小瑟近日又身痕, 平平地入手左 NuForce一對四單元的動鐵耳機, 身價2K幾, 本來聽朋友講呢對野好唔掂, D聲衰到好似聽收音機咁, 但因為之前玩過NuForce既D-CLASS POWER AMP, 深信呢個牌子D野係有質素既, 見友人買左又話好唔掂又想放又剩, 小瑟唔信邪, 就以低過2K野二手入左呢對 Prime 8仔勒……..唔好問我幾多錢, 我係唔會答既~XDDDDDDD
未同大家講點玩呢對野前, 整個開箱照比大家睇下先……..(友人真係好野, 套野新既一樣, 咩都冇用過…..^^”)
Primo 8 會隨機送一套COMPLY耳綿, 不過以小瑟話, 佢都係用耳膠好D………
包裝真係好靚仔, 好華貴下!!
一開盒有一張抹布…….其實小瑟到依家都唔係好明究竟有咩用呢???
好一個NU, 不過我真係唔舍得插隻手指入去, 最後都係係側邊”了”開佢炸!!!XDDDDD
WOW, 終於見到真身, 一個皮套, 一對耳機, 中間果粒係…………之唔係”收音咪” 囉~XDDDDD
另外仲有好多不同配件, 好多耳膠同細轉大頭, 仲有一個比大家係飛機上用既插頭……..老實講, 其實真係唔多用…(我講小瑟自己炸XD)
老實講, Primo 8 呢隻耳機, 真係唔係咁易玩, 小瑟唔係講緊夾機, 而係就連帶上耳機, 小瑟都學左一陣…….可能我太蠢啦!!!! 以下小瑟就為大家作一個小子既示範, 因為呢隻耳機如果帶得唔好會成日鬆出黎, 但如果帶岩左, 就會FEEL到佢岩岩好CUP哂你整個耳位, 好FIT的, 所以小瑟覺得有必要比大家睇一睇究竟點帶最容易呢.^^”
1) 如左圖, 先將耳機以呢個方向插入耳道內.
2) 如右圖, 再將耳機連耳勾轉向勾住你的耳骨位, 正常就會FIT好你的耳位而唔會咁易鬆出來的呢.
第一聽感….
好勒, 小瑟就囉手上的 Sony Z2試聽一下先……..睇到呢度, 如果之前的你有係任何耳機店聽過呢對耳機, 而耳機店又冇作出RUN-IN的話, 相信已經大嘆出事了, 但正如小瑟主題講, 小瑟一早就知道呢隻耳機唔係人咁品, 如果唔係有心機去對待佢, 佢係唔會比好野你的, NuForce既產品就係咁, 任何野都係, 耳機, 音響, 前級, 後級, 咩都係要強煲一大輪先, 就好似之外小瑟出POST【呢對入耳絕對係小瑟有史以來最難煲的一對……】講, 呢隻真係小瑟有史以來最難煲的一對耳機, 就係咁, 聽左唔夠30秒, 好快就蚊返出黎換左對 Sony Z3上去……@@”
20小時之後
小瑟聽友人講, 佢已經試左係屋企煲左20小時左右, 但效果都係咁, 所以投訴了, 而小瑟之後就再用 Michael Jackson 的 Thriller 大碟 同 Burn in CD 快慢火咁再煲多20個鐘左右, 效果終於都叫做好小小, “收音機式音質”已經洗走7-8成, 終於都可以可以帶出街聽歌勒. 附上小瑟DIY或的SAMSUNG S3 OTG ->ADL X1 -> Primo 8仔 (見笑了!!!XD)
80小時之後
到呢個分享出黎之後, 基本上耳機都煲左80個小時以上架勒, 依家相信先同大家分享會比較公平, 小瑟最鐘意就係出街時拿著S3 + ADL X1來聽歌, 而呢個組合好處係小瑟可以下載 USB Audio Player PRO 來聽手機上24/96以上既音樂檔, 雖然都幾大件, 不過音質上呢個組合絕對岩哂小瑟口味. 講返隻耳機先, 係80小時之後, 小瑟估計聲音的效能已經有8-9成功力, 聽返24/176的MJ Thriller, 小瑟最鐘意佢一開始開門果下, 因為果一下最能表現出空間感同木門既質感, 8仔出黎既聲比到D驚喜我, 空間感有小小距離感, 小瑟FEEL到小小係身邊開門既定位感, 而8仔係音樂中的細碎位係做得幾好的, 平時要留心先聽到既結他伴奏聲, 係8仔上都High Light左出黎, 中高音終於都見佢有小成了, 但低頻方面可能係動鐵關係, 潛得未係好夠深同快左小小, 呢個有機會係小瑟用以 Run-In的 Burn in CD對中高會比較注意, 低頻就比較小左打理, 所以小瑟最終決定…………搵隻Round-Up又煲返佢30個鐘先.XDDDD
>
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對>>本文章<<發表您的回覆啦^^”
>
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***＞
