P&O 首次- Pioneer BDP-LX88 現身 Onkyo Showroom

Onkyo 同 Pioneer 正式合併之後, 大家都好期待究竟二家會有咩新攪作, 新攪作就未咁快有勒, 不過有一樣野真係小瑟發夢都估唔到會發生的, 就係係 Onkyo 的 Showroom 有齊一套 Pioneer 西裝, 呢套西裝就係當今P記最新系列 Pioneer SC LX-88 同 BDP LX-88呢套西裝組合勒, 一路以來, 唔係每個品牌都有西裝出售的, 而有得西裝既品牌係影音技術上都會有著一份另人著迷的性格, 而 P記呢套西裝有幾勁呢個今日唔講住, 小瑟今次係第一次接觸呢部新 Blu-Ray機的, 一睇佢估唔到竟然似架車多過肉Blu-Ray機, 不如今次就睇下小瑟介紹呢部 BDP 究竟點樣似一架車哩!!!!

文字介紹

小瑟今次帶大家試玩的是Pioneer被Onkyo 收歸其下後首部大作 Pioneer BDP – LX88。此藍光機的最大特色是擁有名車級精密避震及聲畫分家的高端特性。短片中小瑟除了會為各位分享試玩感受，更會首度以視頻形式帶大家一探機殼內奧秘及佈局。內容包括會其特製金屬殼的用料特性和其接近 “零諧振” 的光碟播放理念。小瑟在片中指出，其零諧振的原理是利用托盤上左右各一的彈弓小螺絲。此螺絲的用途是固定托盤，令在播放光碟時所產生的托盤晃動大大降低。另外，此旗艦機王的內籠設計也頗具心思，如機箱內聲畫區域的分隔處理、電容佈局及端子特色等小瑟都有在短片中一一涵蓋。而小瑟在結尾部分也不忘 Highlight了此機的特色端子ZERO SIGNAL 的用法 (減低連接干擾) 及 PQLS 等功能的改進，所以想深入了解此機的準玩家一定要將本片多睇幾遍啦。