昨晚係九龍灣展質中心『The Metroplex 星影匯』既開幕典禮暨電影《竊聽風雲3》首映，小瑟就同 Ken 總及 Wil 總一行六人，去『The Metroplex 星影匯』欣賞呢場開幕暨首映禮，而呢日當然就有哂戲中咁多位既主角一同現身來睇首映啦！！
《竊聽 3》除了周迅之外，葉璇就係另一個非常有戲份的演員，而佢既演出絕對將本片帶上一份神秘感呢。而《竊聽 3》呢部咁剛陽味重既電影，巧妙地運用了女主角的原素來為本片加入更多可變性的元素，另女主角不再只是花瓶，導演值得一讚！
《竊聽風雲 3》講乜?
電影係講述新界丁權制度間接令新界村民有機會成為一個超大型既地旌項目既明爭暗鬥，而戲中演員都真係粒粒勁人，個個實力，青雲，古仔，吳彥祖呢個鐵三角唔在講啦，周迅同葉璇在戲中既表現亦都非常出眾，尤以周迅一幕另小瑟非常驚喜其演技真係超掂，而方中信，曾江，黃磊，林嘉華（華哥），家棟，達哥都入木三分演活了整套電影，而黃奕呢個角色小瑟就覺得有一點大材小用了，不過點都好，呢套戲都係 2014 年度其中一套入場必睇既港產大片，而《竊聽》系列去到呢集，雖然《竊聽》已經去到《竊看》既程度，雖然係好高科技同好高《偷竊》味，不過呢個玩法，又冇第一集的《竊聽》來得咁神秘同咁另人有＂防不勝防＂既恐慌感，但如果以一套鬥智鬥力既電影來講，《竊聽 3》已經另人覺得十分滿意，而睇完本片之後，小瑟更加有一股衝動想即時購入三套《竊聽》系列收藏收藏呢。
講返「The Metroplex 星影匯」先，小瑟今次係第一次到「The Metroplex 星影匯」睇戲，佢地總共有10個院，我地睇首映既係第一院，呢個係全院最大既一個影院，上齊杜比全景聲ATOM 56.7喇叭，係睇《竊聽3》時，而場中仲有震動座位，係加強低音震撼性上真係非常到位，而ATOM系統對於細微位真係可以做到非常仔細，例如落雨聲既細緻度直頭感覺就係一粒粒雨都可以聽出位置來，的確非常過引。而係未開場前，星影匯的業務經理仲帶我地行左個圈，了解一下星影匯既場地，我地有機會同大家詳細報導一下啦！
關於星影匯（The Metroplex）
星影匯於2014年開幕，位處東九龍核心地帶，
地址: 香港九龍灣展貿徑1號九龍灣國際展貿中心地下
網址: www.metroplex.com.hk
>
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對>>本文章<<發表您的回覆啦^^”
>
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
＞
Post76 主辦 – 2014 年第一件非常重大嘅盛事 … 撐 76 嘅你又點可以錯過!!!
進入【愛泳兒 LOVE FEVER 音樂會】專區睇下有咩新野啦！
