鐘意 Taylor Swift 原來數數下都有幾年了, 由《Speak Now》當時只係覺得佢好靚女開始, 聽聽下D歌又幾易上口, 到上次同大家介紹的《RED》大碟, 唔覺唔覺, 今次已經係第四次買佢既專輯, 上次《RED》就開始轉 POP 路線, 而今次《1989》, 完全正式進化到一個流行ICON, 而主題上提到”佩服”二字, 究竟洗唔洗咁誇張呢?? 其實小瑟係佩服佢呢次新大碟既安排……
話說依家人人都行串流既年代, 咁多個歌手只有個個沖哂上去串流MP3平台發歌, 以其增加曝光率, 增加唱片業碩果僅存的收入, 但去到2014呢個人人串流呢個年代, Taylor竟然一反常態, 新碟【1989】將所有的串流平台全部抽起, 間接”迫”大家買佢既唱片收藏, 好多人可能會話: 車, 好巴閉咩? 唔聽你大把歌聽……但係小瑟反而好開心, 因為係好多地方例如YOUTUBE呀, 收音機呀, 都聽到佢既新歌, 《Shake It Off》呀, 《Blank Space》呀, 但JOIN左KKBOX既小瑟就係等來等去都等唔到佢上架, 呢個感覺絕對另我返返去當年哥哥出碟, 校長, 梅姐年代, 周圍都聽到佢既歌, 但就係要買碟先可以聽到既”心痕”年代, 好呀, 好事來呀, 小瑟覺得雖然盜版MP3的確依照存在, 但老實講, 依家香港地如果唱片公司想攪呢D盜版既LINK, 其實真係好易, UWANST, DISCUSS, 一個MAIL過去, 仲邊有人夠膽唔做野?? 大陸果邊就冇得講啦. 所以係香港要搵盜版都唔係咁易, 大家又可能會話, YOUTUBE都可以轉MP3啦, 對, 冇錯, 要搵一定有的, 不過大家都係成年人, 攪咁多野都係想聽歌之麻, 不過正正經經, 比百零蚊買隻碟支持一下自己喜歡既歌手, 等佢地可以用心做好下一張專輯, 咁個樂壇先有野睇, 仲有好野聽, 而當今樂壇有邊個有呢個能力, 又有呢個膽量去抽起串流平台呢?? 答案依家只有Taylor Swift一個, 一個年僅26歲的女孩, 我唔理好多人話佢好多原因抽起串流, 但小瑟就係BUY佢, 因為佢可以另我有返買碟的激動…^^”
有關串流的報導可以到以下文章 :【76 玩樂樂壇推介】Taylor Swift《Blank Space》
https://post76.hk/news/?p=69591
講返隻碟先, 1989我諗大家都估到係咩意思啦, 就係女神Taylor出生年份 1989, 而呢隻碟曲風已經完全轉化成真正流行曲(其實當初D人話佢唱FOLK SONG我不大認同, 當然同依家曲風係好唔同就真既), 第一首《Welcome to New York》開始已經非常好聽, 小小電子音樂, DISCO節拍, 之後《Blank Space》, 《Shake It Off》其實都係例牌的好聽, 而另小瑟深印象的就是第10首的《How You Get the Girl》, 輕快節拍另人最想UN埋一份就係呢D, 其實既歌曲仲未細心聽哂, 不過呢隻碟點都好, 一定會係2014小瑟排行榜中必買之選!!!
Taylor Swift Performs “Shake It Off”
https://youtu.be/9_sBxqyX_co
Taylor Swift Performs “Out of the Woods”
https://youtu.be/PVAfR3QjFKo
