小瑟身邊唔小身痕友的, 就係LG G2正式發售第二日, 就已經入手, 而小瑟見到呢部話題手機, 聲稱標榜可以完美播放24bit/ 192khz 既音樂檔, 我地身為全港最鐘意玩新野既影音玩樂網, 當然第一時間迫借比我試下啦, 係度真係要鳴謝一下呢位老友記先得!!XDDDD
係呢個手提隨身聽盛行既年頭, 隨身聽市場已經進入左戰國時代, 全球無一同音樂有關既品牌都一定會參隻腳埋來, 睇下有冇機會係未定形既市場上分一杯, 除左聽歌既產品盡出奇謀爭取市佔之外, 身為大家日常生活一定要”跟身”既智能手機又點可以企定定係度唔做下野呢, 就係咁, 近日新出的LG G2同即將見街既 Samsung Notes 3, 都不約而同的以支援 Hi-Fi音效 24bit/192KHz 解碼為賣點之一, 希望可以等一眾對音質有要求既朋友(即係好似我地一眾76友呢XD), 可以做得一機走天涯, 咁究竟呢部LG G2又可唔可以真係做到呢個任務呢???? 等小瑟同大家分享一下玩左二日既個人感受啦!!!!!
G2外型既另一個特別之處, 就係將開關制同音亮+/-鍵革命性地放左係機背, 有人話方便左, 有人話麻煩左, 小瑟就只係玩左部機幾日, 呢個改變都可以接受的, 不過就要小小時間習慣, 同埋有時都幾怕握唔實部機去按, 咁就大………….鋪勒!@@”
而G2既機身尺寸, 竟然係同我部Sony Z係同SIZE, 真係一模一樣, 不過就係咁先衰…………~_~
衰就衰在, 同一尺寸機身, G2既MON SIZE竟然係大過我小小, 大家千萬唔好睇小果小小, 就係呢小小, 整個觀感同時代感就比G2嬴哂, 你知啦, 依家TV都講超SLIM, 薄邊, 部機大得來唔好有邊就最型, 呢點G2真係做得好好, 另外屏幕方面, 小瑟係 IPS同TFT係直接對比之下…………..唉, 唔好提勒!!!!!!~_~
好勒好勒, 唔好再著眼D唔開心既野勒, 依家手機半年一代, 我部 Z 其實已經已經完成左歷史屎命架勒, 依家Sony 都出左 Z1, 唔好再諗埋D無謂野勒, 不如開開心心試返個24/192罷啦!!!!~~~__~~~
24bit/192kHz – Hotel California
呢首經典老歌應該好多人都已經擁有, 而小瑟不嬲都只可以係電腦上先可以聽到, 因為唔係咁多機可以 SUPPPORT到 24/192既file, 而今次終於都有機會可以係手機上測試一下24/192既 Hotel California, 事關IE80都算係非常易推既一對中階耳機, 所以係G2上其實佢都算輕易就可以應付到, 小瑟都唔需要開到最大就可以聽得返平時既音亮, 歌曲一開始既結他聲, 仔細有序, 雖未可以話每粒音都出得哂黎, 不過以手機來講, G2可以話唔係好覺有底燥既問題, 中頻人聲尚可, 不過有小小痴低, 但以手機直出來講, 佢都算係合格有餘.
24bit/96kHz – 愛的輓歌
相信好似小瑟咁, 80-90年代係我地青春既時光, 呢首愛的輓歌絕對係經典之一, 每次聽落都必定會有既家既畫面浮現出來既, 原唱鄭秀文版固然正斗, 不過去到2012年, 歌莉雅呢個版本就有埋24/96 HD版, 對我地呢D又愛聽歌又想高質既麻煩友來講, 當然係唔會放過啦, 而係G2上播放呢首歌時, 音樂感比較平淡, 但人聲非常之出, 歌莉雅好似”烘”到好埋同你唱歌咁, 始終24/96既FILE都真係多好多細節位, 係呢方面, G2都可以比到出來的.
總結
G2比到小瑟係聽歌方面, 應該可以用”四平八穩”, “交到功課”來形容, 話哂佢都係首部可以食到24/96以上FILE既智能電話, 就係呢點已經可以加佢分先啦, 再加上以手機聽歌來講, 佢背景真係非常平靜, 未可以講佢冇底燥, 但絕對修飾得好好, 應該係佢既聽歌PROGRAM EQ上下左D苦功的, 總括來講, G2係一部冇味精, 唔修飾, 有咩出咩, 個FILE本身數據係點, 佢就會出咩比你, 但咁樣就會小左D感情, 比較上淡口小小, 但如果你係只會用手機聽歌而又想聽好聲D既話, 呢部G2你絕對應該一試, 不過有一點要提提你, 佢要食24/96以上既FILE, 一定要用返佢個聽歌APPS先食到24/96以上既FORMAT, 如果你係聽開KKBOX果D或其他聽歌APPS既話, 例如POWERAMP既話, 24/96既歌曲就唔可以欣賞到HD既FORMAT架勒!!!!
另外有一樣宜得一提既, 就係G2既電真係好勁, 小瑟 RESET左友人既手機, 再INSTALL返哂平時用既APPS好似WHATSAPPS, LINE, WECHAT, FB, 76APPS, 之類既野, 再好似平時咁由日頭返工到收工返到屋企, 平時用 Z 已經得返10%以下, 而G2竟然可以只用左1/3既電量, 而最終我只係差左一次電就玩足二日先自動熄機, 佢都算幾好野!!!!
>
有你既支持，就係我地最好既推動力，齊齊參與
「有玩、有FUN … Post76.com」
<
歡迎進入我地論壇對本文章發表您的回覆啦^^”
http://www.post76.com/x2/forum.php?mod=viewthread&tid=169965&fromuid=4
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
