DSD 音樂檔聲靚係發燒友都知，不過就唔係人人有器材可以玩到，而近年 Pioneer 在支援 DSD 檔方面都做得非常完善，早前其入門 AV 擴音機 SC-1223-K 竟然都引入可以直播 DSD，令到一眾鍾意係屋企睇戲炸機，又貪心想聽靚聲 DSD 的玩家多一個選擇。
Pioneer 近年除了高階機種LX系列支援 DSD 直讀之外，原來其中階擴音機 SC-1223-K 都係開正呢範，全面支援 DSD 解碼播放。玩家只要將佢同個人電腦以USB作接駁，即可為 DSD 音檔進行解碼，播放極為分析力的細膩音樂。而且，它亦擁有 PQLS Bit-stream 功能（上代需要 LX 系高階機材支援），可大大減低數碼訊號傳輸時所發出的抖動情況，有效地保留檔案本身的原真性。補充一下，DSD 音樂檔是 SACD 的錄音格式，故在音場及內容豐富度上都比過去一般 CD 所用的 PCM 格式為佳。所以現時 DSD 音檔都成為了各合法網站下載的搶手大熱。
以一萬不到的中階售價而言，SC-1223-K 可算是交足功課落足料。Dolby® TrueHD / Dolby Pro Logic IIz / Dolby Digital Plus 解碼 及 DTS-HD Master Audio / DTS-ES / DTS Neo:X 解碼一一落齊，7.2 聲道，輸出功率 (200W / 聲道)。而且它在播放固有音頻格式上也十分完備，能 AIFF、Apple Lossless、WAV、FLAC、MP3、WMA、AAC 等多款時下常用到的音頻加密格式，又可利用 Hi-bit 24 音頻處理技術將音訊升頻至24bit，令Bit-rate較低、音色較粗糙的舊歌可以「重生」，以較清晰效果示人。最後，其 PQLS Bit-stream 技術都令抖動 (Jitter) 現象可盡量減少，使播放音色能更流暢自然、音場更為剔透傳神。而影像處理方面，SC-1223-K支援現時最流行的4K升頻及直出，採用 Qdeo™ 處理 1,080p/24fps 升頻，配合 Triple HD Noise Reduction 可減少雜訊，從而另影像質素提高。
今日我地就由二位靚女嘉賓 Alge 同 Debby 同大家一齊試下係尖沙咀K11地庫下的 AV Life – Prestige 店測試一下呢部 SC-1223-K 究竟咩效果啦!!!
未試機之前，當然就要 SET 返好部機先啦，順便入去同大家睇睇 Pioneer SC-1223-K 既 MENU 先。
第一時間其實一定用左 Pionner 最出名既 MCACC 先啦!!!
做好自動 MCACC 設定之後，當然就係用返自己套架生再調調佢啦。
基本上設定返喇叭音壓同距離就可以了，我們希望測試到跟大家買回家之後以自動設定後的效果，所以唔會作再三設定呢，這樣先可以營造跟玩家們一同的效果呢。
基本設定好之後，就快快測試一下先，測試當日以最新港版藍光碟《捍戰大平洋 2D》作測試。
AV Life – Prestige 7.1 測試
sc-1223-K 支援最多 7.2 聲道，而我們當日就只以 7.1 輸出到 KEF-R900 前置及 Q600C 中置喇叭，重低音就以 R 系列的 R400b及 KEF T 系後置，測試男女主角第一次合作作戰段落，其低頻下潛及質量屬於埋身但輕型一類，估不到一部中階價錢型號的擴音機可有此等控制力，而其定位分析力，效果走位中的中高頻細節也相當傳神飽滿，絕對承繼了 Pioneer系的＂快＂，＂準＂傳統。當去到大動態，高聲壓爆機位時的情況下，sc-1223-K 都保持著穩定水準的音色控制力，在 AV Life – Prestige 此等廣闊的測試區內，推動前面三隻都唔野小的 Q 系喇叭，都有此狀態算交到功課了。另外值得一提，SC-1223K 對畫面的優化的確不俗，我們欣賞的電視是近期最流行的 4K LEDTV，由 SC-1223-K 作 4K 增線令畫面在此等寸數下還可保留細節度及豐富立體感，如果你都已經加入了 4K 的陣營，絕對不會白白浪費了4K超高清電視的超高解像度呢。
Model 嘉賓點評
Algie：我自己本身都好鐘意睇戲的，平時都會係屋企睇下戲，今次試左呢部機，先知道原來係屋企都可以有好似戲院咁既效果，真係好震撼，好真實呀。
Debby：之前在戲院內都有睇過這電影，但感覺就沒有今次的緊張刺激，如果有人會送一套比我就好了。。。。哈哈！！！
小結
SC-1223-K以官方建議售價 HK$9,800 來講，的確在中階價錢機上功能做得相當完備，連最流行的 DSD 格式都可以直接解讀，絕對增加了 AV AMP 本身的可玩性，再加上其 MCACC 的自動音場設定其實對新手及老手應該都會是其貼心的設計，對於一眾繁忙工作的影音玩家來講，就算只用其自動設定都已經可有不俗的效果，唯一需要留意的是 Pioneer 的高音較＂尖＂了小小，呢個問題有朋友十分享受但亦有朋友覺得圓滑一點比較好，而筆者屬於後者，所以自動設定後，都需要在設定MCACC的EQ中作一點調節，降低一點（10K—20kHZ）的位置，就已經可以接受。
>
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對本文章發表您的回覆啦^^”
http://www.post76.com/x2/forum.php?mod=viewthread&tid=177874
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
