自從上次 Priscilla (陳慧嫻) 推出新專輯《BY HEART》時講過，要在「紅館」大做幾場大SHOW 後，慧嫻的粉絲都紛紛 Book 定日子、請定假，買頭位睇大SHOW –《Back to Priscilla 陳慧嫻三十周年演唱會》。而家望下個日曆原來已經系四個月前既事。心急又手快既粉絲而家都已經乖乖科水賣齊當晚錄製既 Full-Length (無刪剪) CD 版同埋剛推出既 2DVD “靚靚” 收藏版。《Back to Priscilla 陳慧嫻三十周年演唱會》Blu-ray 今日推出, 究竟慧嫻會有咩野想系呢個時候同粉絲講呢 ?!!
為左近距離一D 了解 Priscilla 系製作 / 籌備演唱會的幕後點滴同趣事，Post76 近日就應唱片公司既邀請同慧嫻作過一段短暫的交談，內容除左了解左佢係製作演唱會時的點滴外，更談及佢對未來音樂路的發展路向，內容十分有睇頭 !!!
可講下你在籌備及製作今次大型演唱會時的難忘經歷嗎 ? 如刻意操 Fit？
其實我為新碟 《By Heart》做宣傳時已經開市做密集式的運動同減磅。中途有營養師同有醫生 Keep 住監察我既健康狀況。在剛開Show 前我 Check 過我有百靚磅，同我預期中既 100 磅始終爭減D。不過，到我完 Show 當晚，我發現自己竟然剛好 100 磅，真係有D 估你唔到既驚喜。
然而，而家諗翻都過得太快、太急。記得臨開Show 前一個月的經歷係每天除食、睡就是瘋狂咁練習。而練習的總是間亦較原定的 40 小時增加到接近 80 個小時，絕對做翻80年代開 Show 的練習指標。講真，為減磅唔食我一定 OK，但唔「訓」我絕對頂唔到。個人就算訓醒都會 Hang Hang 地。所以應付呢類大Show的前題係我一定要有足夠既休息。
編曲／舞台安排方面你有無俾過特別要求／意見呢？
我除了要求要有「中式音樂」、「Opera」、「電子音樂」及「現代音樂」等要求外，其它部分我都交由監製／編曲等幕後要員負責。這除了系因為彼此依賴／互信外，亦係因為我十分欣賞佢地係新鮮感、新元素方面既新嚐試。 此外，為了與這 Team 新血演奏團隊培養默契，同令自己對新舞步更有信心，我更自己俾錢加鐘練習，務求令成件事十全十美。
為何只演「三場」，唔加碼多幾場 ? BD / DVD 既錄影其實係邊一晚既片段呢 ？
其實我地都有意多演幾場，做翻夠皮。不過，礙於場地Booking 所限，三場就是三場啦。至於錄影部分的片段全部都係有第一、三晚既Footage 剪輯而成。第二晚既 Recording 就以錄音為主。而我地全數的片段都係由Full HD 製作，剪輯過程我都有全面監督，所以所有好野都一定全數有齊！！！不過，唯獨係《千千闋歌》同 《Dancing Boy》兩首歌因為影像版全問題而只能以收錄於CD 版之中。有得聽聲都好過無呀…
講下邀請演唱嘉賓過程既趣事呀？點樣搵到學友做嘉賓既？
其實我本來無打算邀請任何大卡士既圈中好友做嘉賓既。不過在做Press Conference (記者招待會)時唱片公司堅持要請嘉賓撐場，但咁岩學友又黎唔到。結果係同學友 “度期” 間他就應承了係出Show時俾佢撐場，結果就成事啦。而你地片段中所見的一段台上對話其實事先全無夾過，所以甚麼「世紀之吻」其實都係Ｍood 到而做。比較可惜的係祖兒因版權所限未能係 DVD 及 BD 片段內出現，實在可惜。當晚無入場睇既而家就知走寶啦…
搞完咁大個Show 後，下步計畫會係點呢？有無諗過寫書／寫回憶錄 ?
寫書／寫回憶錄而家就未系時候。不過，心裡都有個「大計」就系襯而家精力夠 “拿拿臨”試多Ｄ唔同既表演方式，多學唔同既比演出元素，系 “下半場” 發力爆多幾翻！！！
後記／專訪有感：
訪問中慧嫻除了分享左演唱會的製作點滴外，也同我講起唔少樂壇及唱片業的轉變同個人經歷。比較過去的幾次小專訪，呢次絕對系最獲益良多的一次，在此我亦十分期待Priscilla的下半場能繼續愈戰愈勇，超愈上半場的輝煌成績！！！
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對>>本文章<<發表您的回覆啦^^”
>
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
