尋日相信好多版友都同小瑟一樣, 有份出席 Sony 舉辨的新電視發布工作坊, 詳細報導我地過二日就會同大家分享, 依家就同大家分享一下究竟呢代以原生 Android 5.0 Lollipop 同依家坊間既智能電視有咩分別呢?? 大家睇埋落去就會知, 不過我地76版友最關心既當然就係聲畫有幾正啦, 今代全線4K都係日本制造, 老老實實, 心理上即時加分不少, 不如依家同大家分享一下昨天的情況先啦.
有冇諗過電視內有 Android 5.0 仲要係 Lollipop(波板糖)
今代 BRAVIA 4K LCD 電視以 Google 最新 Android 5.0 Lollipop 為電視作業系統，以 Sony 多年跟 Android 系統合作下, 可以令電視的操作及影片串流更暢順容易，亦可以妁電視化身為遊戲機, 平時係手機打開機既朋友岩哂，加上 Google Cast™及語音搜尋功能, 呢部電視實在就係一部大型智能手機呢. 而受惠於Android Lollipop 的架構, 可以將你手機的 Google Account 整合到你的電視, 只要在電視登入自己帳號, 所有下載及 Google Account 等的雲端資料.
玩電視仲講面板?? 梗係粒CPU啦
有玩開電腦既師兄都知, 螢幕面板雖然都係緊要, 不過依家呢個年代, 晶片主主宰一切, 係電腦上, 要打機一定要另外買張DISPLAY CARD, 而 DISPLAY CARD既處理器速度, 分分鐘比腦內CPU快不知幾多, 而一張勁既DISPLAY CARD動輒2K以上, 點解機友會咁舍得比咁多錢投資呢個位呢?? 無他既, 一個字….”靚”, 大家可以想像一下, 4K畫面其實係講緊 3840×2160 或 4096×2160像素, 係呢個8百萬點的面板上, 要將整個畫面實時處理比大家睇到有高立體感, Sharp度適中, 顏色鮮艷, 流暢, 其實係一件幾艱巨的工作, 今次 Sony BRAVIA 4K LCD電視整個系列就採用自家最新4K處理器X1, 以下就係 X1 呢粒U既功能勒.
4K處理器X1：
全新研發的4K處理器X1可將影像提升至4K解像度及播放原生4K影像。同時能夠處理日益多元化的內容，包括現時的高清內容及以不同影片壓縮格式傳送的4K內容。4K處理器X1是一個能夠處理三個重要原素(清晰度、色彩及對比度)的強化影像處理器，將畫質提升至新水平。
影像分析:
處理器精密地分析解像度及其他輸入的影像訊號，並因應所擁有的訊號資料處理相關影像。
更高影像清晰度：
處理器根據Sony獨家4K 數據庫配對影像，得出比以往更高的清晰度。此外，新處理器可進一步加強4K X-Reality™ PRO演算技術，更準確地描繪形狀的細節及大幅減少影像提升至4K過程中出現的雜訊。
廣寬色域:
該處理器全面展示Sony 自2013年採用的TRILUMINOS™ Display 技術產生的瑰麗廣闊色彩。並進一步提升精確的色彩管理，精密地分析輸入影像的色調、亮度和飽和度，重現更自然細膩的色彩。
更高對比度：
新處理器有效地擴展訊號的動態範圍，充分發揮Sony 自2014年採用的X-tended Dynamic Range™技術之潛力。擁有寬廣的亮度範圍，展現更明亮的光位和更深沉的黑色影像，影像比以往更加閃耀。
仲要用REMOTE搵字?? 唔好玩啦, 講就得啦!!!
叫得 Android 電視, 又點會少得語音搜尋功能呀? 大家唔洗擔心係電視上要搵野要用REMOTE逐個字上上下下咁搵餐死, 依家一句野…攪掂!!! 正~~(內置麥克風的遙控器RMF-TX100E隨 X9300C 及 X9400C附送)
電視都要 Hi-Res??
今次最高階的兩款電視：X9400C 及 X9300C, Sony 首次將 Hi-Res Audio 高清音效加入, 比大家可以在電視中都可以享受 Hi-Res Audio 的音效, 可能大家都會覺得…TV姐, 洗唔洗 Hi-Res 呀?? 不過你問我, 其實有時小瑟好夜睇戲時, 就算部AMP有 Dolby Loudness Control又好, ACL功能都好, 有時真係冇辨法開AMP來睇戲的(有初生小朋友的一定明我講咩…^^”), 如果電視的喇叭係出到唔錯既音效, 係收聽音樂、對白、或電影中的音效時, 可以升頻至接近高清音效級數, 點都係正過紙皮喇叭仔呢…
叫得 Android 打機曷常識吧!XD
預告6月中我們 Post76 自家 Sony Android TV 體驗會
睇到呢度, 暫時大家都對今年既 Sony 新電視有了一定的了解, 老實講, 小瑟已經取得批文入手(不過仲係過唔到50″關口, 中央話要換屋先…~_~), 昨天玩左一陣, 覺得部電視既可玩性好高, 仲可以自由裝APPS(最正係自己搵 APK 裝都仲得分^”), 如果大家都好似小瑟咁對呢代電視虎視眈眈的話, 請留意我們活動區, 同埋留定6月13日星期六呢日勒!!!
