Post76 版主及網友分享自己試機感覺就寫唔少、睇唔少。不過，與香港大代理 Pioneer 香港合辦試機分享報告，仲要有機會贏取一部價值兩萬八身價既頂級 SC-LX86 擴音機，對 76、對影音業界都算創舉!!! 呢個創舉亦有賴大家支持，所以報名初期已經超出我地預期人數，所以最終都決定加碼到有五位版友可以有機會試玩到 … 當時全港連媒體朋友都未有機會測試到既 SC-LX86。
最令我地及 Pioneer 方面驚訝既係 … 五位終極玩家交黎既報告水準之高，不但有媒體報告既級數，試玩深入程度可以說有過之以無不及!!! 為左公平起見，今次 Post76 只以協助形式去完成今次活動，全程不參予意見。所以就算去到尾聲收集五份報告時，都只要轉介角式，同時亦希望唔好有前後腳遞交可能產生既先入為主既感覺，集中係 9 月 24 日 (星期一) 清晨一次過電郵給 Pioneer 香港作評審。再者，由於 Post76 或多或少都會認識到參賽者，所以我地全個評審過程亦沒有參予，完完全全保持中立，就連得獎名單，都係活動宣報前一刻先知到。
至於，今次全部五份報告，我地都會分五日足本為大家發佈，比大家更了解 Pioneer SC-LX86 既同時，可以更清楚五位用家對部機既評價及為勝出得獎者高興一下!!!
當然，今次活動辦得亦十分成功，往後定必有更多更好玩既活動、更豐富既禮品送比支持 Post76 既大家! 好 la、好 la … 宣報得獎名單: (所有報名於日內 Post76 影音 Blog 全部刊出)
第三名 ~ cocoduck2046
第二名 ~ Einstein
冠軍 ~ ellen
歡迎進入我們的影音玩樂討論區發表意見.
http://www.post76.com/discuss/viewthread.php?tid=133713
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
