近日安仔轉投新唱片公司太陽娛樂之後, 狀態大勇, 昨晚就正式完成佢個人第八個【許志安《Come On》演唱會 2015】尾場, 全場差不三小時表演, 可以話高潮一浪接一浪的出現, 小瑟尋晚睇完到依家依然興奮, 以下呢張相就係全場企哂起身同安仔一齊唱 “二人行一日後” 的情景, 到依家仲係瀝瀝在目, 依家就即時同大家分享一下當晚既情況先呢!!
開場前的工具………XDD
是次演唱會的HD CAM……..
大既去到8:45分, 終於會場坐滿哂人, 正式開場勒……..(其實8:15準時開場都冇用, 太多人遲到勒……), 一黎安仔一身現代褲……FIT得佢呢~~~~
幾首歌之後, 再黎由KB(Kelvin仔帶頭來個Drum solo, 之後竟然黎左首 “Dear Jane 不許你注定一人”, ROCK爆呀!!!!
呢個大大安仔頭, 未有影像投入去就似天壇大佛, 有影像投入去就見到一個唔笑既安仔…..我仲以為本身個影像會夾口型講野, 點知原來係冇既!!! 呢件野攪笑成份多小小呢!!! XDD
當我小瑟睇到呢個安仔……WOW, FIT到呢!!!
而尾場既特別嘉賓……..真係估你唔到, Sandy Lam林憶蓮小姐…….高潮位在於…….竟然唱灰色….正到爆!!!!
之前呢個安歌位………勁咯, 全場即時起哂身勁跳!!!!!
完場後, 我地就以 Media 身份到後台採訪安仔尾場既心情勒, 今次主持係商台 謝茜嘉, 其實場中嘉姐一直就坐係小瑟隔離, 不過……..我就識嘉姐姐, 嘉姐識Q我老鼠咩…..哈哈!!!
後話
今次安仔演唱會的確可以做得高潮一浪接一浪推出, 而聽返安仔既舊歌, 真的勾起好多童年的回憶, 尤其一諗起安仔, 小瑟一定會第一時間諗起當年買佢的第一張個人大碟, 當年自己都唔知點解, 諗都冇諗就買, 只因為一首”翻騰”, 仲好記得當年佢個頭…..心諗…..一個明星咁激, 剪個平頭裝咁夠姜, 首歌又幾好聽喎, 就係咁就開始買安仔既碟. 雖然都唔係次次入手, 不過的確佢有好多歌都非常之咁正的, 而好難得既係, 去到2015年, 佢加入左太陽之後今次新出既碟, 竟然有好多堅PLUG得既歌係碟內, 流淚行勝利道, 你的男人, 新天地, 尤以你的男人最能表達出好似我地呢D由年輕人到依家成家立室之後的一點點責任心理, 非常到肉, 期望安仔KEEP住努力去唱更多好歌正歌比大家, 去到呢個年代, 安哥式唱腔已經成為左安仔既招牌, 安哥仔, 我地等你下一次既開SHOW, 睇下下次我地又會流淚行左去邊度丫~~^^”
