小瑟之前係科林開PO同大家傾開, 究竟IE80有冇咩廠線可以換既呢? 點知大家既答案都係叫小瑟”不如換左個耳機佢, 就一定最有效果XD” 雖然小瑟都認同換線都一千幾百, 不如賣左隻IE80佢, 換一對耳機, 得返來一定成個聲底唔同哂, 但小瑟聽歌真係好濫下的, 有時會聽下 R&K既小品, 有時又會聽下學友仔既”寂寞的男人”, 有時仲大鑊, 連LADY GAGA 同 BEYOND既爆ROCK都岩我的, 而當日一聽手上的IE80之後, 就比佢既豐富既低頻吸引到, 小瑟依家開始物色中價耳擴, 希望可以出街時都可以有一個唔錯既音樂聽下, 就係因為雜食, 所以始終都係對IE80″低頻炸得”呢下野, 仲存有一點幻想……
不過聽大家講, 原來 IE80係冇廠線的, 大家都叫小瑟上去兆萬18樓LABKABLE, 試下有咩好野………唔講大家可能唔知, LABKABLE同76雖然已經有多年合作, 不過……..小瑟其實係一次都未見過佢地, 一次都未上過去架, 小瑟只係一路以EMAIL同電話同佢地傾夥架炸, 所以呢日到訪LK總壇, 其實都有D緊張呢~XDDDDDD
第一次店訪
小瑟第一次上去, 一入去, 見到壇主Peter哥, Peter哥做緊野都好客氣地招呼了小瑟一下, 仲交換左卡片, 小瑟見Peter哥有客忙緊, 就話唔洗招呼勒, 你做埋野先啦, 之後小瑟就好唔客氣地, 囉住部相機呢度影, 果度影, 唔睇由自可, 一睇就閉家火, 原來上面咁多毒野架……NEOTECH電源線, 耳機線, IPOD USB JUMPER, 信號線, 各式各樣既3.5mm 接線, 銀, 鍍銀, 單晶銅, 五花八門, 林羅滿目, 目不暇給, 小瑟越睇越驚, 呢個時候, 小瑟腦海響起小瑟同雷因大師既一段說話……
小瑟: 雷總, 星期四陪我上 LABKABLE睇 IE80線丫….
雷總: …………你都痴痴地線既, 呢D地方我唔去架…
小瑟: 下……洗唔洗痴線呀?? 咩事唔去咁嚴重呀??? 上面黑面架??
雷總: 呢D地方, 去親都跌錢, 我唔可以再癲落去架勒, 我上親去最小唔見幾K的……
就係因為咁, 小瑟呢次就只可以獨自上路呢……而上到去, 亦都明白雷大師點解會咁大反應, 因為真係好差毒的…….XDDDDDDDDD
小瑟睇到呢炸 JUMPER, 差小小……真係差小小…..就問Peter哥咩價…因為小瑟隻 XQ10 仲係用緊KEF既原裝JUMPER炸, 好彩, 理性戰勝左野性!!!!!…..@@”
毒物出場
大既影左10分鐘相左右, Peter哥已經做好手上既野, 囉左個盒出黎, 一次過囉出三條線……………..擺明就係要將IE80條原裝線置諸屎地啦~XDDDDD
以上三條線分別係(左起)【八芯單晶銅線材+Viablue 3.5頭 HKD$@xxx】/ 【鍍銀線+Viablue 3.5頭 HKD$!xxx尾】/【OFC銅+Viablue 3.5頭 HKD$*xx】, 呢三條線長度都係1.2M長度, Peter哥一黎就上中下三路比小瑟, 好明顯今日小瑟唔跌錢一定落唔到樓呢, 不過小瑟上得黎, 都已經預左破地獄架勒~~~黎啦~~XDDDDDDDD
小瑟今次只係帶左一部IPC上去做測試, 原因係因為小瑟個人覺得, 如果換線來講, 係冇任何既AMP或補品既幫助下, 只用 IPC 直出如果都打動到我, 咁將來再升級加埋AMP或其他玩線上去玩, 就一定會更夾到自己既口味需要勒. 好, 廢話小講, 即時每條線聽下佢既分別先!!!!!
三線實試
【OFC銅+Viablue 3.5頭】- 呢條線係最多人入手既一線, 聽Peter哥講, 玩IE80既朋友多數都會入呢條, 原因係C/P值高同埋合理, 隻IE80都係賣2K幾野, 好多人都會搵返條幾百蚊既線喂佢, 咁樣係比例上會比較易入口D, 亦都係呢條線最好賣既原因. 小瑟今次用上張學友【有個人】中的【寂寞的男人 WAV檔】作測試, 一開聲, 音場SHARP左小小, 空間感比原裝線通透小小, 而學友把聲出來就比較上厚, 小小痴地, 音樂層次上分離度比原裝線好, 不過提升既重點唔係好岩小瑟既口味. 所以試左30秒左右就換線勒!!!!
【鍍銀線+Viablue 3.5頭】- 呢條鍍銀線, 千到尾既, 線身比OFC硬同粗, 但線身織法非常獨突, 小瑟囉過條線出街, 見到友人竟然一眼就認出係L記出品, 好野! 小瑟再開返同一首【寂寞的男人 WAV檔】來測試, 一開聲鋼琴一段空氣感明顯再三提升, 學友仔一出聲, 頂, 成個人好似企前左成步咁, 非常到位, 人聲同樂器既分離度非常有層次, 學友仔把聲唔算太厚, 但好甜好潤, 岩岩好, 好岩小瑟既FEEL, 正!!!!!
【八芯單晶銅線材+Viablue 3.5頭】- 最後就到呢條八芯單晶銅出場勒, 線身勁軟, 拿拿林插來試試先, 同一設定, 同一首歌, 比鍍銀果條音樂定位明顯小小, 人聲就甜得來潤澤性更好, 音樂感比鍍銀既要豐富, 因為定位準左, 音樂既分離度可以聽得出樂器既位置, 如果講聽慢歌, 唔聽POP 同ROCK 既話, 呢條真係非常岩聽!!!!
最終入選係…….
最後, 小瑟都係選擇左【鍍銀線+Viablue 3.5頭】果條, 原因好簡單, IE80都只係2千幾蚊, 如果買條線夾佢竟然仲貴過隻 IE80, 小瑟真係過唔到自己果關, 其二係小瑟會聽POP 同ROCK, 有時EASON 果D嘈嘈閉既歌小瑟都會聽, 所以反而如果太SHARP太DETAIL, 同IE80既性格玩低頻唔係好夾, 再者, 單晶果條同鍍銀呢條約係相差10-20%左右既效果, 小瑟係信奉C/P值既玩家, 唔洗諗啦~~~~XDDDDD
臨走時, 見到呢條專比HD700用既線, 小瑟都不知幾想問Peter借來玩……不過第一次店訪, 冇理由走去問人借野咁老土架~XDDDDD
>
歡迎進入我們的影音玩樂討論區發表意見.
http://www.post76.com/x2/forum.php?mod=viewthread&tid=152730
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
