小瑟絕對係 GOOGLE既FANS, 好多TOOLS都係用 GOOGLE既SERVICE, 而手機就更加係由 NEXUS ONE開始支持, 之後 NEXUS S因為果期用緊iPHONE而冇換到, 之後既 Galaxy Nexus都係4千多呢個高位入手, 都咪話唔似赤!!!!
講返部 Nexus 4 先, 今次 Nexus 4係LG代工的, 採用 Google 原生的 Android 4.2.1 Jelly Bean 作業系統, 而硬體配置一D都唔野小, CPU用了 Qualcomm S4 Pro APQ8064, 1.5GHz 四核心處理器, 2GB RAM, 8GB / 16GB ROM, 螢幕顯示方面就採用 4.7 吋，1,280 x 768解析度的 True HD IPS螢幕, 雖然此機硬件是現時比較頂尖的類別, 但在美國開賣時, 8GB 建議都只係美金 299 元, 而16GB版本都係 349 美金, 初睇時的確非常吸引, 不過來到香港時, 行貨價錢就定出HKD$4398, 的確呢個價係比較另人失望, 但以小瑟所知, 有D地方係可以以3字頭就可以入手, 以呢個價可以買到4核手機來講, 小瑟覺得可以接受啦!!!
Nexus 4 機身厚度非常薄, 只有 9.1mm, 前後都用上玻璃材質, 小瑟用左幾日, 的確係比之前用緊既 Galaxy Nexus既膠質面板更好觸控性, 而最緊要既係, 小瑟面油什多, 用 Galaxy Nexus 時面板會非常非常的污濁, 但依家4仔既玻璃面板, 情況真係好左好多, 當然就有個風險啦, 就係唔可以貼Screen Protect呢, 不過依家人人都興打真軍, 死就死啦~~~
今次 4仔係採用同iPhone一樣既設計, 全機一體化, 冇得換電, 插卡係用針吉開 Micro SIM, 右邊Power, 左邊上下音亮鍵, 底部一個USB插口, 非常簡潔!
背面既玻璃設計真係好靚仔, 如果幫佢帶個套, 真係咩 FEELING都冇哂呢~~~~XDDDDD
比上代優勝…..?
話哂硬件真係同上代Galaxy Nexus差幾皮, 呢點一玩上手已經冇野好講, 爽, 快, 唔洗等呢下真係比GN明顯好多, 尤其係睇相, 唔知係小瑟部GN太多野定係點, 我開圖片庫都要等3-4秒先可以 LOAD哂所以PHOTO BOOK出來(因為小瑟仲有好多個ACCOUNT既PICASA係入面, 所以每次都要LOAD好耐先可以入返去自己部手機影既相簿內), 但4仔真係快, 一CLICK即時入到………….呢點真係最最最明顯架勒~~~
True HD IPS+ vs Super HD AMOLED??
依家手機已經去到用來睇MV, 睇劇同睇 MOVIE既多功能, 有時我地都會係手機上睇下YOUTUBE, 對我地呢D熱愛影音既人來講, SCREEN既畫面都對一部機既好壞有一個決定性既考慮, 二部機都係720P 高畫質, GN就係 1,280 x 720pixels, 而 N4就係 1,280 x 768pixels, 而尺寸就分別係 GN既 4.65 吋 同 N4既 4.7 吋, 雖然 N4數字上係大小小, 不過大家可以睇下小瑟呢張圖, GN係睇野比N4多架喎, 但仔細度, 係細心留意下, N4係比GN的為仔細的呢~~~
上圖為 N4 而下圖為 GN 的畫面!!!!
二個Mon邊個靚D??? 小瑟覺得Samsung的Super HD AMOLED畫面會有小小偏黃, 但濃豔既色彩偏偏就最能夠討好人眼, 而True HD IPS+就係白平衡上, 做得比較準確了, 佢既白色就真係白色, 唔會好似 GN咁, 變左黃色的, 當然係影音既角度來睇, GN既MON係對比度係比較好的, 因為色深明顯係比 N4既深同闊, 但GN有一個好大既問題, 就係燒印, 小瑟之所以要換機, 最初既原因唔係因為速度問題, 而係個MON, 小瑟部GN燒印已經另到我好唔想再用部機了, 所以……….!!!
影相
小瑟覺得二部機影相真係差唔多, 冇邊部好D邊部差D, 正確咁講二部機影相都唔係好架勒……..~_~
值得一提既係, 新版N4已經放棄了原有GN之瀏覽器, 全面轉用 GOOGLE CHROME, 好唔好用….? 見仁見智啦!!!!
總結
如果大家要睇機內既效能或速度比併, 相信坊間其他專門講手機的網站已經講得大家背都背得出, 所以小瑟都冇需要(懶就懶啦XDDD)再詳測一次啦, 所以呢個分享只係從一個玩ANDRIOD唔 ROOT機既GOOGLE FANS玩部新 NEXUS既第一身感受, 比到最大驚喜小瑟既係速度, 同玻璃屏幕, 但N4最大既不足之處應該係話音既效果, 小瑟發覺N4比GN係街講電話時, 收到街外既雜音聲比GN大了不小, 呢個應該唔會係軟件既問題, 因為小瑟部GN都係上左4.2.1, N4都係, 但話音效果就大大不同, 呢個如果可以有得改善就更好了!!!!!
>
歡迎進入我們的影音玩樂討論區發表意見.
http://www.post76.com/x2/forum.php?mod=viewthread&tid=143990&fromuid=4
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
