本來一早已經寫好一篇後記, 不過擺擺下, 好似講D野唔係咁岩聽, 所以最後一個字都冇要到, 決定再打一篇, 轉一轉個心態, 都係同大家分享一下今年2013年小瑟對影音展既一D小睇法同埋集合返今次我地兄弟們為76付出時間既報導總結就算了!!!!! 哈哈~~~~
今年成個場好明顯地, 影音界走向二極, 一就係隨身聽, 二就係CAS音響, 三就係4K TV, 呢三個界別可以話係大場中既支撐重點, 當然例牌每年軟件方面都有”收視保證”支持啦. 而今年我地都係搵左Grace做我地既靚女拍檔, 由佢同大家一同遊影音展, 真係非常開心的呢~~~\^_^/
Post76 直擊 2013 香港高級視聽展 — 開幕視頻報導
當拍好第一條片之後, 我地就第一時間埋返位, 快快手剪條片UPLOAD上76既新聞中心先, 大家睇下Grace幾緊張咁睇返自己既演出!!!!^.^
一大早我地除左拍好個超短既OPENING之後, 就係去左軟件區, 同大家八下有咩好野, 唔講唔知, 首先就由Ken哥同 Grace去左得利既鋪位, 介紹一下先, 之後就去到環球唱片啦, 唔講唔知, 淨係環球個位, 我地都用左成個鐘去拍, 老實講, 時間真係太長, 下年唔可以再係咁呢~~~
其實講返呢段都幾好笑, KEN哥本來都唔想出黎講的, 不過因為係76-FriendClub福利, 不過因為佢係我地76唱片部大佬, 所以佢冇位走架勒, 呢個任務一定係交比佢呢~XDDDD
因為今年我地唔希望拍咁多分開介紹既片, 所以我地就決定只將會場分開二段來帶大家行街街睇下D重點, 不過因為時間真係非常有限, 加上當日突發事情勁多, 所以仲有好多鋪位我地都未有可能以VDO介紹, 唯有請其他兄弟以圖片及文字報導一下啦! 我地就不如先黎睇下今年我地首次以呢個方式去拍片介紹今年既影音展既效果係點先啦, 我地就黎左軟件方面既行街街先, 之後就到硬件勒!!!
【視聽展特備節目】76同你行街街之 — 軟件篇
去到呢度, 大家唔知有冇睇到Ken哥主演既內容, 而呢段就係當日既爆笑NGg片段…..大家細心欣賞啦~XDDDDDD
【視聽展特備節目】76同你行街街之 — 硬件篇
2013 香港高級視聽展 – 南鵬科技 Kordz 專區 (視頻介紹)
而係拍攝當中, 我地就得知有個空檔可以搵到岩岩係影音展中表演完既 歌莉雅 Gloria係後台同我地做一個簡短既訪問, 於是乎, 我地就一隊人即時殺落去同 Gloria做左個訪問, 雖然今次訪問係比較短, 不過我地都係希望可以係第一時間就比大家了解到當日 Gloria既造形同埋新碟既一些分享呢.
2013香港高級視聽展 –歌莉雅 Gloria 演出後台(視頻訪問)
就係訪問完 Gloria之後, 我地Ken哥一行攝制隊就係途中, 巧遇馬浚偉先生岩岩去環球鋪去了解一下當日情況, 我地當然唔會錯過呢個機會, 捉住佢來同大家影下相, 順便訪問一下佢啦~~~XDDDD
2013香港高級視聽展 — 突發專訪馬浚偉先生(視頻訪問)
其實, 我地既一日影音展報導, 去到呢度已經差唔多7點鐘了, 做過第一年影音展就會知道, 其實第一天既時間過得非常之快, 而今年我地就好好彩, 好多兄弟都幫手去做好報導比大家分享, 而第一天我地都走訪左幾個不同既品牌, 同佢地既負責人做左幾個合簡單既訪問, 睇下佢地今年既方向同之後產品方面有咩新野可以比用家一D沖擊.
【2013 視聽展專訪】- 黑膠唱盤王者 JR Transrotor Dirk Rake
2013 香港高級視聽展 – Sim2 之首日新品發佈會盛況
【2013 視聽展專訪】- Cambridge Audio 之新品營銷理念前瞻
【2013 視聽展專訪】- QED 即將推出革新 HDMI 線材
【2013 視聽展專訪】- Audioquest 之新品前瞻
小瑟本來都諗緊好唔好出呢個後記，因為做左二年呢種方式既報導，其實自己都冇咩機會可以睇野，因為一開始就拍片既拍片，做訪問既去做訪問，小瑟埋首做剪 片，預備訪問時間，攪下呢樣，攪下果樣，話咁快時間就已經去到六點，六點之後更加唔洗講，好快就八點，如果你問我，今年有咩好野，小瑟的走馬看花式睇影音展，著實我自己都錯過左好多野, 不過就好明顯隨身聽, CAS音響, 4K已經成為左今年影音展既主流, 而睇埋各大廠方既負責人分享之後, 更加覺得未來係無線影音串流既世界, 依家市場事實就係咁, 人人都會有一部囉得出街既手機, 可以以無線睇戲同聽歌, 再可以夾埋囉返屋企都有高享受呢個大方向已經係市場上未來必爭既戰場, 而各廠方未來一定會向呢個方向進軍, 未來, 大家手中既手機, 應該好快就會成為左一部可以連接家中影音系統既串流MEDIA BOX, 呢個玩法, 依家已經開始緊, 只係仲未可以玩到HD咁解呢。
而影音展之後, 我地已經一早約好一眾76既師兄弟們, 近近地係德興整個邊爐宴, 希望可以借呢個每年一次既聚會, 順個便又同大家食返餐, 吹下水, 不過好可惜, 小瑟岩岩小病初癒, 條聲帶就好似D卡式帶咁, 食左帶, 攪到講野都講唔到, 但見到大家都開開心心咁傾返當日既所見所聞, 同埋當晚仲有埋James呢位星級影音專家係度, 大家話題絕對係可以話係講極都唔完呀……..(係我冇野講, 因為講唔到野姐!!~_~).
最後, 小瑟希望可以借呢個機會, 再三多謝今年影音展一眾眾志成城為76既各位兄弟們, 佢地全部都係不問收穫, 只求為76, 為大家將第一日既影音展既內容, 以各種方式送比我地全站既讀者, 我地雖然唔係真正專業既影音雜誌, 我地唔會做出好似AV雙周, HdAV, AV Magazine, 什至係主辨單位音響技術般專業的報導及分享, 不過我地全部都係希望可以以我地每個人既一分力量, 盡力地為76作出報導, 所以小瑟一定要係再三向咁多位既兄弟, 致萬二分既敬意, 排名不分先後的包括有: Edmond, 毒峰(Fungl), Keith兄, 沙王(Einstein), 雷總, Mankoo大哥, Kenneth(Mankoo大佬老友), Muffy老弟, 九爺, WE300B(車神), CYY, HUGO, KEN哥, WIL總. 同時亦都多謝所有有份提供優惠比我地一眾76師兄弟槳們的代理, 參展商以及所以支持我地今次報導既各單位, 最後當然就係要多謝一路支持我地76既一眾網友, 老友, 師哥們啦, 有你地既支持, 我地就有動力去再做好D為大家作出分享. 今年既影音展去到呢度就正式報導完畢了, 我地下年再見啦~~~^^”
>
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對本文章發表您的回覆啦^^”
http://www.post76.com/x2/forum.php?mod=viewthread&tid=168775
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
