1993年6月30日, 一位應該係由天國落到凡間, 比左好多好多, 就算係依家聽返都仲覺得好新鮮, 好ROCK, 唔會OUT既音樂之神 -【家駒】, 正式離開左我地, 返返屬於佢既天國, 唔經唔覺, 咁快就已經20年, 唔係講笑, 依家聽返佢隻最後遺作【樂與怒】, 真係好似出左唔係好耐, 仲係依家電台PLUG緊既新碟咁, 果份新鮮感, 果份經典, 果份另人莫名的UN身UN勢, 對小瑟來講, 依然新鮮, 雖然佢走左20年, 不過每逢想搵歌聽, 而現今樂壇又冇咩歌好聽之際, 小瑟就一定會不期然囉返 Beyond既碟來聽, 命運是你家, 早班火車, 點解點解, 海闊天空, 情人, 好多好多歌曲, 都真係百聽不厭………
而家駒雖然走左20年, 不過佢既精神絕對不死, 而小瑟亦都好希望我既下一代都會同我一樣, 聽到家駒既歌唔會覺舊, 唔會覺OUT, 雖然依家小瑟個女4歲炸, 不過佢已經識唱海闊天空架勒, 而我既細仔7個月人仔, 我有時TUM佢訓交開音樂, 都會聽命運是你家架, 又唔知點解, 佢又真係好快訓著, 可能D音樂真係好正, 佢好陶醉所以訓左掛~XDDDDDDD
不過點都好, 小瑟可以講到依家為止, 雖然我細個都有好多不同既偶像, 哥哥, ALAN, 靜香, 但去到今時今日, 仲係會成日囉返D歌出來聽既, 真係得Beyond一個, 其他既都會有, 不過就一定冇家駒D歌咁耐聽呢…..
有時都好感慨, 如果家駒仲係度, 我地依家應該多左好多正歌聽, 又或者我地可以講, 香港仲有自己既音樂, 仲有可以另人耐聽既音樂, 歌詞中言之有物既音樂, 不過事實始終佢係已經返左天國…………好彩依家INTERNET好方便, 我地隨時都可以睇返好多家駒以前既片段, 文字, 今日, 我地就一同來繼續懷念呢位, 對我地人生有不同影響, 不同啟發既一代永恆巨星 – 家駒…….祝你在天國愉快!!!!!
BEYOND九三年五月從日本回來接受訪問
https://youtu.be/s8OzRj70Pgs
黃家駒感動出殯片段
Beyond – 海闊天空MV
https://youtu.be/RkwXm7HLA1k
Beyond Live1991生命接觸演唱會
https://youtu.be/-tBNWfphYqM
不死傳奇 – 黃家駒
我地【吹水區】今日仲會由祺哥來為大家洗一洗Beyond版呢!!!!
http://www.post76.com/x2/forum.php?mod=forumdisplay&fid=4&page=1
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
