一路以來, 唔少人都知道我地科林上既一位大佬前輩級人馬 FUMAN大佬文, 文哥仔既家庭影院係玩得好癲的, 小瑟可以用私人, 私家, 重裝備來形容. 而一路以來, 小瑟聽過好多好多不同既師兄版主及版友既分享, 說大佬文屋企就有如一個標準 THX的家庭影院……一路以來, 小瑟都心癢癢地想親身見識一下, 就係呢日, 小瑟終於都有機會同六九二爺, 加埋西毒, 一行四人, 浩浩蕩蕩地殺上我地76大師級人馬, FUMAN大佬文既家庭影院, 感受一下勁抽雙SUB同佈滿頂級器材既環境究竟會有咩效果呢!!???^_^
我地先來睇睇大佬文既影院器材先…..(小瑟都係第一次水蛇春咁長咁出個LIST出來呢!!!^^)
現用器材:
SANYO PLZ-Z4000 投影機
GRANDVIEW Deluxe Fantasy WM-M90HD Electric Screen 90寸電幕
SAMSUNG UA60D8000YJXZK(FHD-LED)60寸 iDTV
YAMAHA-RX V3900 擴音機
PARASOUND HCA-2003 {200WX3}後級
JBL Synthesis S400 {200WX2}後級(兩部)
Oppo BDP-93 藍光機
SONY-BDP-S370 藍光機
PIONEER-DV 420V DVD機
MARANTZ-SA 8003 CD機
Magic TV-MTV3000 機頂盒
BUFFALO-500GB 硬碟
Will 遊戲機
FURUTECH-RD 2 消磁器
SINE-VM-1 電壓顯示表
SINE-SAF-60A 平衡式電源處理器
喇叭:
CHARIO CONSTELLATION PEGASUS 前置
Chario Constellation Phoenix 中置
Monitor Audio-BRFX 後置
Monitor Audio-BRFX 後中置
Monitor Audio-Vector V10 (Front Presence 3D音場喇叭)
Mordaunt-Short Aviano 9 subwoofer 12寸超低音x2
線材:
SINE-Cassio 電源線x2…………………………………..>後級>CD機
SINE-CANTON 電源線……………………………………>藍光機
SINE-Louis 電源線X1…………………………………….>電源處理器
灰武士 DIY電源線X1……………………………………..>SURROUND AMP
MAS 50A 電源線X2………………………………………>後級X2
lsoclean premium 電源線X2…………………………….>超低音X2
NBS Dragonfly II 電源線X1…………………………….>DVD機
ONIX MASTER 電源線X1………………………………..>LCD TV
SINE-Cassio 喇叭線X1 pair……………………………>前置
APATURE 喇叭線X1……………………………………..>中置
Belden 8471 喇叭線50尺X4…………………………….>後置>後中置
TARALABS Prism 3 interconnect 訊號線X1 pair……..>CD
TARALABS Prism 3 interconnect 訊號線X2pair………>後級
TARALABS RSC Prime M3 訊號線X2 Pair………………>後級X2
AUDIOQUEST COPPERHEAD 訊號線X1pair…………….>超低音X2
SUNWIRE Contrast Pro HDMI線12MX1……………….>投影機
SUNWIRE Contrast Pro HDMI線 2MX3………………..>LCD >SONY 藍光機 > PIONEER 藍光機
Aegis HDMI線2Mx1……………………………………..>機頂盒
一入屋………嘩…不得了, 器材擺交整體有序, 左右一對 CHARIO CONSTELLATION PEGASUS 前置, 再配返同廠中置 Chario Constellation Phoenix, 呢個LCR已經係非常到位, 下方仲有一對Mordaunt-Short Aviano 9 subwoofer 12寸超低音左右排好, 上面再分好三部不同既POWER AMP同各式器材, 套用室內設計上既一句基本法規, “平衡設計” 是也, 可見大佬文除左對影音有要求之外, 對外觀及生活品味都有一定既要求呢!!!!
大家見到畫面上方的電視機嗎???? 當日小瑟一入屋, 就即時大嘆呢個畫面真係非常非常之大, 而另一驚嘆位, 絕對係大佬文可以將呢部SAMSUNG LED TV, 調校得畫面非常順滑, 光暗對比度非常之分明, 小瑟平時見好多地方 SET呢部SAMSUNG既TV, 都係光到爆, 又殘眼, 黑位又死實, 但就當日係大佬文屋企所見, 呢部SAMSUNG既立體感同細緻銳利度都非常好, 唔界眼之餘在黑位都可見DETAIL, 大家睇我連TVB既節目都影一餐就可知一二呢~~~~~^_^
大家見到既呢二部藍光機, 其實已經比文哥投閒置散左好耐了!!!!!!!
原因就係因為呢部既出現麻~~XDDDDDDDDD
JBL Synthesis S400 {200WX2}後級, 呢部POWER AMP簡直係可以用軍用級來形容. 佢地二個主要係用來推Monitor Audio-BRFX 後置同後中置既喇叭的, 囉得呢二部野來只負責呢四隻喇叭, 夠哂有突啦, 大家可以想像到, 連後置喇叭都用上咁好既大力士去推動, 呢個影院既包圍感同臨場感係何其壯觀呢!!!!^.^
PARASOUND HCA-2003 {200WX3}後級, 主要你用來推一對CHARIO CONSTELLATION PEGASUS前置同Chario Constellation Phoenix中置喇叭的. 用得做前置既, 冇返個THX認證點掂呀!!!!
而所有既視聽中央處理呢個任務, 就交比 YAMAHA-RX V3900 擴音機 作為中心勒!!!
文哥對聽歌既要求都唔野小, MARANTZ-SA 8003 CD機就係要來負責重播CD架勒!!!
介紹完器材, 電源方面都唔野小, 大家可以睇到文哥已經將牆身既所有牆插轉哂美式泠涷面板.
咁大個私人影院, 又點可以小得個軟件庫呢??? 呢個就係文哥一路以來既軟件庫房勒………..不過我地AV友, 真係多多櫃都唔夠用的, 因為碟既野, 一路一路咁買, 跟本唔會停呢, 大家睇下文哥幾大個櫃, 又係放到成檯係, 而另一邊其實仲有個櫃頂, 又係比佢擺滿哂碟的呢!!!!XDDDDDDDD
大家可以睇到影院既大後方, 四隻喇叭既安放位置, 完全附合左後7.1既最完美要求………..(大家睇下呢三大身痕友既快樂表情可知一二….XDDDDDD)
投放大畫面既任務, 就交左比 SANYO PLZ-Z4000 投影機勒!! 大佬文係入手時, 都出POST同大家分享過架勒~~~
http://www.post76.com/discuss/viewthread.php?tid=49199
好勒…………全屋開始進入影院狀態勒~~~~~~~~(好緊張呀!!!!!XDDDDDD)
實試超級影院
我地當日睇左由大佬文介紹既心水電影, 包括魔間傳奇, 鳳凰號, 極地戰狼, 先講魔間傳奇先, 我地睇最尾果段, 成炸喪屍突擊屋企, 之後咪一野大爆炸野, 嘩……唔好話套戲個地台震左一野, 我地現場睇果幾個都好似感覺到個地台都好似震左一震咁, 果陣低頻真係好誇張呀, 之後喪屍大佬撞玻璃又係咁, 直頭就好似沖埋黎我地度咁, 想係個幕度爆出黎咁, 真係好堅挺呀^.^
再來既鳳凰號, 我地就選擇左播上機入風沙暴果段, 風沙既包圍感非常充實, 就好似成個環境同氣氛都比風沙包圍住, 非常之過引呀. 之後再來我地就轉一轉睇D新野, 極地戰狼, 呢段就係睇主角開場冇耐之後, 係飛機上發夢果段, 如果有睇過都知, 主角發夢架機炒左, 呢段絕對係考驗到好多喇叭系統, 究竟係處理高頻時既技術, 而係大佬文屋企就完全可以感受到有如真正炒機果種金屬爆炸同氣流尖叫聲, 我地幾個當中, 有D人都頂唔順(小瑟係第一個~_~), 但就明顯聽得出大佬文對喇叭係應該呢D場面係輕鬆如自, 絕無炒耳爆音既可能性的.
最後我地睇左幾套戲之後, 就拿出好多CD出來, 大家靜心聽下歌仔, 吹吹水, 大家係聽歌既層面上, 要求都比AV來得更嚴緊, 因為聲音定位一聽就會好易聽出問題所在, 我地聽左幾首歌之後, 都建議文哥應該將個沙發位提高返半尺至一尺左右去就返個高音單元對準人耳水平, 而過程中, 大家仲有講有笑, 非常開心呢!!!!
呢粒木有幾神???? 小瑟冇作A/B比較, 都係等大佬文同大家講好過啦~~~^^”
>
後記
小瑟今次有幸可以親身一試大佬文既超級影院(本來係叫家庭影院的, 不過以佢既玩法, 佢跟本好似冇預有人係屋企住咁……XDDD), 可以講係大開眼界, 事關文哥對玩 AV 呢份熱情, 真係非常之強勁, 同埋小瑟都勁羨慕佢可以將整間屋玩盡佢呢下野, 多唔講, 就講佢器材後面既插線空間, 大拿拿有成尺幾位可以比佢成個人行入去慢慢插線呢樣野, 小瑟已經係非常非常之羨慕, 如果有一天小瑟屋企可以咁玩, 就真係發達啦~~~~XDDDDDD
而大佬文屋企套架生雖然係非常之強勁, 不過同文哥相處傾計當中, 佢份人絕無架子, 更加唔會自視以為高人一等, 呢點絕對係小瑟對文哥最敬佩既一環, 好多時, 玩AV又好, 又HIFI都好, 好多時因為自己要求高左, 慢慢自己就會不自覺地開始覺得D入門野唔掂, 掉左都冇人要之類既心態同說話, 但文哥絕對唔會, 佢心目中玩AV都係一種娛樂來, 娛樂就係要來滿足自己, 令自己快樂, 最緊要玩得開心, 器材絕冇高級低級之分的, 最緊要係調校得宜. 而當晚我地真係非常開心, 因為文哥仔仲請埋我地食飯, 真係又食又拎, 玩得招積呢!!!!!^_^
>
歡迎進入我們的影音玩樂討論區發表意見.
http://www.post76.com/discuss/viewthread.php?tid=125379
*** 溫馨提示：想更緊貼更多影音界的最新資訊，請到以下的 Facebook 專頁按「讚好」及 Google+ 專頁按「加到社交圈」加入我們，每天就會收到全新的中文影音免費資訊呢!! ***
