近日有上開耳機版的都會發現到各耳機 / 耳擴發燒友有正在討論 VentureCraft GO-DAP BXD 的進階玩法。其中更有位 “心急” 既巴打係行貨上架前寫了一篇「詳盡開箱文」, 詳細咁分享左「5階段調節」既 “實際” 玩法。有興趣睇返個為 CHING “毒文” 既玩家可直接 Click 入以下連結:
http://www.post76.com/x2/forum.php?mod=viewthread&tid=197488
講返發系發佈會的所見所聞。定價為港幣HK$2,999 的日製手提解碼耳擴 VentureCraft GO-DAP BXD 在外型上其實行返十分「正路」的硬朗線條。遠睇時十足一個「軍用酒壺」(有黑色 / 銀色 兩款可揀)。喜愛收藏古物的耳擴玩家應該會特別鍾意此類簡約設計。
接駁規格方面，此「軍壺」擁有傳統 3.5mm 耳機插頭同埋可兼容 TRRS 全平衡 2.5mm (balanced) 輸出。雜訊大減之餘，也一機搞掂晒所有主流插頭，唔洗擔心要左駁右駁 。而且，用慣大廠 播放器 / 耳機的玩家都可以在此機上一「吉」即用，感覺自然爽得多 !!! 而且，發燒友常用既同軸數碼輸出都可以係呢部機上搵到，接駁介面算係照顧得相當全面。如果你手上的耳筒 / 耳機 唔兼容「平衡輸出」，你更可以 “開蓋” DIY 更換芯片位置轉返做「非平衡輸出」，玩法絕對多變實用 !!!
據了解，VentureCraft 今次新耳擴的研發重點係放晒係 「功放(Amp)」、「解碼(DAC)」 同埋「微型化 Miniaturize」三個耳擴先決條件上，所以刻意將多種「專業音響技術」移值到呢部新機上，播放規格如 「32/192 升頻技術」同 「高精確數脈技術」等都會係 BXD 內搵到晒。 另外，佢亦專登為 AK 播放器系列添上了光纖數碼信號連接頭，從此 VentureCraft 就可以對應光纖輸入啦!!!
唔好睇佢細細部，以為「力水」麻麻。原來佢可以輸出最高達 200mW x 2 的強大推動力。支緩192kHz/24bit 格式等音訊就一定唔少得嫁啦…
然而，全機最焦點功能就一定係佢既首創既「5 階段調節」分離式線路調節功能啦!!! 此功能可對應 0 – 600Ω 阻抗力的耳機規格，一機玩盡所有耳機/ 耳筒，大小通殺 !!! 呢 Part 真係堅勁 !!! 對此完法陌生的版友不記得再 Click 返入本文頂部的教學連結，睇下CHING 點樣扭開四粒螺絲更換「阻抗版」啦 !!!
「拆件」後你不難發現，此機內置的音響級 「MUSES 8920 OpAmp」原件「早已」安裝在音量扭的右後方。據知高階玩家更可 DIY 升級 OpAmp 零件以將音質 提升至極致質數。唔識點搞的可以即刻上返 “Head-Fi 耳機討論區” 向其他 CHING 取經。
在活動中同場家映的仲有身價為 HK$369 的 VentureCraft 2.5mm TRRS 平衡輸入插頭。此頭的精妙之處在以「防短路/ 絕緣」原理提高訊號清晰度。其全日製, 以 1/1000mm 高精確度加工 (一般接頭為 10 倍精確度) 都係平衡輸出的必備配件啦…
試聽有感:
活動中小記以 V-MODA XS 耳筒作第一身試聽。ADELE 的一首 Someone Like You 試出了其高音延伸力的精妙處理力及分析力。而曲中的中音部分及人聲都相當栩栩如生。空間感及三頻音場亦十分開陽自然。
而小試的第二首曲目 ， MJ 的 Xscape 在節拍、細碎配樂細節以及人聲的分離度都相當高。信號清晰度、強度都更勝於上一首曲目。未知是否與撥放器的輸出效能有關呢 ?
小結:
日製手提解碼耳擴 VentureCraft GO-DAP BXD 無疑在連接介面、”推動力” 以至在價位 / 性價比上都十分到位。如果你之前對耳擴一竅不通，但又想試下。呢部新耳擴絕對值得推薦，一定唔係伏 !!!
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對>>本文章<<發表您的回覆啦^^”
>
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
