https://youtu.be/-UAqG8UANHg

∇ 大家可以見到當日活動時, 我們就預備了二部 Essence One MK2, ←左邊 – 無任何改動的 Essence One MK2, 右邊→ – 經由伍師父摩改的 Essence One MK2.

∇ 活動開始就由小瑟自我介紹, 及同大家傾下計, 了解一下版友們對 Essence One MK2 的期望先.

∇ 活動開始前, 我們先找來 Asus 方面的台灣代表 Davy 為大家講解一下今代 Essence One MK2 的一點值得注意的事項呢. 以及同大家熱身一下聽聽原裝版的在DSD支援及WiFi 配件上的支援效果如何.

∇ 其實 Asus 方面都知道調校音色未必是其最強項目, 所以在 Essence 系列上, 都留有好多可改動的位置, 如OP-AMP位置就係最易比一眾玩家作自行修改的部件, 而當日活動 Davy 亦對 Essence 系列作了一個小總結.

∇ 官方的簡報完成之後, 我們先來個小PK, 原裝版PK摩改版, 希望讓大家先知清楚摩改之後的效果跟原裝版有什麼分別呢. 之後就請伍師父為大家講解相關修改項目及他玩 Hi-Fi 30年的一些音響小心得, 如果大家都想聽伍師父親身講解, 就要留意我地本文的視像活動足本勒.

∇ 而伍師父當日亦推介了很多靚聲的唱片比大家試聽, 而收聽之前, 伍師父都會同大家講解一下試聽要點呢.

ASUS Xonar Essence One MK2摩改部份

伍師父講解摩改 ASUS Xonar Essence One MK2的要點, 主要因為 MK2 機內二粒解碼 Burr-Brown PCM1795 是電流革輸出型的DAC,而I/V轉換既0P AMP在電路上是用來配合上述之DAC蕊片,而這個位置既0P AMP 要求是高分析力,  所以伍師父就換上了 LME 49710金封版, 此OP-AMP 比原廠的 LME 49720塑封版價錢相差什大, 而 LME 49710金封版為 Mono OP-AMP設計, 眾所周知, Mono 在處理訊源上一般同型號來比, 都會比 Stereo 來得好聲, 一來互相干擾會較少, 少了干擾對音色及結象都會有非常明顯既幫助,  所以師父就換上此版本的OP-AMP. 之後就到 LP Filter 方面, 就換上了二粒在網上沒有太多文獻說明的 HARRIS HA 5147, 伍師父早在10多年前已起用這粒 OP-AMP, 原因是 LP Filter對音色有著極大的調校功用, 而早前這台 ASUS Xonar Essence One  都有好多摩友都會以MUSE 01/02 來做 LPF 的配置, 但伍師父認為 MUSE 01,中低頻較 02 豐厚,但分析力及彈跳力不及02, 所以佢就選用這個HARRIS HA 5147來作為 LP FILTER的 OP-AMP, 貪其音色貴氣, 唔急聲及有慢火細嚼之音樂感. 而最後去到 RCA 的輸出方面, 就用上 LME 49710, 而為了將 ASUS Xonar Essence One MK2 可以發揮其硬件到極限, 今次伍師父用的部份全部都用上 Mono IC, 跟原廠比較就這點已經讓整部 ASUS Xonar Essence One MK2 變成好似是另一台DAC耳擴了.

電源部份之提升

伍師父亦講到 ASUS Xonar Essence One MK2 為何體硬上好適合改機呢? 選擇 Essence one 是看中它選用的蕊片不錯,所用OP-AMP 全部方便更換。另外其好處是火牛大, 電容細, 當器材需要極大的爆發力時, 電容輸出之後, 火牛是否能即時提供電流到電容作補充之用, 在音質上就可以保持到爆發大動態之後都可以留有餘韻, 所以 ASUS Xonar Essence One MK2在這方面的設計就非常之好了, 而伍師父亦試過將電容加大, 再試聽鬼太鼓等猛力的音樂, 雖然效果彭拜又震撼, 但不耐聽, 唔舒服, 最後都將其還原, 得出最舒服平衡的聽感. 所以師父強調摩機絕對唔係一味加大加大咁簡單的, 除了配搭得宜, 亦要顧及平衡性, 每個部件換完都需要煲練一段時間方知其部件之性能, 所以摩機除了要識渣焊接機之外, 其實經驗及耐心方為最重要之成功要素呢.

另外 ASUS Xonar Essence One MK2 的底板為三層板設計, 所以以焊接的功夫上, 就算是經驗老到的師父都不會輕易胡亂焊接電容(三層板難度詳情在視像足本內), 所以今次摩改電源部份, 只換了供電 DC5V 的電解電容由原裝 1800µf,改成 3300µf,  另外在電容下再加多一粒 西門寺塑膠電容 0.1µf(下圖紅圈)用意為幫助營造音場之用.

最後師父還即場為原裝版本之 ASUS Xonar Essence One MK2 示範更換OP-AMP 之方法, 雖然這個工序不算太難, 但我們一眾玩家都希望可以由師父親身示範一次, 看大家都對更換OP-AMP都非常有興趣呢.

ASUS Xonar Essence One MK2 齊齊試後 之 “回家慢慢玩活動”

剛剛睇完以下活動報導, 大家都係咪都心癢癢希望可以一試呢部 Asus Xonar Essence One MK2 究竟係咪真係有料到呢? 今次分享會後既活動, 就係比大家借部機返屋企可以同佢加深了解, 今次的試玩報告同樣是以新機 Essence One MK2 的特色功能和試玩感受為焦點, 能夠全面地試出今代 Essence One MK2 的個人感受的, 就可以成部  Asus Xonar Essence One MK2 免費囉返屋企玩, 都咪話唔正呀!!!

→ 試玩參加連結 ←

∇ 如果大家睇到呢度想知更多今次活動伍師父的分享, 請可以睇返我地以下活動分享會的視像足本了解更多呢.