昨日睇新聞，無記話政府最好可以去到 2015 年先一次過將續免費電視牌照同新牌照同一時間進行，換句話來講，即係拖到 2015 先有機會有新電視台既牌照發出，此舉絕對係擺明要拖死王維基的【HKTV 香港電視】。。。
不嬲小瑟都有 ＬＩＫＥ【HKTV 香港電視】的面書專頁既，今朝一開面書，就見到大大個王維基，手執一個 LIKE，希望由市民去表達對香港有更多既免費電視既訴求 (見下圖)，內容講咩大家自己睇勒，小瑟唔多講，我只想呼籲大家，如果大家都仲會睇電視既，不妨自己去 LIKE 一下佢地，仲叫埋身邊既面書朋友 LIKE 埋佢地，比個 LIKE 又唔洗錢，但一個 LIKE 對【HKTV 香港電視】呢個已經成為電視台但又唔可以廣播比大家睇既電視台來講，一定有幫助。
早二日 FACEBOOK上，佢地就叫人 Like 過 5,000 就會放 D 劇集片花比大家睇，小瑟就睇左其中一套，叫【警界線】，10 分鐘短短地，就好似睇加長版預告咁，感覺幾新鮮，演員都幾特別(林嘉華，智叔，周俊偉，林 利，姜皓文)，好多平時都唔可能係 TBB 見到既人都會係度出現 (睇呢套野好似睇緊林超賢 D 戲咁 XD)，而劇情都尚可，套劇好有電影既手法，但以電視劇來講，感覺制作認真得多（聽講佢地一集成本 100 萬，而 TBB 就 20-30 萬左右），但勝在真係呢Ｄ題材同手法，根本就冇可能係 TBB 出現，講多無謂，大家睇睇最實際。
https://youtu.be/H561wTHAnlY
小瑟去過呢佢地個網站，另外仲有好多其他類型既劇集，其實都好值得支持，老實講，我地做觀眾既，其實真係想多 D 選擇睇，大佬，睇來睇去都係 HD TBB、J2、TBB，三個台，真係只會另人對睇電視既興趣一直向下，香港都比左咁多年獨大一間公司勒，依家點都係時間引入競爭讓香港既電視水準同質素可以有返一定既吸引力吧，況且，以王先生經營 HKBB 既例子，我相信佢既加入，只會令香港電視界再次成為全球華人最吸睛 (眼睛) 的又一焦點呢。
【HKTV 香港電視 – Facebook專頁】
https://www.facebook.com/hktvnetwork
>
歡迎進入我們的影音玩樂討論區發表意見.
http://www.post76.com/x2/forum.php?mod=viewthread&tid=159102
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
