小瑟好耐都冇同大家作藍光”小”評勒，不過呢套真係要出一野，小瑟絕對唔係「日系特攝片」迷，小時候亦都唔會追看『鹹蛋超人』『乜乜戰隊』卡通，但小瑟亦都知道，「日系特攝片」在香港的勢力非常之強大，今次呢套荷理活＂打怪獸＂電影，相信對一眾食開日本＂特攝片＂奶粉大既香港人來講，應該都十分過引呢。
是次港版藍光由三隻光碟組成，分別為3D電影內容，2D電影內容及幕後花絮各一隻，扎扎實實，以2D碟片為例，40.5GB容量，沒有多餘的收錄，所以今次港版藍光的畫面，絕對可說得上是示範級別。
電影《悍戰太平洋》雖在劇情方面有所規限，但影像和聲效方面則集過去的「日系特攝片」於大成，將鹹蛋超人的「拳拳到肉」式打鬥帶到「高達大戰哥斯拉」式的壯觀場面，單係聽聲睇畫已回本。
故事: 7.5/10
由於《悍戰太平洋》的故事背景實在太浩大，所以以兩個多小時的片長來計，人物的背景設定，心理交代、關係建立等方面都只算是中規中舉，仍有筆墨可花。例如「機甲獵人」 Jaegers的科技意念，異獸 Kaiju的蟲洞原理等其實都可以「大吹特吹」，發揮一下大片編劇本色。然而，片中菊池凜子 (飾演Mako) 對男主角 Raleigh (查理亨南 飾) 的一份「單戀」情懷都未有作充分的描寫，另人有一點不明所以，就係始終都唔明白，點解女主角一開始已經對Raleigh會有一份特別的＂情意＂呢？當然其後大團圓式開花結果都令整片添上一份小品愛情的味道，還算可以的呢。 最後值得一讚的是，導演Guillermo專登以「心靈合一」的操作方式鋪排兩位主角的情感互動，都令角色背景來得流暢自然。而《悍戰太平洋》的場景故以香港為主，亦另一眾港產戲迷加添多一份親切感，當然大家都知道係假的，但話係自己地方開片，點都覺得過引同投入呢。另外在網上亦有留意好多老外都取笑本片非常白痴，十分無稽，呢個小瑟個人認為就是文化差異了，相信呢套電影係亞洲市場來講，應該都算係唔錯的，因為大家早已睇慣２０層樓高的機械人同怪獸打來打去，打爛哂Ｄ屋同所有建築物，所以直覺上覺得係真有其事，絕不白痴呢！！！！ＸＤ
３Ｄ畫面與亞凡達齊名
《悍戰太平洋》在2D / 3D 畫面細節上完全交足功課。細節位如「機甲獵人」身上的污跡、銹跡、油漆退色在中、遠距離鏡頭上都能清楚辨認到,尤其在睇3D版本時，景物同機械人既對比分明，而燈光既色彩更加另畫面非常豐富。而怪獸的皮膚、尖牙、利爪在3D 情況下也顯得相當逼真，揮低晒不少荷理活特技片中＂膠怪獸＂既效果。此外，片中大部分暗景在全高清收錄下都做得十分明亮細緻，感覺也比戲院數碼放映版來得悅目生動，如果亞凡達的3D係示範3D最好既藍光，我個人會情願囉呢隻來做測試呢。
聲效值95分
聲效上的震撼絕對會係2013年藍光表現最好的頭三位，配上DTS-HD Master Audio音效格式為主要聲效，係眾多打鬥場面中絕對大派用場，而最正既當然就係可以讓家中SUB仔不停＂活動＂既感覺啦，不論低頻下潛力、音場飽滿度、音場定位細節和零碎聲音方面，都十分到位，如果你係低音狂，小瑟握介你最正必試一定會是小Mako 在日本獨自逃亡的一節。當中怪獸的步伐聲，其低頻一定另你睇得十分過引，加埋怪獸既尖叫，呢段絕對係挑戰大家家中器材既一段份試環節呢。
碟三花絮收錄
花絮方面，碟三擁有約兩小時之影像收錄 (全部都有中文字幕，算係咁啦)。其內容除了一般的導演導評、製作特輯外、導演手記及「機甲獵人與怪獸」互動資料都是導演Guillermo分享製作點滴的慣用手法。
小總結
電影上映當日，小瑟的確好想走入戲院睇呢套電影的，不過自從細仔出世之後，要照顧二個小朋友既小瑟真係有時都身不由己，好難抽身出黎，依家小瑟睇戲都係等小朋友訓哂先有機會睇，而精神方面通常都係想訓想訓咁先有時間開套戲睇下，呢套《悍戰太平洋3D》版係近日一套難得另小瑟越睇越精神既一套電影，尤其小瑟第一次睇就睇3D版本，立體感，色彩，對比度，細緻度，真係好多年都冇睇過一套另小瑟好有衝動要出返個REPORT的港版藍光碟，雖然在劇情上有不少地方都幾講唔通，好似係男女主角想＂合體＂而將軍又唔講咩原因係都唔比咁，可能小瑟蠢啦，我睇唔到有一個好強既原因要禁止Mako做操作員（唔會就係因為怕佢會控制唔到自己而走火卦ＸＤＤＤ），但本片既創作意念和動作畫面設計，都另觀眾有不錯既觀能刺激，小瑟由細到大都絕對唔多睇「特攝片」的，因為一來真係好假，二來真係投入唔到，但《悍戰太平洋》呢套電影就另小瑟看得津津有味呢。
>
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對本文章發表您的回覆啦^^”
http://www.post76.com/x2/forum.php?mod=viewthread&tid=177166&fromuid=4
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
