問 Kent 哥借左呢部 Aurender FLOW V1000 DAC 大大話話都有成個月了, 依家先有時間整個小小分享比大家, 真係感覺有小小對唔住 Kent哥仔, 希望佢睇到呢篇文時唔好嬲小瑟啦~~XDDDDD 講返正題先, 事緣有次係科林睇到大家對呢部機有D討論, 之後發現部機竟然係老友記 Kent 哥代理之產品, 見佢個 VOLUME 已經覺得好勁, 又點可以唔問 Kent 哥借來玩下呢.
科幻又新潮的外型
不知道是否因為想像力太豐富既關係, 小瑟覺得 FLOW 無論外觀或是質感都帶著一種強烈既科幻感覺, 唔知真係覺得佢好似打緊機咁, 而最搶眼的 OLED 圓形螢幕 (有點類似船艙艙門) 除左能顯示基本資訊外, 玩家更能透過鑲嵌在螢幕四周的環形實際扭進行音量調整. 而規格上, FLOW 的耳機擴大器功能是由內部電池提供推力, 所以不論適應性及驅動性都絕對交足貨，各類耳機使用者應該都唔會有投訴呢, 而此機細心地為玩家預留了 m-SATA 擴充介面, 令發燒友可以玩盡D, 自行再係 FLOW 內加裝 m-SATA SSD硬碟, 最高支緩 1TB 容量硬碟, 要聽 Hi-Res File應該都唔成問題啦, 呢個設計都幾得意, 由此可見, FLOW除了音質上有落心機之外, 亦希望可以係功能上做得性價比平衡呢.
∇ 左手邊就係幾粒控制鍵, 簡單得來高貴呀!
∇呢個船艙艙門設計既VOLUME制, 型到冇哂D朋友啦.XD
強勁DAC解碼又多功能
FLOW 內置的 DAC 解碼晶片為 ESS ES9018K2M, 具備左省電, 低功耗的特點, 最高可以支緩 24bit/384kHz(PCM USB)、24bit/192kHz(PCM SPDIF Otical)、DSD64/128 等的發燒級音源格式. 在輸入介面上，它有 USB 3.0、光纖數碼輸入等數碼端子連接. 其內藏的電池容量達 4450mAh, 續航力達 7 小時以上, 外出或搭短途飛機等都應該可以應付到, 不過實際作用又如何呢? 另外 FLOW 機身只 6.3 mm 插口, 但唔洗驚, 因為包裝內有個 3.5 mm 個轉接頭, 咁又慳返唔洗再買(身痕友另計XD)
∇ USB 3.0的接口, 除左可以接駁MAC機, PC之外, 仲可以駁埋iPhone手機(需另購Apple Camera Kit) 及 Android手機(需接上OTG CABLE), 即係暗示佢係可以囉埋出街做DAC耳擴的呢!!!
∇ 光纖頭都有提供.
∇ 隨機附送左一枝十字批, 方便大家開FLOW來加HD呢.
∇ 內藏電池容量達 4450mAh, 官方說續航力達 7 小時以上.
∇ 用上 Altera MAX® V CPLDs 及 XMOS, 低功耗晶片.
∇ 講多無謂, 試野勒喂!!!!
∇ 小瑟冇 MAC機, 只有 Windows 8.1 的PC一部, 當我一插入, 就指示需要自行安裝 DRIVER先可以使用, 唔洗講野, 即去以下網址 DOWNLOAD啦!!!! http://www.aurender.com/page/download
∇ 如果大家連轉頁都唔想煩, 大家可以直接係以下連結下載 Aurender FLOW 的 Windows 7,8 的DRIVER啦!!!
http://files.aurender.com/SWupdate/aurender_FLOW_V1000_Windows_Driver_v2.23.0.zip
FootBar 2000 實試
小瑟到依家都仲係用緊Footbar 2000 作為 CAS 訊源, 配以日本代表 Denon D7100 耳機試聽校長新碟【譚詠麟 – 銀河歲月】中的 Cheapter 06 “傲骨” WAV FORMAT, 發覺 FLOW 在處理 7100 這類不太大食但低頻向的耳機都幾有一手, 首先係歌曲開頭的結他仔細度十分幼細, 每粒音都清晰可見, 而聽落仲有少少膽機果份溫暖感, 連貫性及音樂感唔錯, 呢點有D估佢唔到, 仲以為呢D以CHIP SET先行的DAC一定會好重數碼味, 點知又唔係果回事, 再聽落去爆棚位開始考佢力水控制勒, 小瑟有時聽歌都會比人問係咪失聰的, 要開到好大聲先可以滿足, 的確有時我都覺得自己唔知係咪有耳屎, 哈哈!!!! 講返轉頭, 係爆棚位壓迫力冇想像中咁強, 而各式樂器互相配合下, FLOW係控制高密度及大音壓上唔算十分易處理但都算合格, 算有功課交呢.
後感
FLOW V1000 的家位小瑟相信係直指新一代玩CAS的用玩, 發燒友, 配件中仲有一條 6.5mm去RCA(母頭)可見其實廠方都應該歡迎大家插上大機以家中系統聽歌之用, 而 FLOW 全鋁製的盒子對防干擾效果做得非常唔錯, 小瑟上耳時冇底燥, 未有音樂時背景亦都算幾寧靜可目一班, 音質方面可能有機會同大家一較高下(呢個小瑟有時間都真係想想地試下^^”). 不過亦都眼目 FLOW 的設計比較貪心, 佢想做到多功能, 屋企又得, 出街都得, 雖然佢可以加一隻1TB大的HD係機身內, 但它又唔可以當埋音樂播放器用, 個1TB HD只係用來比 PC或Mac當做外部儲存裝置之用, 呢點最岩成日Notebook+DAC隨身帶既朋友會比較岩洗呢.
