上個5月時份, OPPO就強勢地推出了佢地既監聽級組合, PM-1 磁振平膜耳筒及 HA-1 耳機擴音機, 而發布會當日, 小瑟都有出席活動, 仲親身試過其”監聽級”既威力所在, 而今個星期六, 我地就聯同OPPO舉辦了【OPPO 監聽級耳機耳擴體驗會】, 大家係咪已經參加左活動, 諗住到星期六時再同一眾76既好友再三試玩呢套勁野呢?? 仲有幾日先到星期六, 不如今日小瑟就同大家黎個開箱文, 等大家都可以熱身一下先啦!!!!

↑ 唔知仲以後係買左部OPPO既藍光機返去添, 二部機個盒都咁大既???@@”

↑ 我地先黎開個 PM-1比大家睇下先啦!!!

↑ 囉走耳機個大箱, 原來個底係…………………

↑ 呢個套仔用牛仔布做, 如果唔想帶出街整花個耳機, 記得要有一”套”呀~XDDDD

↑ 好勒, 返返來睇下個真身先………….痴哂線, 個盒靚仔到呢…..唔知以為自己買左古董返屋企~~~@@”

↑ 耳機線包裝得非常仔細, 睇埋佢個頭先!!!!

↑ 鍍金端子是常識吧!!!XDDDDD

↑ 唯一呢個電鍍位好易食到D指紋入去……..變左成日都要抹呢!!!~_~

好勒, 睇完 PH-1既箱之後, 當然就係要開埋 HA-1啦, 事不宜遲, 睇野勒喂~~~~!!!!!

↑ 盒內當然有埋電源線啦, 不過一般小瑟都會無視呢條線的呢!!!XDDDD

↑ HA-1 真係可以用周身刀, 張張利來形容, 就連藍芽都支援埋, 仲有咩好講先??? HA-1既藍芽仲支援 aptX 技術, 呢個技術係可以讓藍芽以接近「無損耗」（Lossless）的方式將音訊傳到器材上, 邊個話藍芽唔可以有靚聲架??? 不過暫時呢個 aptX 技術係對應手機層面上, 就只有Android既陣營可用, 而iPhone既用家, 相信 iPhone 6就有可能用到, 因為 MAC OS已經支援, 咁可想而知, 要支援呢個技術應該都唔會太耐既事呢~!

↑ PAT PAT……係個個開箱都最緊張的, 小瑟又點會小左呢張相呢????

↑ 之所以話HA-1係一部超多功能同超抵食既器材, 你諗下, 一部Class A既前級, 真平衡線路, 有USB DAC解碼, 又有光纖同軸輸入, 仲可以有埋PRE-OUT RCA 及 BALANCE 輸出, 仲要有埋藍芽輸入, 仲有得輸????

唔好講咁多, 整個合照比大家睇下先!!!!

↑ 有留意呢部機都知道, HA-1 有三個不同HOME SCREEN比大家玩的, 你想玩邊款都可以, 都幾過引架!!!!

↑ 當然信源輸入介面都非常親民易用呢!!!!

好勒, 小瑟一早已經將所有歌仔入哂去部NAS內, 呢個時間, 當然就係用部NAS既USB 直接插入部HA-1上……………煲下佢先啦!!!

試玩小分享

小瑟試左其實都係一個星期左右, 一來時間唔多, 二來又要趕住比 Hiroyi版主玩玩部機, 所以小瑟只可以分享返小小玩呢套機時既感覺. 因為套機上小瑟手, 都真係全新咩都未煲過的, 小瑟第一次插, 來試聽一下 24/192 FORMAT的 Hotel California, 一開聲……….唔係掛…..咁平凡既?? 完全聽唔到當日發布會聽出黎既感覺既?? 樂器既分離度同距離感冇哂既?? 就係咁, 小瑟就囉隻煲機天碟Burn in CD, SET成不斷重覆, 就係咁, 每日返工時就開著, 收工休息一陣, 到訓交又煲佢, 就係咁玩左三日, 之後就用Haydn String Quartet in D, Op. 76, No. 5 – Finale – Presto來試多一次……今次成件事對辨哂, 小瑟聽既係, 小提琴一拉出黎, 成個線條, 成份質感, 同未開煲時, 完全係二個完全唔同既世界, 原來小提琴一開始時, 每一下既尾, 會有一下回弦聲, 好細聲好細聲既, 平時係喇叭聽真係完全聽唔到, 而之前用咁多耳機聽呢首音樂時, 真係唔會咁留意到呢一下, 最好笑既係, 係第一次聽到呢下回弦聲時, 小瑟仲以為屋企唔知邊度有聲, 拉開耳機來反覆聽左好多次, 之後先確定原來係由耳機發出, 因為佢出果下回弦聲真係好似係小瑟身後發出, 好有距離同空間感, 小瑟一早都明白, 開放式既耳機係空間感上係完勝既, 不過聽過咁多套不同既開放式, PM-1係第一對另小瑟需要RECONFIRM究竟係屋企環境發聲定係耳機聲, 諗起都覺得好恐怖呢!!!!!!

總結

其實小瑟都仲有囉套機來當前級咁聽歌仔, 手機KKBOX STREAM過去聽又試過, 不過因為時間有限, 真係未能好認真咁試聽, 而今次呢套耳機+耳擴合共其實都係2萬數既中位數, 以呢個身價出到呢個”功能”+”效果”, 絕對係唔洗點考慮啦, 如果各位兄弟想進入呢個Hi-End耳機既界別, 想入呢個無邊毒海既你, 二個選擇, 第一係就直接入手, 事關一套機, 咩都玩哂, HA-1 純A類, 真平衡, USB DAC, 又藍芽, PM-1, 開放式, 平面振膜 (Planar Magnetic) 驅動單元, 仲想點??? 第二, 星期六來自己親身聽下, 音響既野, 唔親身聽又點知岩唔岩你呢??? 好勒, 廢話小講, 星期六約埋你!!!!!

星期六活動號外: 早前, OPPO香港代理送出左六隻【24bit/192kHz 的發燒試音碟 – OPPO Promotion Disc】比小瑟, 用來玩遊戲, 小瑟怕煩, 唔好攪咁多野勒, 呢六隻碟不如當日就係【OPPO 監聽級耳機耳擴體驗會】度, 每場送出三隻比大家, 等大家都可以囉返屋企既器材慢慢試啦!!!!

一句講哂
星期六OPPO 監聽級體驗會見啦!!!!

 http://www.post76.com/x2/forum.php?mod=viewthread&tid=192830

 有你既支持，就係我地最好既推動力，齊齊參與

「有玩、有FUN … Post76.com」

<

歡迎進入我地論壇對>>本文章<<發表您的回覆啦^^”
>

*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***＞