今年2014年, 最唔習慣就係冇左KEN哥在現場, 不過佢家人貴為教育界既一份子, 都冇法子唔係呢個暑假去充電一下, 不過下年………點都到我NO SHOW一下勒卦…..XDDDDD
講返今年2014年先, 首先小瑟係度多謝咁多位兄弟姊妹一同去為呢件盛事作報導, 今年做得比較辛苦, 但好好彩, 我地依然有一眾對76不離不棄的一班義勇軍人員為是次影音展作出仗義的幫助, 係度小瑟好希望可以逐一多謝咁多位的, 首先一定係全日訓身演出的 Angie 岑日珈啦, 之後就貴為導演, 編劇的Wil總勒, 攝影及制作的 Andy(OOPS)都真係超級辛苦, 因為佢返去剪足三日三夜都冇咩點訓過, 先可以咁快比到大家睇到咁多片段炸, 真係超感激. 而義勇攝影部隊仲有岩岩傷好既九爺 同Sonson, 加埋電玩版Chris(肥狗仔)都為左影音展當日拍攝左好多靚相同靚片比大家欣賞的, 大家睇相式睇片時, 都一定要加分加分比佢呀!!!! 而耳機界方面, 我地仲有二位Head-Fi版版主 Hiroyi 同 Jason既遊記都為各位未能親身去到現場而生色不少呀. 當然仲有幾位勞苦功高的協力人員 祺哥(245141525), Kenneth(Einstein), Fung(Fungl)同埋我地76特派記者 Hugo, 都係現場為左做報導, 專訪, 不停東奔西跑, 任小瑟魚肉, 如果小瑟當日有過份指示既話, 希望幾位多多包涵, 還望恕罪呀!!!
在此小瑟再三向咁多位當日台前幕後既好兄弟, 好朋友作最尚高的敬意, 希望下年或者可見既將來, 我們又可以借個機會, 一同干一番大事, 同心協力地為咁多位支持 Post76既朋友提供有更多好野睇同毒野玩.
另外小瑟想講既, 今年本來原意係想同會場撞到既76好友都影張合照放上FORUM的, 不過最尾小瑟都係覺得影到相既朋友太小了, 如果下次再有機會, 麻煩大家唔好怕羞直接叫小瑟影相啦好嗎????
而當日超級辛苦既當然一定要數沙王勒, 佢比小瑟點左幾轉上上落落, 又做專訪又要睇場, 真係無言感激…….
最後要多謝既, 當然就係一直支持我地整個 Post76團隊, 日日都上黎同大家吹水, 分享同睇我地報導既您地啦, 多謝你地既支持, 有你地既支持, 我地先會有原動力做得更好. 最後最後, 我地制作團隊 MasterMix 就為大家奉上【2014香港影音展精華片段及NG片花】來為今次影音展作個總結, 期待下年我地再黎玩過, 兄弟們, 你地好野~~~~~
>
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對>>本文章<<發表您的回覆啦^^”
>
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***＞
