每年去到9月, 我地一眾版管, 版主, 就已經開始籌備呢個一年一度的活動, 台慶已經去左酒樓好多年, 而我地不嬲都鐘意同夠膽試新野, 今次就係呢個十二週年台慶, 玩大佢, 去一個相信冇人夠膽博, 冇人夠膽學的的地方攪今年台慶, 而在我地決定用呢個地方之前, 其實都已經將今年預算人數大大減小, 因為呢個新嘗試, 新地點, 未必人人接受得到, 但我地就係希望玩新野, 玩D人地唔敢玩既野, 所以今年台慶最終就決定去左呢度……….杜老誌道5號The Tonno Bar(前杜老誌夜總會XD), 同一眾76既師兄弟妹們, Clubbing 一番呢!!!
大家先來睇睇【Post76 十二週年台慶版聚 (精華點滴) 】先呢.
今年代理送來的賀禮在 “斤兩” 上依然強橫。單是睇到當眼處的一大箱 Onkyo 全景聲組合套裝已見其分量十足。相信當時的中獎者必定要九牛二虎才可以順利將它帶返屋企。此外，其它林林總總的兩聲道組合、隨身聽周邊用品以及藍光軟件、CD 等都令人花多眼亂，所以負責盤點的版主及 Post76工作人員真是辛苦晒啦。
而我們的一眾好兄弟早在台慶前三個多小時已經在會場中為大家作準備, 好感動呢!!!!^^”
而亦都不少忠實的師兄妹們亦非常早已經到會場, 係呢間房自行吹下水先啦!!
距離活動開始的時間尚有 40 分鐘，心急的版友早以在接待處列隊等候，希望成為第一批進場感受當晚氣氛的版友。
而一眾會員們人人都先將台慶福袋拿上手, 唔好講野, 呢個福袋人人有份呢!!!!
入左場既老友們, 已經自動波地搵其他版友吹水啦!!!
台慶開幕
活動開始勒, 由Ken總同Wil總二位版管大人為我地十二週年台慶起動, 二位同大家先介紹一下我地既2014年玩左D咩同埋介紹我地今年開場片, 不如大家都一起來睇下我地今年既開場片有幾勁先啦!!!
之後由大王正式公布當晚的版聚活動正式展開啦 !!! 活動的頭砲當然少不了每年台慶的特備環節，全年活動精華以及群星道賀 Post76 12 歲生日的精彩片段啦。然而，以文字來表達始終難以投入，所以我們一於去片啦 !
Post76十二週年”士撈緊” – 玩樂連場●越戰越強
而當晚除了人人有份的抽獎環節之外, 我們還用盡場地給我地既設施, 大家都來搶先玩一下 “掟飛鏢”，為之後的大量體力遊戲熱熱身。大家都好認真咁”玩”架~~~XDDD
一輪 “小熱身” 過後，飲下野，食返多少野填下肚當然是不少得啦。當晚我地係以 Buffet 作晚餐, 不過因為大太多, 大家都等得比較耐, 呢點我地會留意, 下年一定會做得更好呢!!!!
人人有份幸運大抽獎正式開始
鬥快 Fing 波波
今年活動中不乏多個需要訓身完的有獎競技環節。當中最為贏盡在場人士歡呼聲與喝彩聲的一定要數鬥快 Fing 晒乒乓波的一個競技環節。此環節難得一見的地方是平時斯斯文文的版友能在霎那間展現出一份無比的投入和幹勁出來。單是憑他們每人額上的一大片汗水其實已經值得拎走一份小小紀念品。
榮幸請來 【Gloria 歌莉雅】擔任台慶表演嘉賓
另外台慶當晚一個重要的高潮位是剛舉辦個人首個迷你演唱會的 Gloria 在活動中為大家即席表演了多首大熱歌曲, Gloria一出場, 全場即時起哄, 大家都前呼後擁地大叫 Gloria名字, 將當晚氣氛推向高峰呢.
Gloria 一場來到，當然要為在場的版友擔任埋抽獎獎品，等版友可以從 “碟中人” 手上接過禮物，再來一張合照盡興一番。
繼續幸運大抽獎
經過 Gloria 的一番即席演出為 76 版慶牽起高潮部份外，當晚 “大獎得主” 的逼近也為活動的尾部帶來令人緊張的氣氛。
【76 台慶月壓軸呈獻】Post76 十二週年金耳朵台慶大獎
我地台慶活動又只止當晚有野玩呢, 我地當然都希望可以照顧到網上同網下的所有會員啦, 就係11月, 我地就聯同 PHILIPS成立了【Philips Fidelio 討論區】還舉辦了【Post76 十二週年金耳朵台慶大獎】, 大家係網上玩到日月無光, 天分地暗之後, 終於都成功進入頭10名金耳朵, 一來可以認定其金耳朵實力, 又可以有正正禮品, 你話做我地會員點會唔開心先????^^”
杜比Atmos大聲公
呢個遊戲顧明思意就係鬥大聲啦, 出黎玩既都出盡全力, 去到盡架!!!! 最後經過分貝表測出最高分就係沙王勒!!!!!
而當晚遊戲中, 我地 “Post76飛鏢”亦已順利出世, 就係由我地藍光版版主 Jason 奪得的呢. 而當晚有參加飛鏢王的所有參加者都會一人一份小禮品開心下呢!!!!
而緊隨就再當然就唔好比佢停, 幸福大抽獎再黎啦!!!!
【Post76台慶月壓軸遊戲 -《無聲的戀愛》微電影】率先玩
而當晚除了多項幸福大抽獎之外, 我們還舉辦了名為【Post76台慶月壓軸遊戲 -《無聲的戀愛》微電影】, 當晚就率先開玩, 我們現場即時誠徵版友即場玩埋一份, 睇下邊個估到個結果又估得最好果個就可以獨得 Sony A17高清播放器一部呢……當晚小瑟仲充當女主角比版友們”示愛”, 真係非常噁心呢!!XDDDD
等了成晚，多位大獎得主終於誕生啦。
當然, 當晚活動是全台所有版主同兄弟們一同努力之成果, 一定不可能以一般市面能買到的禮品作道謝，所以一件甚具意義的限量版 76 T-Shirt 就顯得格外無比珍貴。
台慶必影 – 大合照
活動結尾部分當然要有一張期待已久的大合照作結。一張巨型 Post76 Banner 在此刻除了代表這十二年來的默默耕耘外，也正好維繫 Post76 這個團隊對影音的熱誠及熱衷於分享第一手資訊的大無畏 “開箱” 精神。盼望來年能在這個基礎上再下一城，將 76 的 “開箱” 文化推廣開去。不經不覺 Post76 已經同大家經歷了十二年的快樂時光。見證著影音界由標清走向藍光高清時代，由 2K 走向 4K 時代。Post76 除了將生活、資訊與娛樂結合於一身外，更為影音的新手提供了一個入門明燈，在影音資訊氾濫的年代裡面起了一個啟導的作用。然而，Post76 能做得如此有聲有色當然是有賴各方版友能積極分享手頭上的第一手資訊以及勇於”試水溫” 推出開箱文的大無謂精神。這種爭先貼出實物圖的精神都令 Post76 多年都能擔任著影音發燒友、影音新手耳目的角色。
台慶花絮
