新年前，小瑟希望可以帶埋部大機５Ｄ３出街，同Ｄ仔女影下相，唔好下下用手機影咁冇味道，但又唔希望下下都返到屋企再囉張卡出來係電腦慢慢過相咁麻煩，知道依家好多ＳＤ ＣＡＲＤ都好興有埋ＷＩＦＩ功能，心想都好喎，影好左Ｄ相可以即時ＳＨＡＲＥ係面書又好，係ＩＰＡＤ睇返都好，點都好過用手機啦，就係咁，就扯起左買ＷＩＦＩ ＳＤ ＣＡＲＤ既念頸勒。
５Ｄ３有二個ＳＬＯＴ位，一個ＣＦ ＣＡＲＤ，另一個係ＳＤ，真係岩到冇可再岩，ＣＦ ＳＡＶＥ ＲＡＷ，ＳＤ ＳＡＶＥ ＪＰＧ，另小瑟覺得５Ｄ３呢二個ＳＬＯＴ就好似為呢個ＷＩＦＩＳＤ而設的呢！！！！！
先來睇睇實物圖開箱分享先。
坊間仲有好多不同牌子既ＷＩＦＩＳＤ ＣＡＲＤ，不過買得呢Ｄ高科技野，都係搵大廠比較心安理得呢。有事起上黎，上去ＣＳ應該都多人理Ｄ卦。ＸＤ
內附二張快速教學，平時小瑟都唔會睇的，不過今次真係要睇睇，因為真係完全唔知究竟呢Ｄ野點玩呢？
估唔到咁細細張ＳＤ內，又可以有３２ＧＢ係入面之外，仲可以有埋ＷＩＦＩ功能，點解會咁架。ＸＤＤＤＤＤＤ
之後小瑟就用部ＩＰＡＤ下載左個ＷＩＦＩＳＤ專用既ＡＰＰＳ先。
ＩＰＨＯＮＥ
https://itunes.apple.com/us/app/wi-fi-sd-for-ipad/id555927203?mt=8
ＡＮＤＲＩＯＤ
https://play.google.com/store/apps/details?id=com.transcend.sjc&hl=zh_TW
好勒，唔講多，即刻將張卡插入小瑟既５Ｄ３，咩都唔洗ＳＥＴ，開機，等３０秒左右啦，之後開著部ＩＰＡＤ個ＷＩＦＩ，好快就可以見到一個名為＂ＷＩＦＩＳＤ＂既ＡＰ（ＡＣＣＥＳＳ ＰＯＩＮＴ），之後當然係ＪＯＩＮ入去啦，而個ＰＡＳＳＷＯＲＤ好簡單：（１２３４５６７８），就咁入去左勒。
連好線之後，再開返岩岩裝好係ＩＰＡＤ上既ＡＰＰＳ，之後就會出到以下畫面，一步一步帶你去設定，不過通常第一次都唔知ＳＥＴ咩情況下，你大可以唔ＳＥＴ住，因為其實所有既ＳＥＴＴＩＮＧ都可以係之後既設定內ＳＥＴ返的。
而小瑟就比較多手，一黎就自己設定左一個新既ＷＩＦＩ卡內的ＳＳＩＤ，用７６ＳＤ－ＷＩＦＩ去取代卡內本身果個ＷＩＦＩＳＤ。不過呢一步，大家唔洗跟我的。
當連好線之後，係個ＡＰＰＳ內按＂瀏覽＂咁就可以進入到相機內既ＳＤ卡架勒。
即時試下影一張相先。
係ＡＰＰＳ內，搵返你ＳＡＶＥ相既ＦＯＬＤＥＲ內，就已經可以即時睇返張相了，都咪話唔過引呢！！！
而係呢個時候，張相其實都仲係只係張ＷＩＦＩＳＤ卡內，未正式下載到ＩＰＡＤ上的，大家大可以睇岩邊張先選擇邊張來下載，咁就唔洗浪費手機或平板既空間啦！！
另外ＡＰＰＳ內亦有一個叫＂隨拍即看＂模式，呢個模式即係你一影好張相，佢就會自己ＳＨＯＷ返你岩岩影張相出黎，都幾過引架，不過親身測試過之後，就覺得呢個功能其實唔多夠用，因為個ＷＩＦＩ信號基本上都唔會好遠，約２０尺左右既位置，張卡同ＩＰＡＤ就已經接收唔到了。但如果係屋企玩聚會，囉呢個功能來玩下，一家大細即時睇相，尤其有小朋友，Ｄ小朋友係會好開心的。ＸＤＤＤＤＤＤ
而呢張卡係有二種模式的。
即時分享模式（Direct Share）：呢個就係頭先小瑟做示範比大家睇既ＭＯＤＥ，一開機一定要用呢個ＭＯＤＥ先的，因為要ＳＥＴ好哂Ｄ野再可以做其他野架麻。但呢個ＭＯＤＥ既唔好處就係只可以二部機連線，唔可以將相片ＵＰＬＯＡＤ上網，有用冇用就人人不同，不過小瑟就好小用呢個ＭＯＤＥ勒。
網際網路模式（Internet Mode）：另外一個就係叫做網際網路模式（Internet Mode），呢個有ＭＯＤＥ即係話將你張ＷＩＦＩＳＤ卡，加入家中或任何既無線ＲＯＵＴＥＲ的登入資訊，包括ＳＳＩＤ同ＰＡＳＳＷＯＲＤ，咁當張卡開機時，就會自動搵你預先設定好既ＡＰ做連線，再經由你已經連好線的ＲＯＵＴＥＲ將你既相ＳＥＮＤ出ＩＮＴＥＲＮＥＴ，不過到呢個時間你就會問勒，我又點可以控制到張卡ＳＥＮＤ咩相同點睇返Ｄ相呢？？答案好簡單，只要將你部手機或平板電腦，ＪＯＩＮ埋入去同一個無線上網ＲＯＵＴＥＲ度，咁咪可以控制返張ＳＤ睇相同ＳＥＮＤ相囉，哈哈！！！！
但呢個方法，其實都幾唔方便，係屋企就話易搵到無線ＲＯＵＴＥＲ上網呢，但係街又點呢？答案係…………..將你部手機或平板電腦，開啟ＩＮＴＥＲＮＥＴ分享功能（WIFI tendering / hotspot），將你部手機變成一個無線ＲＯＵＴＥＲ，分享個寬頻上網出黎，咁張ＳＤ卡咪可以搵到ＩＮＴＥＲＮＥＴ出口，又可以控制到呢。呢個係小瑟依家係街必用既功能勒。
不過因為所有既功能都係依賴呢個ＷＩＦＩＳＤ ＡＰＰＳ去實現（除非你已經將相下載到自己部機上），而呢個ＡＰＰＳ既分享相片功能只對應一個社交網站，就係ＦＡＣＥＢＯＯＫ勒，又或者ＥＭＡＩＬ比人，所以如果想囉張相做其他野，就需要先ＳＡＶＥ左係手機先勒，都有小小唔方便呢。
下圖是進入設定環境：登入名同密碼都係：ＡＤＭＩＮ
網際網路模式設定內就係比你設定無線ＲＯＵＴＥＲ或手機ＡＰ的，佢有三個設定可以比你預先ＳＥＴ好，是但搵到一個就會自動登入，如果三個ＡＰ都搵唔到，佢一分鐘之後就會自己跳返去即時分享模式。
以下呢個就係即時轉換模式之用架勒。
總評
呢張卡既功能可以話係對依家市場上，大多數都沒ＷＩＦＩ功能既相機既一個幾唔錯既增值方法，不過當然仲有非常之多進步空間啦。
例如ＩＯＳ同ＡＮＤＲＩＯＤ既ＡＰＰＳ係使用上，有一個幾明顯既分別，就係話說如果係ＩＯＳ既機，下載相片時，可以比我選擇ＳＡＶＥ係圖庫定係安裝ＷＩＦＩＳＤ ＡＰＰＳ的ＦＯＬＤＥＲ位置，如果我選圖庫，張相就可以即時係我ＩＰＡＤ既圖庫見到，非常方便。
但如果係ＡＮＤＲＩＯＤ既ＡＰＰＳ內，就只可以直接ＳＡＶＥ係個ＡＰＰＳ既ＦＯＬＤＥＲ內，雖然ＡＮＤＲＩＯＤ既圖庫內照計都應該可以即時更新個ＦＯＬＤＥＲ去ＳＨＯＷ返Ｄ相出黎，不過係實測過幾部不同既ＡＮＤＲＩＯＤ手機上（ＧＮ／Ｎ４／ＮＯＴＥＳ２）都係發現最小一日時間Ｄ相先會係圖庫見到，非常不使。（更新：科林ＡＨＮＥＬ版主提供，已經有ＡＰＰＳ可以解決呢個問題。）
而小瑟個人睇法，一張ＣＬＡＳＳ １０，３２ＧＢ，有ＷＩＦＩ功能既ＳＤ卡用７百幾蚊值唔值就見仁見智，但係新年既時間，可以比我同親戚團拜飲茶時，用Ｄ比較靚小小既相機同親朋好友即時影相，即時分享既配件，小瑟覺得係值得入手的，始終，手機相都係係手機睇就ＯＫ，但想放大小小睇來，就始終係………………..算把啦！！XDDDDDDDDDD
Ｑ＆Ａ時間：
電量方面 － 基本上一定係比你用著通ＳＤ卡扯電架勒，但又未算非常嚴重，平均用左佢之後如果ＫＥＥＰ住又睇又影，就我部５Ｄ３一粒電為例，我影左２百幾張相，新年飲茶時ＳＥＮＤ來ＳＥＮＤ去，玩足二個鐘，相機都仲有７０％電力，反而係部手機唔多夠電就真。
連線品質 － 值得一提既係，玩左張卡咁耐，小瑟發覺想有最穩定既玩樂效果，最好就係熄哂相機上既所有節電功能，即係部機要ＯＮ左就長著唔會熄既，咁就可以保證你玩相唔會成日斷下斷下咁勒。
有否開闢 － 張卡係冇任何開關制比大家做手動ＯＮ／ＯＦＦ的，但係設定內，就有一個功能可以比你選擇，如果係沒有ＷＩＦＩ連線既情況下，幾多分鐘之後會ＯＦＦ左個ＷＩＦＩ，有１，５，１０分鐘三個選擇比大家的。
支援檔案 － 係官方文件中，支持既瀏覽照片格式有(JPG, BMP, PNG)，而播放影片就有(AVI, MOV, MP4, M2T, MTS, M2TS)，而小瑟就試過將部ＧＦ１插左張ＷＩＦＩＳＤ，影左段７２０ｐ既ＶＤＯ，係個ＷＩＦＩＳＤ ＡＰＰＳ內睇返，係窒既，基本上係睇唔到的，所以大家都係下載係ＩＰＡＤ睇算呢。
有關呢張ＷＩＦＩＳＤ既功能，大家可以下載呢份詳情說明睇睇的，不過大家大可以放心，呢個說明都算字小圖多的。
http://tw.transcend-info.com/support/dlcenter/Manual/WiFiSD_Manual_v11_TC.pdf
如果大家都想了解小瑟或其他師兄玩呢張卡既更多實戰經驗，請進入我地攝影吹水區爬下文或一齊討論下啦。
終於入手 Transcend WI-FI SD 32GB
http://www.post76.com/x2/forum.php?mod=viewthread&tid=148548&fromuid=4
