當年成功將漫畫人物《蜘蛛俠》轉化為「有血有肉」真英雄的哥倫比亞影業最近又一次為Reboot 的《蜘》系列添食。新系列大 Sale 主角 Peter Parker 的「身世」及其父親 Richard Parker消失的秘密。單係聽起上黎就絕對劇力萬鈞。但未知「內情」又係點既呢 !?
故事:
有睇過預告片的影迷會以為今集《蜘2》的焦點終於落返去蜘蛛俠–彼得 (安德魯嘉菲 飾) 既身世。但點知今集又一次如首集般大玩蜘俠 「情歸何處」。逼Peter 在「承諾」與「感情」間作抉擇。係有d拖 !!! 但拍得都算搞笑抵死 !!!
新鋪敘手法有別於舊系列「能力越大、責任越大」的 「下下要講捨己為人」。而《驚世現新》、《決戰電魔》兩集所描寫的情感都較上個系列細膩，走出了為 Uncle Ben 的「復仇」氛圍，算是一套具「新口感」的重啟系列。
而且，女主角 – 愛瑪史東 (飾演桂恩) 又在電影中與現任男友 (兼男主角) 安德魯嘉菲在銀幕上「「公然耍花槍」。算是打情罵俏起黎都不算造作。滑稽得來煙韌 !!!
值得一讚的是今集開場部份的氣氛節奏終於似返大片應有的簡潔明快。單是幾句對白、幾個 Key Shots 已交代晒「蜘蛛俠」老豆–李察柏加的真正身分。絕對與首集做到一脈相連的「連戲」。而飛機倉內的李察柏加與歹角的失重混戰都做得相當「肉緊」，效果不下於《夜神起義》開場的劫機戲。
另外，緊隨其後的一場 「劫匪逃亡」飛車戲都拍出氣勢，令蜘蛛俠的出場來得「好狠勁」之餘，也不失搞笑 !!! 而且，此集耐唔耐黎個「慢鏡」都突顯作蜘蛛俠飛騰時的凌空感，令觀眾能一同感受到其飛躍失重 Feel !!! 感覺堅正 !!!
然而，本片在片長、新角色的建構上頗為失衡。情況如同當年《蜘蛛俠3》 (2007)。電影公司越想加快節奏、加多枝節，套片就更不倫不類。片中所謂勁敵 –「電魔」 (占美霍士 飾) 、「小綠魔」 哈利 (戴恩迪翰 飾)、甚至一頭一尾殺出來的 「犀牛」，無疑都係為續篇 「Sinister Six」鋪路。而夾硬將所有所有「衰野」質晒俾「奧企」(奧斯龐企業) ，未免真係有D 「偷雞」，即使照原著改編都難以令人感 「收貨」。
畫面 / 聲效:
打正 4K Mastering 的《蜘2》在畫質上無咩野可以再挑剔勒。背景、前景的距離感不俗。單是蜘蛛俠首次出場的背影都見到其尼龍質料戰衣在氣流下抖動的細緻清晰。街道上路人的面孔在日光下都顯得十分傳神細膩。而3D 畫面亦強化了「蜘蛛絲」、「電絲」飛射出來「兜口兜面」感。
聲效上， 「電魔大鬧時代廣場」一段試出蜘蛛絲飛射出黎既「定位感」同蜘蛛絲發射器的「細緻高頻」。而「電廠」一段就可以試出電魔放電時極具逼力的低頻。壓避感相當之勁 !!! 有靚「十仔」必試此段 !!!
總評:
哩套《蜘蛛俠 2 : 決戰電魔》口埤雖不及十年前個套「八爪魚」續篇。但勝在動作場面夠爽，男女主角夠煙韌，暑假睇藍光碟，呢套又係冇野講，必入啦。
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對>>本文章<<發表您的回覆啦^^”
>
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
