其實之前玩耳機時, 只係用音樂播放器直出耳機時, 聽歌有時都會開大聲小小, 但高音方面就會有小小 “標” 既情況, 而低頻方面亦都比較欠缺左細緻既彈性, 所以小瑟就想加多一隻耳擴比佢, 為既就係希望可以係控制力上做得更好. 而小瑟不嬲都係品牌行先, 好簡單, 信心問題呢, 坊間有不小耳擴出現, 但大牌子既絕對唔多, 係上年 8 月時留意到 Sony 都會推出佢地首部自家耳擴, 外型仲非常靚仔, 就係咁, 小瑟就早已經聯絡了 Sony 方面, 希望可以借到呢部耳擴一試, 但因為當時日本都未正式推出, 所以只好一等再等 ………….
直到近日香港 Sony 方面終於都聯絡小瑟話可以借部 PHA-1 比小瑟試玩, 仲話會送來其他 Walkman 可以比小瑟玩埋, 有野玩, 小瑟當然唔會 Say No 啦, 就係咁, 小瑟就有埋 Walkman F806, PCM-M10, MDR-1R, MDR-XB920 耳機, XBA-40 耳機, 當然唔少得主角 PHA-1 啦, 就係咁, 小瑟一時間變身成為不折不扣的 Sony 人勒~~XDDDDDDD
PHA-1, 係網上睇相時, 見佢一身黑色拉絲鋁合金機身, 感覺非常硬淨, 亦都有助防止諧震而影響訊號變質. PHA-1 用上 24bit 的 Wolfson 中高階 DAC 晶片 WM8740 晶片作解碼, WM8740 既性格對中頻既優化另人聲更甜潤有不錯的表現, 亦可直接為iPod同電腦解作碼, 而接駁電腦之後, 仲可以支援24bit/96kHz 的音樂FILE.
面板前有一對大大隻既耳臂, 包左半個 Volume 鍵, 呢個設計都幾有心, 小瑟出街玩左幾日, 呢對耳臂就有效防止左唔小心HI 到個 Volume攪到突然大聲左好多呢. 另外就 3.5mm AUDIO IN 同 耳機位都係係前面板的.
後面就有一個訊源選擇制同二個 DIGITAL IN 輸入位, 大家看圖識字都知如果你插左邊個位就要轉呢個輸入先會有反應啦 ~~^^”
之後側邊仲有個 GAIN 位可因應不同耳機既阻抗來調校高低, 設計非常有貼心呢.
除左可以囉出街當耳擴之外, 仲可以當埋電腦 DAC 之用, 真係一舉兩得喎. 不過大家要留意喇, PHA-1 只能用其內置電池, 當佢關機之後, 如果插住 USB 的話就會自動差電, 不過一著機聽歌就會停止差電功能, 所以大家想用佢係電腦上作 DAC 的話, 呢點就要留意喇!!!!
三個組合測試 + 一個玩家 + 一個專家
今次因為借左咁多部 Sony 野, 除左小瑟有興趣入手之外, 咁岩小瑟老友艾域 (大家有睇每星期既 E 雜誌, 一定知邊個啦 ~XD) 都有興趣呢部 Sony 型仔耳擴, 就係因為咁, 小瑟玩完之後, 就比左艾域玩下, 而測試時因為太多野玩, 反而忘記左將 IPC 加入測試之列, 到記得時已經借左部機比艾域玩了………..~_~, 不過大家可以放心, 呢部PHA-1 絕對係全面支援 I 系列既所有機種的.
今次測試PHA-1, 就係首次係報告內除了有小瑟既玩家角度, 仲會有埋艾域既專業角度, 究竟得出黎既聽感又係如何呢~???
小瑟測試一) Sony Walkman F806 + PHA-1 + XBA-40
首先試下《古巨基 – Guitar Fever》中的《眼睛不能沒眼淚》, 由 F806 直出, 基本上都比較簿同埋出唔到呢首歌最殺食既結他聲中的 “拉弦聲”, 再加上 PHA-1 聽, 今次整個音樂感豐富左好多, 樂器既層次完全有條理分明, 暇重要既係, 小瑟聽聽下越鈕越大聲, 身邊的太太仲拍左我兩下, 問小瑟係咪”聾”左, 開到咁大聲, 但係呢個咁大既音壓下, 係古 SIR 把聲開始有小小標之外, 整首歌既紋理依然健在, 唔會聽到炒埋一碟咁, 呢個同力水既控制係有絕大關係的.
艾域測試一) Sony Walkman F806 + PHA-1 + MDR-1R
小瑟測試二) Sony Xperia Z (智能手機) + PHA-1 + XBA-40
今次試下小品野 【Olivia Ong – Fall In Love With Olivia】中的 Sometimes When We Touch 用手機聽歌, 尤其 Andriod 系既手機, 小瑟不嬲都話有小小燥味的, 不過去到Sony 呢部 Z 出黎比小瑟既印象開始有小小改觀, 之前小瑟係【Sony Xperia Z (二天個人用後感!!!)】都有同大家分享到, Z就咁聽歌係以手機來講, 已經係絕對收貨的 ……. 越講越遠添,不如講返個呢個測試組合先, 呢首歌只係 Olivia一把聲, 加兩枝結他, 如果將 Xperia Z 以 3.5mm Analog 接上 PHA-1 耳擴之後, Olivia把聲即時厚返不小, 雖然都係比較乾身, 不過就冇剛才 Xperia Z 直推出來的乾涸感, 依家反而變得係好似 “DETAIL到好透” 果隻乾身, 同埋佢既口水尾音舒服左好多, 唔會吉耳, 而結他方面的弦音質感亦變得生動返不小, 起碼聽得返有小小弦線感, 聽起來比之前舒服左好多呢.
小瑟測試三) Sony PCM-M10 + PHA-1 + XBA-40
今次到試下星洲靚聲代表 【陳潔儀 – 重譯】中的 【追／今生今世】用 M10 來直推 XBA-40 聽呢首歌, 其實都真係冇咩好挑剔呢, 聽左一段之後, 小瑟就插返上 PHA-1 試聽勒, 開場的鋼琴聲尾韻多左厚左, 而陳潔儀一開聲, 厚左同實左, 人聲甜潤吸引, 但而反鋼鐵既尾韻有時就有小小過厚, 另到整體氣氛濃左小小, 但係靜態位上, 背景干淨左靜左, 呢點都係幾明顯的.
總結
Sony呢部自家首部便擕耳擴 PHA-1 以外型設計來講, 真係一貫 Sony 作風, 未知打唔打得前, 都真係非常之睇得先, 而呢部 PHA-1 的確係力水既輸出同音色既取向上, 都應該是以平衡同原音作定位, 呢點小瑟估計係 Sony 既工程師係設計 PHA-1 時就係希望以” 還原原音” 為目標都唔出奇 ……… 而呢部以官價來講都只係 HKD$3,980 既一線日本品牌耳擴來講, 絕對值得推介的.
活動號外!!
今次除左小瑟以玩家身份作測試之外, 仲搵埋艾域一同玩呢部耳擴, 咁樣玩法小瑟都係第一次, 而係測試既過程中, 小瑟同艾域都有同一個個疑問, Sony自家出既 Walkman, 點解條線竟然係 Sony 頭出 3.5mm 以 Analog 既訊號輸出到 PHA-1, 而唔係好似IPC 咁, 以 USB DIGITAL 咁將數碼訊號比 PHA-1作解碼呢??? 反正 PHA-1有個咁好既 DAC 晶片??? 呢點小瑟都有向 Sony 產品經理請教過, 不過佢地都非常神秘咁只係話呢點亦係廠方特登咁設計的, 仲話呢個答案會係我地攪 PHA-1 活動當日, 再話比我地知究竟係咩一回事, 另外仲提及活動當日先同我地分享呢部 PHA-1 係設計時既一 D 鮮為人知的技術問題, 真係攪到小瑟非常期待. 咁都仲未夠, 我地仲可以請到艾域同大家分享選用耳擴一些必要須知、配搭耳機時要留意事項同不同檔案格式, 到底又會係音質上有什麼影響等等實用資訊, 到時都會一一同大家分享, 一個又有得玩又有野學既耳擴活動, 仲唔快 D 去以下網址 CLICK “我參加” 報名?? ^^”
>
Sony PHA-1 便擕式耳擴體驗日
http://www.post76.com/x2/forum.php?mod=viewthread&tid=153123
>
歡迎進入我們的影音玩樂討論區發表意見.
http://www.post76.com/x2/forum.php?mod=viewthread&tid=153679&fromuid=4
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
