相信好似小瑟一樣, 如果當年有睇過”黃金戰士”呢套卡通片既話, 一定會對首主題曲記憶尤新. 而約於1986年間, 小虎隊就係呢年正式解散。事隔廿多年, 而當年既小虎隊三人各有發展, 而當中數主音胡渭康, 就係2012年就以個人歌手重新出發, 推出《Keep Going》專輯, 而不足一年, 打正以靚聲為本的《唇愛》專輯, 就在2012年11月正式登場, 而擔任監製的, 更加係名監製黃尚偉先生, 而就係因為”靚聲”二字, 再加上科林上就連 Jadis大師亦以此碟作為試音軟件(外貌平庸 EarlyBird Power 3.5電源線), 另小瑟對此碟的信心大大增加, 入手之後一聽, 好多首歌都好岩小瑟聽, 就係因為咁, 所以就叫 Wil總膽粗粗地向唱片公司提出與 William作出一次面對面的分享會呢!!!^^”
不過今次真係想同大家介紹下呢隻專輯先, 首先選歌好, 全碟9首歌, 好多首都係小瑟鍾愛, 首先有哥哥張國榮作曲既 “如果你知我苦衷”, 小瑟一路都覺得當年周小姐唱呢首歌都好好, 不過我硬係覺得如果有一位有男聲可以唱出, 虔果一定更好, 今次由胡渭康唱出, 編曲變以輕快為主, 演繹上, 效果非常討好, 但低頻方面有小小厚, 以小瑟的 RudiStor NX 03 推動 IE80上, 小瑟需要將 IE80的低音控制調校到最低, 效果即時好返好多呢!!!
而小瑟全碟中最喜愛的, 非第六首的 “明知故犯”莫屬, 唔係因為一路向西既關係喎, 而係小瑟做小時候, 呢首歌絕對係出哂位的正呢, 絕對講得上90年代經典作品. 而之後仲有好多不同既女歌手既經典歌曲, 好似 “絕”, “夕陽之歌”, “值得”, “感冒”, 共9首正歌, 係胡渭康的唇中唱出呢D情愛既歌曲究竟係點樣既一個感覺呢???
總結：
此碟之錄音質素雖未算得上發燒級別, 但在網上睇過 William的訪問, 知道呢隻碟大多數既歌曲都係以一Talk過方式去收錄的, 以及不加任何修飾的, 就係希望可以將歌手既原汁原味毫無保留地比各位樂迷欣賞, 就係呢份對做音樂既執著, 絕對唔係以”搵錢”行先呢個態度, 就已經值得我地一眾對音樂有要求既玩家去支持, 而今次呢隻碟小瑟個人覺得係一個試金石, 反應好的話, 下次再出的大碟, 希望可以係錄音上會有更好的改進, 定位及細緻做得更好呢!!!
>
歡迎進入我們的影音玩樂討論區發表意見.
http://www.post76.com/x2/forum.php?mod=viewthread&tid=145295&fromuid=4
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
